Иницијативниот одбор на М.З. Иванидол во име на граѓаните од оваа култна населба утре 26.06 (недела) од 14:30ч организираат протест поради – како што велат за медиумите, изградба на социјални станови за најзагрозена категорија на граѓани.

– Нашата цел е од почеток јасна, човечки и хумано е да се помага, народите не ги двоиме по верска или расна основа иако поедини личности поради Х свои причини тоа ни го етикетираат како жители. Доказ на тоа е мешовитиот подвиг и глас на луѓе кои се помеѓу нас и против, но не сакаме нашата населба да прерасне во необично копно каде што нашите деца ќе растат во друштво со како што ја претставуваат во официјалните документи – најзагрозената категорија на луѓе, која како таква сите знаеме за што станува збор, нека им изнајдат по соодветно решение и нека им се реши проблемот – за медиумите истакна Владимир жител, среќно оженет и татко на две дечиња.

– Дај боже да се гради и ние сме за тоа, но нека бидат задоволени и нашите долгогодишни проблеми, нека изградат пешачка зона, нека изградат градинка да не патуваат нашите деца по 2 километри, нека изградат медицински центар кој брзо и ефикасно би се излегло во пресрет на секој итен случај, тоа се проекти за кој и жителите дале легитимитет, никаде претходно не сме слушнале за ваков проект – додава член на Иницијативниот одбор од М.З. Иванидол