Следете не

Спорт

Ова се избраниците на Милевски за WorldCup 2022. Заеднички да веруваме во успех!

Објавено пред

на

Селекторот на македонската А репрезентација, Благоја Милевски го објави списокот со повикани фудбалери за натпреварите против Италија (24. март) и Португалија / Турција (29. март) од плејофот за пласман на Светското првенство во Катар 2022.

На списокот на селекторот Милевски се наоѓаат 27 фудбалери. Давид Бабунски од унгарски Дебрецин е повратник во најдобрата репрезентација. Кристијан Наумовски од Шкупи е повикан во конкуренција за голманската позиција.

ГОЛМАНИ: Столе Димитриевски (Рајо Ваљекано, Шпанија), Дамјан Шишковски (Докса, Кипар), Кристијан Наумовски (Шкупи);

ОДБРАНА: Стефан Ристовски (Динамо Загреб, Хрватска), Дарко Велковски (Ријека, Хрватска), Висар Муслиу (Инглоштад, Германија), Кире Ристевски (АЕЛ Лимасол, Кипар), Езѓан Алиоски (АЛ Ахли, Саудиска Арабија), Тодор Тодоровски (Серед, Словачка), Стефан Ашковски (Сепси, Романија), Никола Серафимов (Залаегерцег, Унгарија);

СРЕДЕН РЕД: Аријан Адеми (Динамо Загреб, Хрватска), Елиф Елмас (Наполи, Италија), Енис Барди (Леванте, Шпанија), Стефан Спировски (МТК, Унгарија), Тихомир Костадинов (Пјаст, Полска), Јани Атанасов (Хајдук, Хрватска), Ердал Ракип (Малме, Шведска), Бобан Николов (Шериф Тираспол, Молдавија), Давид Бабунски (Дебрецин, Унгарија);

НАПАД: Адис Јаховиќ (Гестепе, Турција), Милан Ристовски (Спартак Трнава, Словачка), Бојан Миовски (МТК, Унгарија), Дарко Чурлинов (Шалке 04, Германија), Александар Трајковски (Ал Фахја, Саудиска Арабија), Ваљон Етеми (Истанбулспор, Турција), Дориан Бабунски (Дебрецин, Унгарија);

Собирот на македонската А репрезентација е закажан за 20. март во 19:00 часот во хотел „Хилтон“ во Скопје.

Првиот тренинг е во понеделник во 19:00 часот на тренинг центарот „Петар Милошевски“ во Скопје. На 22. март во 17:00 часот со чартер лет, репрезентацијата патува за Палермо каде што ќе се одигра натпреварот против Италија.

Репрезентацијата на Македонија на 24. март во Палермо ќе се соочу со Италија во првиот бараж натпревар за пласман на Светско првенство во Катар 2022 година.

Селекторот на нашата најдобра репрезентација, Благоја Милевски денеска го објави списокот на повикани фудбалери за плејоф дуелите и даде свое видување во однос на повиканите играчи и предзвикот кој ни претстои.

Благоја Милевски, селектор на репрезентацијата на Македонија:

– Што се однесува до напаѓачките опции, Адис Јаховиќ е повикан, но неговото доаѓање е неизвесно. Јаховиќ се соочува со одредени потешкотии, има болки во тетивата и наскоро ќе дознаеме дали ќе може да му се приклучи на тимот. Несторовски не е повикан од причина што во текот на оваа сезона има одиграно само 13. минути во Купот на Италија, но не значи дека нема да сметаме на него за идните активности доколку влезе во натпреварувачки ритам. 

– Се работи за еден натпревар со Италија на кој се е отворено. Нашите фудбалери треба да уживаат во овој бараж, да покажат дека не сме случајно на ова место и меѓу најдобрите 20 селекции во Европа. Ме радува формата во која се наоѓаат нашите репрезентативци. Што се однесува до Италија, се работи за селекција која е во топ пет по квалитет, актуелен Европски првак. Меѓутоа секоја селекција има свои силни и слаби страни, така е и со нашиот следен противник, наше е да успееме тоа да го искористиме.

– Овој тим на Македонија не знае да игра дефанзивно и да игра пасивно. Тоа го покажавме на сите седум натпревари во квалификациите, а ќе се потрудиме да го потврдиме и на дуелот со Италија. Ќе биде тешко, но не и невозможно. Нема лесен натпревар на ова ниво.

– Искрено, не гледам поврзаност со претходните два меѓусебни натпревари против Италија. Од последниот меч со Италија мина долго време, двете селекции имаат различен селектор, различна филозофија. Сега играме еден натпревар, кој е од сосема поинаков тип и важност, во споредба со двата квалификациски меча одиграни во Скопје и Торино.

Собирот на македонската А репрезентација е закажан за 20. март во 19:00 часот во хотел „Хилтон“ во Скопје.

Првиот тренинг е во понеделник во 17:00 часот на тренинг центарот „Петар Милошевски“ во Скопје.

Спорт

Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“

Објавено пред

на

ФОТО: screenshot/youtube

Градот под Пелистер на 9 септември ќе биде центар на младинскиот европски фудбал, откако стадионот „Петар Милошевски“ доби официјална дозвола од УЕФА да биде домаќин на квалификацискиот дуел помеѓу македонската селекција до 21 година и силната репрезентација на Италија.

Во изминатиот месец и половина, Фудбалската федерација на Македонија во партнерство со општина Битола вложи околу 150.000 евра за комплетна санација и модернизација на спортскиот комплекс. Резултатот е стадион кој денес изгледа препознатливо европски и кој е подготвен за настани од највисоко ниво.

Новата јужна трибина е опремена со комфорни седишта, тартан патеката е заменета со современа подлога, а службените и медиумските простории добија нов изглед и функционален мебел. Поставени се и нови клупи за резервните играчи, уреден е ВИП секторот, а ФФМ донираше модерен ЛЕД семафор. Дополнително, тревната подлога беше освежена и подготвена со специјализирана механизација и експертски тимови.

Со овие подобрувања, „Петар Милошевски“ ги исполнува сите критериуми за организација на меѓународни натпревари и ја враќа Битола на големата фудбалска сцена.

Претседателот на ФФМ, Масар Омерагиќ, ја нагласи важноста на овој проект, „Она што го зацртавме како цел – да ја вратиме фудбалската магија во Битола – денес е остварено. Со заедничка работа со градоначалникот Коњановски и тимот на општината, покажавме дека и за кратко време може да се постигнат големи резултати. Овој успех е само поттик да продолжиме со реконструкции и на другите стадиони во државата.

Следниот чекор, како што најави Омерагиќ, е реконструкцијата на градскиот стадион во Тетово, со што ФФМ и управата ја продолжуваат својата мисија за унапредување на спортската инфраструктура на национално ниво.

Со ова, Битола не само што добива модерен спортски објект, туку и нова енергија за развој на фудбалот и спортската култура во регионот, истакна Фудбалската федерација на Македонија на својето веб гласило.

Прочитај повеќе...

Спорт

Составот на македонската фудбалска репрезентација за мечевите против Саудиска Арабија и Лихтенштајн

Објавено пред

на

©porta.mk

Фудбалерите на Македонија се подготвуваат за претстојните натпревари од квалификациите, каде што ќе се сретнат со Саудиска Арабија на 4 септември и со Лихтенштајн на 7 септември. Селекторот и тимот најавуваат максимална посветеност и целосна концентрација за да обезбедат добри резултати на овие пресудни средби.

Ова се повиканите фудбалери избраници од Милевски за претстојните мечеви, а ги соопшти Фудбалската федерација на Македонија:

Голмани:

  • Столе Димитриевски
  • Дејан Илиев
  • Дамјан Шишковски
  • Игор Алексовски

Одбрана:

  • Дарко Велковски
  • Езѓан Алиоски
  • Никола Серафимов
  • Андреј Стојчевски
  • Висар Муслиу
  • Бојан Илиевски
  • Гоко Зајков
  • Стефан Деспотовски

Среден ред:

  • Енис Барди (капитен)
  • Јани Атанасов
  • Елиф Елмас
  • Исник Алими
  • Лука Станковски
  • Тихомир Костадинов
  • Решат Рамадани

Напад:

  • Бојан Миовски
  • Милан Ристовски
  • Дарко Чурлинов
  • Александар Трајковски
  • Лирим Камили
  • Елмин Растодер
  • Димитар Митровски

Селектор:

  • Благоја Милевски ✅
Прочитај повеќе...

Спорт

Алонсо со својот „CFMoto“ стана првиот возач победник од својата земја во „Мото2“, откако триумфираше за големата награда на „Michelin“ во Унгарија

Објавено пред

на

ФОТО: Unsplash.com @ Sara Ruffoni

Колумбиецот Давид Алонсо (CFMOTO Inde Aspar Team) стана првиот возач од својата земја што победил во Moto2, откако триумфираше на Големата награда на Michelin во Унгарија. Со извонреден финиш, тој ги надмина главните конкуренти за титулата, Диого Мореира (Italtrans Racing Team) и Мануел Гонзалез (LIQUI MOLY Dynavolt Intact GP), во трилер-завршница на Балатон Парк.

Алонсо влезе во завршните кругови со најсилно темпо, минувајќи го Гонзалез во претпоследниот круг, а потоа со маестрална одбрана ја задржа предноста до целта. Мореира заврши втор и со тоа за првпат во историјата Moto2 забележа јужноамериканско 1-2, додека Гонзалез мораше да се задоволи со третото место.

Зад нив, Џејк Диксон финишираше четврти, а Холанѓанецот Колин Вејер со петтото место го постигна својот најдобар резултат досега. Голем удар претрпе Арон Канет, кој заврши шести и изгуби важни поени во шампионската битка.

Историскиот триумф на Алонсо го најавува пристигнувањето на нова генерација во Moto2, бидејќи пет дебитанти завршија меѓу првите десет во Унгарија.

Прочитај повеќе...

Facebook

Последни објави

Временска прогноза43 минути

Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…

Под влијание на влажна и на нестабилна воздушна маса која е поврзана со циклонска активност со центар над Џеновскиот залив,...

На денешен ден1 час

Времеплов: На денешен ден (29 август)

На денешен ден 29 август, важни историски настани кои се случиле во различни години и делови од светот. 1189 – Дубровник склучил...

Хороскоп10 часа

Хороскоп за петок (29 август)

Овен Успевате да ги решите сите проблеми кои ве оптоваруваа изминатиот период. Денеска ќе се чувствувате многу подобро. Имате потреба...

Хроника18 часа

Во хотелска соба бил пронајден починат 69-годишник од Австралија

На 27.08.2025 во СВР Битола, било пријавено дека во хотелска соба во Битола бил пронајден починат С.С. (69) од Австралија....

Спорт19 часа

Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“

Градот под Пелистер на 9 септември ќе биде центар на младинскиот европски фудбал, откако стадионот „Петар Милошевски“ доби официјална дозвола...

Кичево22 часа

(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“

По повод 28 август –  „Денот на рударите“ во просториите на „РЕК Осломеј“ се одржа свечен настан на кој им...

Хороскоп1 ден

Хороскоп за четврток (28 август)

ОВЕН Многу сте одлучни кога станува збор за работата и сигурни сте дека можете да го остварите она што го...

Фото: Chris G @ unsplash Фото: Chris G @ unsplash
Автомобили2 дена

Nissan GT-R се пензионира по 18 години – крај на една ера

По цели 18 години производство, Nissan официјално го означи крајот на легендарниот R35 GT-R, откако последниот примерок за јапонскиот пазар...

Фото: Laurenz Heymann @ unsplash Фото: Laurenz Heymann @ unsplash
Магазин2 дена

Apple ќе ги открие новите модели на iPhone на 9 септември

Apple официјално испрати покани за својот голем есенски настан, кој ќе се одржи на 9 септември во Купертино. Настанот традиционално...

Спорт2 дена

Составот на македонската фудбалска репрезентација за мечевите против Саудиска Арабија и Лихтенштајн

Фудбалерите на Македонија се подготвуваат за претстојните натпревари од квалификациите, каде што ќе се сретнат со Саудиска Арабија на 4...

НАЈЧИТАНИ