Денес во голем број по седми пат, по пауза од две години поради Коронавирусот, продолжи најубавата празнична традиција, каде дечињата учествуваа во Бадниковата поворка, пеејќи ја „Вечниот Бог“ на чело напред со Витлеемската пештера каде преку украс е претставено Рождеството Христово.

Поворката се движеше тргнувајќи од кичевскиот храм Св.Петар и Павле, улицата „Рудничка“, „Булевар Ослободување“ за на крај да завршат на градскиот плоштад каде е поставен големиот украс на Витлеемска пештера.

Распеаните коледарчиња ги стоплија срцата на сите верници, каде на крај беа дочекани и дарувани со најголема љубов, почит и пригодни пакетчиња.

Уште еднаш во име на целата организација, преку еден од главните виновници кој секоја година зема главна улога г-дин Бошко Сарафилоски упатуваме благодарност до сите родители кои се потрудија нивните најмили да бидат редовни на истакнатите проби, нивните баби, дедовци, сите гости, МВР – ПС Кичево за безбедно движење по улиците, Радио АКОРД како медиумски покровители и наши партнери, Кичевската парохија, маркети АТВА и сите останати добри луѓе и фирми.

Ги поздравуваме и нашите кичевчани кои даваат голем придонес за Бадниковото гранче, Јане Тренески, Ивица Мисајлески и сите добри луѓе кои неуморно секоја година максимално со нивното присуство придонесуваат за поголема масовност на луѓе, со цел што по ефикасно и по добро да се завршат празничните дејности, односно да има бадникови гранчиња за секого.

Во пресрет на Рождеството Христово, вечерва со почеток од 17:00 часот во нашиот кичевски храм ќе се отслужи Вечерна Богослужба со која ќе чиноначалствува Неговото Високо Преосвештенство Митрополит Дебарско Кичевски г-дин Тимотеј.
На вечерната Богослужба ќе бидат осветени Бадниковите гранчиња по што ќе бидат поделени на верниот народ присутен во нашата градска црква св. Петар и Павле.

Во продолжение ви го пренесуваме денешниот настан преку нашиот објектив, додека за официјалниот видео запис ќе ве изненадиме до крај на денот, истиот го изработуваме заедно во соработка со Media Centar.

За многу години! ❤️