Кичево
Катастрофална статистика за последните две седмици во Кичево скоро секој ден по еден каснат од куче скитник
Заклучно со почеток на месец ноември, според дневниот билтен за порта.мк истакнат од портпаролот на СВР Охрид, г-дин Стефан Димоски, вкупно 12 луѓе биле нападнати од кучиња скитници на територијата на град Кичево и околните села, или во просек му доаѓа скоро секој ден по најмалце еден нападнат од куче скитник, пријавен случај во полиција (Ова е што знаеме, а што незнаеме и некој се спасил со брзина на светлината, а ги има многу не се во статистика)
Како сервис на граѓаните и како обични луѓе кои се соочиле со истиот проблем некогаш, добро знаеме кој е проблемот на своја кожа, иако сите по дома чуваме кученца, апелираме до надлежните институции да го решат овој проблем, и да се надеваме дека конечно ќе се стави крај на ова нешто кое тежнее и во други градови, но во нашиот дефинитивно станува сѐ повеќе и повеќе комплексно човек слободно да се движи. Доаѓа период на ладна зима, кучињата немаат храна и засолниште, а тоа може да доведе до поголема агресивност и нападите врз луѓето да зачестат, што би значело катастрофа на дневно ниво.
Единствена организација за кучињата скитници е „Грифон“ од Кичево, која на секоја иницијатива од народот гледаат да ги заштитат граѓаните. Неодамна за ТВ21 претседателот на оваа организација Несторовски, односно пред 9 месеци изјави дека околу 700 кучиња се во градот, додека 500 се во кичевските села, речиси двојно повеќе од минатата година.
Хронолошки редоследот на пријави по датум во ОВР Кичево е следен:
На 31.10.2022 година, С.Т.(47) од Кичево, во полициска станица пријави дека неговиот малолетен син на улицата „Тане Цалески“ во Кичево бил каснат од куче скитник. Истиот ден, М.К.(63) од Кичево пријави дека неговиот малолетен внук на улицата „Влашки пат“ во Кичево бил каснат од куче скитник.
На 03.11.2022 година во 09:50 часот, Н.А.(33) од Кичево во полициска станица пријави дека неговиот малолетен син на улицата „Партизански одреди“ бил каснат од куче скитник. Истиот ден, С.М.(47) и Ј.И.(65), двајцата од Кичево, како и Б.А.(48) од кичевското село Туин, пријавија дека на улиците „ Мирка Настеска“, булеварот „Осклободување“ и на улицата „Маршал Тито“ во Кичево биле каснати од кучиња скитници.
На 05.11.2022 во 10.05 часот, З.П.(69) од Кичево во полициска станица пријави дека на ул.„Рудничка“ во Кичево бил каснат од куче скитник.
На 07.11.2022 година во 20.50 часот, К.Г.(56) од Кичево, во надлежната полициска станица пријави дека на улица „11 сeптември“ во Кичево бил каснат од куче скитник.
На 08.11..2022 во 13.40 часот, Б.Г.(32) од Кичево во полициска станица пријавил дека на улица „Ибе Паликуќа“ во Кичево бил каснат од куче скитник.
На 09.11.2022 во 15.30 часот во полициската станица Кичево, А.Ц.(36) од Кичево пријавила дека на улицата „Рудничка“ во Кичево нејзината малолетна ќерка била касната од куче скитник. Истиот ден, А.И.(71) од Кичево пријавил дека на улица „Маршал Тито“ бил каснат од куче скитник
На 12.11..2022 година во 15 часот во ОВР Кичево, Б.Џ.(58) од кичевското село Колари, пријавил дека на булеваот „Ослободување“ во Кичево, бил каснат од куче скитник.
Кичево
Јанев денес беше во посета на ОВР Кичево, заедно со раководствата на „РЦ Запад“ и регионалниот сектор за внатрешни работи Охрид
Во рамки на денешната работна посета на Одделението за внатрешни работи во Кичево, директорот на БЈБ Александар Јанев оствари средба со раководствата на регионалниот Сектор за внатрешни работи Охрид и регионалниот Граничен центар Запад. На средбата, како што беше соопштено, детално биле разгледани последните случувања поврзани со инволвираност на полициски службеници од Кичево во случајот со грабежот во гостиварска златара, како и општата безбедносна состојба во регионот со особен акцент на општините каде што ќе се одржи вториот круг од локалните избори.
Јанев изрази благодарност кон сите полициски службеници кои, како што нагласи, секојдневно ја вршат својата должност со интегритет, посветеност и професионализам.
Кичево
„Џојсон Сeјфти Системс“ – Кичево заедно со „ОВР Кичево“ во кичевските училишта реализираа едукативна кампања на тема „Безбедноста на учениците во сообраќајот“
Во насока на унапредување на своите активности за корпоративна општествена одговорност, Џојсон Сeјфти Системс Македонија ДООЕЛ Кичево во соработка со ОВР Кичево реализираа едукативна кампања на тема „Безбедноста на учениците во сообраќајот“.
Активноста беше спроведена во основните училишта „Д-р Владимир Полежиноски“ и „Кузман Јосифоски Питу“ во Кичево, со цел подигнување на свеста кај учениците за значењето на безбедното однесување во сообраќајот и превенција од сообраќајни незгоди.
Преку презентации, едукативни активности и практични совети, вработените на компанијата на учениците им овозможија да стекнат нови знаења за правилното движење по улиците, користењето на пешачки премини, препознавањето на сообраќајните знаци, значењето на внимателноста при учество во сообраќајот и значење на употребата и користењето на системите за безбедност.
Со оваа иницијатива, Џојсон Сeјфти Системс Македонија ДООЕЛ Кичево уште еднаш ја потврдува грижата за луѓето и заедницата како и својата заложба за поддршка на локалната заедница и промовирање на општествено одговорни вредности. Компанијата останува посветена на континуирано реализирање на проекти кои придонесуваат за создавање побезбедна и поодговорна средина за сите граѓани.
Во прилог, повеќе фотографии од овој настан:
/ПР
Кичево
Вчера во кичевското с.Староец затекнат бил крушевчанец на криволов
На 24.10.2025 околу 23:00 часот, полициски службеници од ОВР Кичево го лишија од слобода А.З.(60) од Крушево.
Претходно, во атарот на кичевското село Староец, ловочувар од ловечко здружение „Елен“ од Кичево го затекнал А.З. при незаконит лов и додека пукал кон диво животно од пушка „Маузер“, калибар 7,9 милиметри.
По насоки на јавен обвинител, одземена му е пушката и по целосно документирање на настанот, против него ќе биде поднесена кривична пријава по член 228 од кривичниот законик – „незаконит лов“, за медиумите информираше портпаролот на СВР Охрид, Стефан Димоски.
-
Хороскоп2 денаХороскоп за среда (29 октомври)
-
Хороскоп19 часаХороскоп за четврток (30 октомври)
-
Македонија1 денМВР: Кривична пријава против поранешен директор, заменик директор и вработени во Агенцијата за храна и ветеринарство за „проневера во службата“
-
Македонија1 денДополнете гориво, ноќеска дизелот солидно поскапува, додека бензините остануваат со непроменета цена за литар
-
Кичево3 часа„Џојсон Сeјфти Системс“ – Кичево заедно со „ОВР Кичево“ во кичевските училишта реализираа едукативна кампања на тема „Безбедноста на учениците во сообраќајот“
-
Кичево1 часЈанев денес беше во посета на ОВР Кичево, заедно со раководствата на „РЦ Запад“ и регионалниот сектор за внатрешни работи Охрид
-
Временска прогноза1 денНа утро ладно, но врнежи од дожд во почетокот на месец ноември нема да имаме, вели Попоски
-
Спорт1 денВисоки признанија за работата на ФФМ, Омерагиќ и Јандреоски именувани на високи меѓународни позиции во „ФИФА“







