Комбинацијата на редовна физичка активност и балансирана исхрана е најсигурниот пат до намалување на телесната тежина и подобрување на изгледот на телото. Кога ќе воспоставите рутина која ги обединува овие две навики, можете да додадете и неколку едноставни, но ефективни стратегии што ќе ви помогнат побрзо да ја постигнете посакуваната форма и тежина.

1) Јадете само на маса

Доколку имате навика да јадете додека работите на компјутер, гледате телевизија, користите телефон или читате, време е да ја промените таа навика. Истражувања спроведени во Велика Британија покажуваат дека луѓето кои јадат „расеано“ внесуваат повеќе калории не само во текот на оброкот, туку и во остатокот од денот.

Затоа, трудете се појадокот, ручекот и вечерата секогаш да ги јадете на маса, без други активности околу вас. Фокусот на храната му овозможува на телото подобро да ја регистрира количината што ја внесувате, што пак создава подолготрајно чувство на ситост.

2) Користете помала чинија

Намалувањето на големината на чинијата може да доведе до природно намалување на количината на храна што ја консумирате дури и до 30%. Серверирајте ги оброците во помали садови и ќе го „измамите“ мозокот да се чувствува заситен со помал внес.

3) Спијте доволно

Недостигот на сон директно влијае на апетитот и изборот на храна. Кога сме уморни, организмот бара брза енергија обично во форма на шеќери и рафинирани јаглехидрати. Со доволно сон, полесно ќе ги контролирате желбите за нездрава храна и ќе го одржите метаболизмот во рамнотежа.

4) Осигурете си темна спална соба

Светлината во спалната соба може негативно да влијае на квалитетот на сонот, а со тоа и на процесот на слабеење. Според истражување објавено во American Journal of Epidemiology во 2014 година, жените кои спиеле во потемни простории имале 21% помала веројатност да се соочат со прекумерна тежина.

Причината лежи во фактот што светлината го попречува лачењето на мелатонинот хормонот што го регулира сонот. Решението е едноставно: инвестирајте во завеси што целосно ја затемнуваат просторијата или користете маска за очи при спиење.

Заклучок:
Малите, но доследни промени во навиките можат да направат голема разлика. Вежбајте редовно, хранете се свесно, спијте доволно и создајте средина што го поддржува вашиот здрав животен стил.

На Балканот, каде тврдокорноста е дел од секојдневието, ракијата не е само пијалок што ја придружува добрата трпеза и веселите моменти. Таа има и почесно место во народната медицина. Од дамнина се верува дека „една чашка ракија“ може да излечи сè од болки во стомак до ревматизам. Пренесувана од колено на колено, оваа вера опстанала до денес, иако треба да се има на ум дека ракијата содржи висок процент на алкохол и со неа мора да се постапува внимателно.

Во умерени количини, овој природен еликсир навистина може да помогне при различни тегоби. Еве неколку ситуации во кои народот најчесто ја користи:

1. Болки во желудникот

Ако сте се прејале со мрсна храна и желудникот ве мачи, мала чашка лозова, сливова или треварица може брзо да го смири непријатното чувство и да ја олесни варењето.

2. Забоболка

Наместо таблети, некои се колнат во народниот лек ракија директно на болниот заб. Земете голтка, задржете ја десетина секунди околу забот и исплукајте. Постапката може да се повтори неколку пати, но без претерување за да не се надразни непцето.

3. Воспалено грло

Ако воспалението е бактериско, комбинацијата на ракија и неколку капки прополис може да го дезинфицира грлото. Добар додаток е и топол билен чај во кој ќе ставите две-три лажички ракија.

4. Болки во грбот

Масажата со ракија, особено со комовица, помага да се намали болката во мускулите и да се подобри циркулацијата. Доволно е неколку капки да се втријат во болното место неколку пати во текот на денот.

5. Вкочанет врат

Иста постапка како кај болниот грб малку ракија, масажа и топлина за полесно движење.

6. Ревматизам и артритис

Кај луѓето кои страдаат од артритис, масирањето со ракија може да ја ублажи болката во зглобовите и да го намали воспалението.

7. Отоци и воспаленија

Благото ладење што го предизвикува ракијата може да помогне при отоци. Натопете крпа во ракија, нанесете ја на погоденото место неколку секунди, па тргнете ја и повторете ја постапката повеќе пати.

8. Лоша циркулација

Не е чудно што многу баби и дедовци ја започнуваат утрината со едно мало чаше ракија, таа ја поттикнува циркулацијата и го „раздвижува“ телото.

9. Уринарни проблеми

Комбинацијата на ракија и магдонос традиционално се користи како природен лек против бактериски инфекции на уринарниот тракт.

10. Мачнина при возење

Народен совет гласи дека голтка ракија може да ја намали мачнината при возење но овој совет НЕ се однесува на малолетници ниту на возачи.

Иако ракијата може да помогне во олеснување на некои симптоми, таа не е трајно решение. Откако ќе помине тегобата, најдобро е да се консултирате со лекар за вистински третман. Ракијата може да биде добар сојузник но само ако ја користите со мерка и мудрост.

Многу луѓе кога ќе тргнат на одмор се соочуваат со непријатности во дигестивниот систем. Промената на климата, исхраната и околината често го нарушуваат рамнотежниот ритам на стомакот. За среќа, една австралиска нутриционистка нуди едноставно, но ефикасно решение.

Според Ребека Гоуторн, клучот е во изборот на овошје кое ги „радува“ цревата.

– „Крушите се совршен сојузник на дигестивниот систем. Тие содржат комбинација од растителни влакна и природни шеќери – сорбитол и фруктоза – кои ја поттикнуваат работата на цревата и спречуваат запек“, објаснува таа.

Проблемите со варењето се особено чести при патување со авион, бидејќи наглите промени во притисокот и воздухот директно влијаат на работата на стомакот.

– „Но, здравиот дигестивен систем не е важен само за редовна столица“, додава Гоуторн. „Кога цревата функционираат добро, телото подобро ги апсорбира хранливите материи, имунитетот се зајакнува, а нивото на енергија расте.“

Крушите, познати по својата висока содржина на влакна, се идеален избор за секој што сака да го зачува варењето во добра форма – особено за време на летниот одмор. Вашите црева навистина ќе ви бидат благодарни ако ги вклучите во секојдневното мени.

/taratur