Спорт
Екипата на ЛУКОИЛ Македонија е шампион во актуелната фудбалска „Бизнис Лига“ – 3КТО момчињата без ниеден пораз направија фантастичен скор!
По завршувањето на есенскиот дел од Бизнис Лигата на Македонија само екипата на Лукоил успеа да дојде до маестрален скор во кој од 10 одиграни натпревари успеа да забележи исто толку победи. Целиот есенски дел го одигра без пораз како и без израмнет натпревар, успеа да оствари маестрален скор од 30 бода, а притоа имаше 83 дадени гола и 21 примен со што беше во позитива од дури 62 гола.
Веднаш зад нив беше екипата на Матрикс која имаше два нерешени натпревари со ист резултат беше и екипата на Џојсон Сејфти Системс која имаше нешто послаба гол разлика па се најде на третото место.
Во останатиот дел од табелата следеше екипата на Гранит која е на 4то место која има 7 победи и еден нерешен натпревар и еден пораз и секако натпревар помалце.
Петтото место и припадна на екипата на Ван Хоол со 7 победи и 3 порази
На шестото место на табелата се најде екипата на С.Ц. Борис Трајковски со 6 победи и 4 порази
Седмо место се ТЕМАТО кои се нови во Бизнис Лигата и успеаа да остварат одличен скор од 6 победи и 4 порази
Очекуваме во пролетниот дел да продолжи неизвесноста бидејќи системот на натпревари и Ф8 фазата ќе донесат нова возбуда и шанса за секој кој ќе влезе во неа со победа на само еден натпревар да се најде во финалето и на само чекор од Шампионската титула
Повеќе за бодовното салдо прочитајте во продолжение ТУКА
Извор/Фото: Бизнис Лига
Спорт
ФК Напредок со победа и едноминутно молчење оддаде почит кон легендата Зоран Ѓорѓиоски-Мрско
Пред денешниот првенствен натпревар помеѓу ФК. Напредок – ФК. Дрита со едно минутно молчење клубовите и управата му оддадоа почит на легендата на ФК.Напредок, Зоран Ѓорѓиоски-Мрско. Доајен на кичевскиот фудбал кој остави небришлива трага за која сите ние кои сме биле некогаш дел од ФК Напредок сме ги почувствувале.
Што се однесува до играта, повторно нашите фудбалери на домашен терен манифестираа важна победа со високи 4:0.
Стрелци на головите беа: М.Зафироски, Осман Исмаили реализираше 2 пати, Ж.Симјаноски сите постигнати во второ полувреме.
И денеска преку нашиот медиум, управата на ФК Напредок упатува голема благодарност до публиката која во секоја утакмица е се побројна и дава голема поддршка на нашите кичевски фудбалери.
Напред НАПРЕДОК!
Спорт
За прв пат, во ист ден тројца кичевски судии ќе судат меѓународни натпревари во Австрија и Фарски Острови
Историски ден за кичевскиот спорт, во водите на професионалните фудбалски судии. Тројцата арбитри под нашето фудбалско поднебје кои буквално животот го посветија во фудбалскиот свет во ист ден ќе судат меѓународни натпревари во Австрија и Фарски Острови.
Имено, во среда на мечевите во рамки на „UEFA“ младинската лига до 19 години помеѓу „Австрија Виена“ со „Макаби Хаифа“ – судии ќе бидат Јован Качевски, Даниел Василевски и кичевчанецот Давор Цветаноски, додека на мечот во „Nordragota“ – „Викингур“ со „Генк“ правдата ќе ја делат Влатко Илиовски и кичевчаните Куштрим Лика и Зоран Јанкулоски.
Благодарение на Фудбалската федерација на Македонија на чело со претседателот Масар Омерагиќ и комесарот Јосип Бартон се дава можност на национални докажани судии да судат интернационални натпревари кои достојно ќе ја претсават Македонија во Европа, подвиг кој е за сите почести.
Мечот во Виена ќе започне од 15:30 часот, додека истиот ден мечот во Фарски Острови ќе започне од 20:00 часот.
Спорт
Македонија одигра „реми“ со Казахстан на „Тодор Проески“, Барди нè спаси од сигурен пораз
Избраниците на Благоја Милевски сега ќе имаат клучен дуел со следната селекција, кој ќе реши кој тим ќе го заземе второто место. Со ова реми, фудбалската репрезентација на Македонија го предаде врвот на табелата на Белгија, која успеа да го совлада Велс по драматичен пресврт.
Велс во наредното коло ќе се сретне со Лихтенштајн, а евентуална победа би им донела можност да ја поминат Македонија на табелата. Судирот меѓу овие две репрезентации ќе се одигра токму во последната рунда, што дополнително ја зголемува неизвесноста.
Со победа во овој натпревар, Македонија ќе можеше да остане во трката за првата позиција, иако Белгија би била во пол-поволна ситуација. Сепак, по актуелниот расплет, македонските фудбалери ги очекува исклучително тежок ноемвриски предизвик.
Дуелот беше крајно израмнет и двата состави создадоа неколку добри прилики во првото полувреме, но мрежите мируваа до паузата. Казахстан прв стигна до водство во 54-тата минута преку Динмухамед Караман, но Енис Барди успеа да врати баланс во 74-тата минута со прецизен удар.
Иако нашите имаа уште неколку обиди да направат целосен пресврт, сепак не успеаја повторно да ја затресат мрежата и да си обезбедат полесен финиш на квалификациите.
Голот на Барди од слободен удар ексклузивно погледнете го ТУКА, преку нашите колеги од редакцијата на „Курир“
-
Кичево1 денУтре во НУЦК „Кочо Рацин“ – Кичево, се организира „Хуманитарен концерт“ на здружение на родители на деца со пречки во развој, да бидеме хумани!
-
Кичево8 часаВчера во кичевското с.Староец затекнат бил крушевчанец на криволов
-
Хороскоп2 денаХороскоп за петок (24 октомври)
-
Хороскоп23 часаХороскоп за сабота (25 октомври)
-
Македонија1 денВисоки претставници на МВР денес беа во работна посета на ГП Блато и ОВР Дебар
-
Македонија2 денаВо недела наутро започнува зимското сметање на време, со тоа што стрелките се враќаат еден час поназад
-
Спорт2 часаФК Напредок со победа и едноминутно молчење оддаде почит кон легендата Зоран Ѓорѓиоски-Мрско
-
Македонија2 денаАМСМ: Поради излетано тешко товарно возило, патот Скопје-Куманово кај Хиподром (обиколница) е во прекин
