Гејминг
Кои игри можете бесплатно да ги преземете денес?

Како и обично, тука сме да ви ги прикажеме најжешките видео игри што можете да ги преземете бесплатно од неколку различни онлајн продавници во моментов.
Ancient Enemy
Оваа видео игра е мешавина од RPG и игра со карти и е сместена во свет што исчезнува, каде силите на злото веќе победиле и каде што само неколку од оние со неукротим дух продолжуваат да се борат. Ancient Enemy можете да го преземете бесплатно од Epic Games Store до 14 јули.
Killing Floor 2
Ова е динамична игра со пукање во која се борите сами или во тим со пет или единаесет пријатели против агресивни вонземски суштества наречени Зедс. Killing Floor 2 е исто така бесплатна на Epic Games Store до 14 јули, па оние кои сакаат да пукаат соло или со пријателите можат да пробаат релативно нов наслов од 2020 година.
The Witcher: Enhanced Edition
The Witcher 3 е една од најдобрите RPG видео игри некогаш направени, но првиот дел од трилогијата The Witcher, според наше мислење мора да го пробате, особено кога е бесплатен. Доживејте го почетокот на авантурите на Гералт во многу потемна средина и со необичен борбен систем. За да ја преземете оваа видео игра бесплатно, треба да ја инсталирате програмата GOG Galaxy, да го отворите сегментот „Discover“ и да кликнете на копчето „Yes, claim“ во банерот со име „Claim The Witcher: Enhanced Edition and don’t miss the best GOG offers“. Малку покомплициран процес, но вреди.
Beneath a Steel Sky
Друга бесплатна видео игра на платформата GOG е „Beneath a Steel Sky“, вистински скапоцен камен на ретро-авантуристичкиот жанр од далечната 1994 година. Знаеме, знаеме, стар е, но овој наслов не изгуби ни трошка од својот визуелен идентитет, шарм и интересен заплет низ сите овие години. Би се осмелиле да кажеме дека самата приказна на оваа видео игра, во која земјата е речиси уништена од загадувањето додека богатите се кријат под површината, сега е поактуелна од кога било досега.
Street Fighter II: The World Warrior
Конечно, можете бесплатно да ја преземете ретро верзијата на Street Fighter II: The World Warrior на платформата Steam. Лесен начин за ослободување од негативна енергија, особено ако имате член на домаќинството кој не е многу добар во видео игрите.
Гејминг
Fortnite повторно достапен на iOS во Австралија

По пет години судски битки, Epic Games успеа да го врати Fortnite и Epic Games Store на iOS уредите во Австралија. Одлуката на судот утврди дека Apple ја ограничувал конкуренцијата со своите строги правила, особено со забраната за алтернативни методи на плаќање, пренесува Australian Financial Review.
Epic Games изјави:
„Австралискиот суд пресуди дека Apple и Google ја злоупотребуваат својата контрола врз дистрибуцијата на апликации и плаќањата во нив за да ја ограничат конкуренцијата. Постојат над 2.000 страници со наоди што ќе треба да ги испитаме. Сепак, ова е победа за програмерите и потрошувачите во Австралија!“
Како започна конфликтот?
-
Epic го заобиколи системот за плаќање на Apple.
-
Наместо тоа, воведе сопствен метод за купувања.
-
Apple остана без вообичаената провизија од 30%.
-
Како реакција, Fortnite и другите апликации беа отстранети од App Store, што доведе до долг судски процес.
Во април оваа година, американскиот суд пресуди дека Apple повеќе нема право да наплаќа провизија за купувања направени надвор од App Store. По таа одлука, Fortnite повторно се врати во американската App Store во мај.
Иако одлуката во Австралија е историска за гејмерите и девелоперите, сè уште не е познато кога Fortnite и Epic Games Store повторно ќе бидат достапни за сите iOS корисници таму.
Извор: Engadget
Гејминг
Sony ја зголеми цената на сите модели од „PlayStation 5“ конзолата на американскиот пазар

Моделот со диск драјв ќе се продава по цена од 549,99 долари, што е зголемување од 50 долари во однос на претходните 499,99 долари. Digital Edition ќе поскапи од 449,99 на 499,99 долари, додека најмоќната верзија – PS5 Pro – ќе чини 749,99 долари наместо досегашните 699,99.
Од компанијата објаснуваат дека ваквата одлука е резултат на „тешките економски услови“ и дополнителните тарифи кои значително ги зголемиле трошоците за производство и дистрибуција.
– „Иако настојувавме што подолго да ги задржиме старите цени, актуелните пазарни околности нè принудија да направиме корекција“, наведуваат од Sony.
Позитивна вест за играчите е тоа што цените на игрите и додатоците нема да се менуваат.
Со овој потег, Sony се усогласува со конкурентите, бидејќи и Microsoft и Nintendo претходно ги зголемија цените на своите гејминг конзоли поради слични економски предизвици.
Гејминг
(ВИДЕО) Излезе новиот трејлер на популарната и долгоочекувана „GTA VI“

Минатиот петок, Rockstar Games го одложи објавувањето на GTA VI, кое првично беше планирано за есен 2025 година, за 26 мај 2026 година.
– „Со секоја игра што ја објавивме, целта отсекогаш била да се обидеме да ги надминеме вашите очекувања, а GTA VI не е исклучок. Се надеваме дека разбирате дека ни е потребно ова дополнително време за да го испорачаме нивото на квалитет што го очекувате и заслужувате“, се вели во соопштението на Rockstar Games.
Првиот трејлер за GTA VI се појави онлајн во декември 2023 година, кога креаторите ја претставија приказната за Луција, една од главните хероини на видео играта.
-
Кичево1 ден
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп16 часа
Хороскоп за петок (29 август)
-
Хороскоп2 дена
Хороскоп за четврток (28 август)
-
Хроника1 ден
Во хотелска соба бил пронајден починат 69-годишник од Австралија
-
Спорт1 ден
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“
-
Временска прогноза7 часа
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…
-
Кичево5 часа
Сечесниот празник на Успението на Пресвета Богородица се прослави со сеноќно бдение во нејзиниот кичевски величествен храм
-
На денешен ден7 часа
Времеплов: На денешен ден (29 август)