Викендов (05/06/07), полициски службеници од Полициската станица за граничен надзор „Охридско езеро“ при регионалниот центар „Запад“, како и инспектори од Капетанија на пристаништата Охрид, реализираа засилени акциски мерки согласно Законот за внатрешна пловидба.

Притоа, во водите на Охридското езеро, кај 13 пловни објекти и 13 лица констатирани се 22 прекршоци од Законот за внатрешна пловидба, при што: три лица се затекнати при управување скутер за време на забрана, евидентирани се седум случаи на управување на пловен објект без пловидбена дозвола, како и пет случаи на управување без стекнато уверение за управување пловило.

Исто така, алкотестирани се вкупно 16 лица и кај 7 лица е утврдено присуство на алкохол во крвта.

Против овие лица ќе бидат поднесени соодветни пријави, истакна портпаролот на СВР Охрид, Стефан Димоски.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа малопродажната цена на ЕУРОСУПЕР БС-95 изнесува 74,00 ден/лит, додека малопродажната цена на ЕУРОСУПЕР БС-98 изнесува 76,00 ден/лит.

Малопродажната цена на ЕУРОДИЗЕЛ (Д-Е V) се зголемуваа за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа, малопродажната цена на ЕУРОДИЗЕЛ (Д-Е V) изнесува 70,00 ден/лит

Извор: РКE

Утрово трите хеликоптери (два на МВР и еден на АРМ) во 05:00 часот почнаа со дејство над пожарот на територијата на Општина Чучер Сандево, селата Чучер и Блаце. На пожарот дејствуваат и силите на БППЗ на Град Скопје со повеќе екипи и ПП возила, ЈКП од Општината, Црвен крст со еден базен од кој хеликоптерите полнат вода, како и тимови со ПП возила на ДЗС, известува ЦУК.

ЦУК е во постојана комуникација и координација со сите надлежни институции на терен, предмалку известија на нивната фејсбук страница.

🔥 ВКУПНО ПОЖАРИ НА ОТВОРЕНО: 12
• Активни: 4
• Локализиран: 1
• Изгаснати: 7

⸻

🔴 АКТИВНИ (4):
1️⃣ Опш. Прилеп: с. Бешиште (приземен во мешана шума)
2️⃣ Опш. Македонски Брод: с. Црешнево (деградирана дабова шума и грмушки)
3️⃣ Опш. Чашка: под Солунска глава, помеѓу Изворите на Бабуна и Бабина дупка – само чад во карпест дел (шумски пожар)
4️⃣ Опш. Чучер Сандево: помеѓу с. Блаце и с. Чучер (мешана шума и ниска вегетација)

🟡 ПОД КОНТРОЛА: – / –

🟢 ЛОКАЛИЗИРАНИ (1):
✅ Опш. Делчево: Градска депонија Делчево (депонија)

ИЗГАСНАТИ (7):
1️⃣ Опш. Сарај: с. Љубин (ниска вегетација и борова шума)
2️⃣ Опш. Ѓорче Петров: н. Даме Груев, покрај р. Лепенец (ниска вегетација)
3️⃣ Опш. Карпош: кај болницата во Бардовци (грмушки и ниска вегетација)
4️⃣ Опш. Прилеп: кај Фабриката Партизанка (ниска вегетација и дрвен праг од железничка пруга)
5️⃣ Опш. Чешиново-Облешево: с. Чешиново (стрниште)
6️⃣ Опш. Куманово 1: ул. Октомвриска револуција кај My market (ѓубре и ниска вегетација)
7️⃣ Опш. Куманово 2: автопат, бензинска пумпа Макпетрол (гуми и ѓубре)

Извор: ЦУК