Спорт
Со ваква игра Германија повторно ќе биде на колена!
Македонската А репрезентација славеше убедлива победа со 4:0 против Лихтенштајн во натпреварот од 7. коло од квалификациите за Светското првенство 2022. Во Вадуц на Рејнпарк стадионот, нашата селекција целосно доминираше и апсолутно во ниту еден момент не беше доведено прашањето околу победникот на квалификацискиот меч.
Нашата селекција сега има 12 бодови во групата со Германија, Ерменија, Романија, Исланд и Лихтенштајн.
Дарко Велковски во 40. минута беше стрелец на првиот гол за Македонија. Во второто полувреме погодија Алиоски во 66. минута од пенал, Николов во 74. минута и Чурлинов во 83. минута.

Во 4. минута Александар Трајковски пропушти огромна прилика за отворање на резултатот. По акцијата на Елмас и Чурлинов, од само два-три метри Трајковски не успеа да го совлада домашниот голман.
Милан Ристовски во 12. минута ја имаше следната одлична шанса за 1:0. По центаршут на Алиоски, нашиот напаѓач имаше обид со глава, но заврши над голот на Бухел.
Во 18. минута не користиме нова чиста можност за гол во мрежата на Лихтенштајн. Милан Ристовски проигра со Елмас, после неговиот удар Александар Трајковски ја упати топката во мрежата на Лихтенштајн, но голот беше поништен поради офсајд.
Во 25. минута, домашниот капитен Хаслер го сруши во шеснаесетникот Елиф Елмас, но главниот судија не досуди пенал за Македонија. Пет минути подоцна пречката беше сојузник на домашните. Шутираше Алиоски, а потоа Чурлинов, но среќата беше на страна на противникот.
Во 35. минута по центаршут од слободен удар на Трајковски со глава крај голот биеше Елмас.
Конечно 1:0 за Македонија во 40. минута. Дарко Велковски беше најснаодлив во шеснаесетникот на Лихтенштајн и ја затресе мрежата, откако по корнерот на Трајковски шутираше Чурлинов, а потоа и Кире Ристевски.
Во второто полувреме продолжи целосната доминација на македонската репрезентација. Во 66. минута, Аријан Адеми беше фаулиран во шеснаесетникот и судијата по консултација со ВАР системот покажа пенал за Македонија. Езѓан Алиоски беше сигурен реализатор на најстрогата казна.
Во 74. минута, 3:0 за Македонија. Бобан Николов прекрасно се ослободи од својот чувар и биеше прецизно во мрежата на Лихтенштајн.
Две минути подоцна Бојан Миовски во своето деби за А тимот имаше одлична прилика, шутираше со глава, но Бухел ја спречи неговата радост. Домашниот голман во 79. минута го одбрани и ударот од далечина на Николов.
Во 89. минута, Миовски по асистенција на Ашковски беше во нова добра прилика, но шитираше над голот на Лихтенштајн. Последниот обид повторно со удар со глава го имаше Кире Ристевски.
МАКЕДОНИЈА: 1. Столе Димитриевски, 4. Кире Ристевски, 13. Стефан Ристовски (Ердал Ракип), 14. Дарко Велковски (Ѓоко Зајков), 20. Стефан Спировски, 5. Аријан Адеми (70`Стефан Ашковски), 8. Езѓан Алиоски (70` Бобан Николов), 7. Елиф Елмас, 11. Дарко Чурлинов, 9. Александар Трајковски, 19. Милан Ристовски (61` Бојан Миовски);
Спорт
Јувентус сигурен против Торино, Влаховиќ го отвори резултатот уште во петтата минута од натпреварот
Јувентус славеше со 3-1 против Удинезе на свој терен во Торино, во рамките на деветтото коло од италијанската Серија А. Домашниот тим го отвори резултатот уште во петтата минута преку Душан Влаховиќ, кој беше прецизен од белата точка. Во второто полувреме, Федерико Гати зголеми на 2-0 во 67-та минута, а Кенан Јилдаз ја запечати победата со гол во шестата минута од судиското продолжение.
Почесниот гол за гостите го постигна Николо Заниоло во првата минута од дополнителното време. Во следното коло, Јувентус ќе гостува кај Кремонезе, додека Удинезе на домашен терен ќе ја пречека Аталанта.
Рома ја совлада Парма со 2-1
Рома исто така запиша победа на свој терен, совладувајќи ја Парма со 2-1. Марио Ермосо го отвори резултатот во 63-тата минута, а Артем Довбик во 81-та ја потврди победата. Единствениот гол за Парма го постигна Алесандро Чикарти во 86-тата минута.
Комо убедлив против Верона
Во исто време, Комо беше подобар од Верона со 3-1 на домашен терен.
Спорт
Високи признанија за работата на ФФМ, Омерагиќ и Јандреоски именувани на високи меѓународни позиции во „ФИФА“
Претседателот на Фудбалската федерација на Македонија, Масар Омерагиќ, доби нова меѓународна функција, тој е назначен за член на Олимпискиот фудбалски комитет при ФИФА.
Овој комитет, кој функционира под надлежност на Советот на ФИФА, има задача да го следи и поттикнува развојот на фудбалот како олимписка дисциплина, како и да ја унапредува соработката со Меѓународниот олимписки комитет во сите прашања поврзани со турнирите во рамки на Олимписките игри.
На чело на Комитетот е Самир Шауд од Бразил, а негов заменик е Мустафа Раџи од Либерија. Меѓу членовите се наоѓаат повеќе истакнати фудбалски претставници од различни делови на светот како Кохзо Ташима од Јапонија (делегат на Советот на ФИФА), Чармејн Крукс од Канада, Хрисостомос Гкагкатсис од Грција, Шеик Ахмад Јусеф Ал Сабах од Кувајт, Бранко Радујко од Србија, Хелга Хелгадотир од Исланд и други.
Покрај Омерагиќ, и генералниот секретар на ФФМ, Леонид Јандреоски, доби важно меѓународно признание, тој е избран за член на Комисијата за медиуми и комуникации на ФИФА.
Оваа комисија има задача да ја дефинира и унапредува медиумската и комуникациската стратегија на ФИФА, со фокус на дигиталните платформи и јавната комуникација. На нејзино чело е Јасин Идрис Диало од Брег на Слоновата Коска, а заменик-претседател е Армен Меликбекјан од Ерменија.
Во составот на Комисијата се и Фатма Ал Нуими (Катар), Ајишат Фалоде (Нигерија), Ноел Муни (Велс), Хелена Пиреш (Португалија), Аманда Вандерворд (САД) и Тони Ванг (Тајван).
Именувањето на Омерагиќ и Јандреоски претставува големо признание за Фудбалската федерација на Македонија и потврда за растечкиот углед на македонскиот фудбал во меѓународната фудбалска заедница, истакна Фудбалската федерација на својот е-медиум.
Спорт
ФК Напредок со победа и едноминутно молчење оддаде почит кон легендата Зоран Ѓорѓиоски-Мрско
Пред денешниот првенствен натпревар помеѓу ФК. Напредок – ФК. Дрита со едно минутно молчење клубовите и управата му оддадоа почит на легендата на ФК.Напредок, Зоран Ѓорѓиоски-Мрско. Доајен на кичевскиот фудбал кој остави небришлива трага за која сите ние кои сме биле некогаш дел од ФК Напредок сме ги почувствувале.
Што се однесува до играта, повторно нашите фудбалери на домашен терен манифестираа важна победа со високи 4:0.
Стрелци на головите беа: М.Зафироски, Осман Исмаили реализираше 2 пати, Ж.Симјаноски сите постигнати во второ полувреме.
И денеска преку нашиот медиум, управата на ФК Напредок упатува голема благодарност до публиката која во секоја утакмица е се побројна и дава голема поддршка на нашите кичевски фудбалери.
Напред НАПРЕДОК!
-
Хороскоп2 денаХороскоп за среда (29 октомври)
-
Хороскоп15 часаХороскоп за четврток (30 октомври)
-
Македонија1 денМВР: Кривична пријава против поранешен директор, заменик директор и вработени во Агенцијата за храна и ветеринарство за „проневера во службата“
-
Македонија1 денДополнете гориво, ноќеска дизелот солидно поскапува, додека бензините остануваат со непроменета цена за литар
-
Временска прогноза1 денНа утро ладно, но врнежи од дожд во почетокот на месец ноември нема да имаме, вели Попоски
-
Спорт24 часаВисоки признанија за работата на ФФМ, Омерагиќ и Јандреоски именувани на високи меѓународни позиции во „ФИФА“
-
Скопје1 денСкопје: Поради протест на вработени во „ЈП Паркови и Зеленило“ затворен сообраќај во два правци
-
Спорт16 часаЈувентус сигурен против Торино, Влаховиќ го отвори резултатот уште во петтата минута од натпреварот

