Спорт
Судиите од првата македонска фудбалска лига супериорно ја завршиле работата на мечевите од 16-то коло
Судиска комисија ги разгледа спорните моменти од 16 коло на ПРВА МФЛ, и ги донесе следните заклучоци:
На натпреварот Фк.Шкендија-Фк. Работнички одигран на 29.11.2023 година, анализирани се ситуациите од 45+1 и 90+2 минута.
“Главен судија: Александар Грујоски.Помошни судии: Куштрим Лика и Давор Цветановски.
45+1минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0)
Центрирана топка пред 16-сетникот на домашната екипа, играч на гостинската екипа ја удри топката со глава која удри во раката на домашен играч кој се наоѓаше во својот 16-сетник.
Исправна одлука на главниот судија што дозволи играта да продолжи, бидејки раката на играчот на домакините беше во природна положба, спуштена близу телото.
Главниот судија беше одлично поставен и имаше јасна прегледност на ситуацијата.
90+2 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 1:0)
Играч на гостинската екипа центрираше топка странично од голот на домакините, играч на домашната екипа кој беше на линијата на 16-сетникот скокна да ја блокира топката и таа го удри во рака која при скокот беше во природна положба, близу телото.
Исправна одлука на главниот судија што дозволи играта да продолжи бидејки рака на домашниот играч кога топката го удри во рака се наоѓаше во природна положба, близу телото.
И во оваа ситуација главниот судија беше одлично поставен,имаше јасна прегледност на ситуацијата и донесе исправна одлука.
На натпреварот Фк.Воска-Фк.Тиквеш одигран на 29.11.2023 година, анализирани се ситуациите од 13 и 45+2минута.
“Главенсудија:Александар Ставрев. Помошни судии: Дејан Костадинов и Бранко Путилин.
13 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0)
Во 16-сетникот на домашната екипа играч на гостите беше во посед на топката, во моментот кога се спремаше да упати удар кон голот на домакините, играч на домашната екипа од позади грб му ја изби топката, дојде до минимален контакт со телата и играчот на гостите падна.
Исправна одлука на главниот судија што дозволи играта да продолжи бидејки играчот на домашната екипа ја изби топката на коректен начин без контакт со ногата на противникот.
Главниот судија одлично беше поставен и имаше одлична прегледност на ситуацијата и донесе исправна одлука.
45+2 минута: ИСПРАВНА ПРОЦЕНКА НА ГЛАВНИОТ СУДИЈА (За доделен ЦРВЕН картон на играч на домашната екипа,при резултат 0:1)
Играч на домашната екипа во борба за топка со противнички играч во свој 16-сетник странично од голот ја освои топката, гостински играч го влечеше за тело, во моментот кога главниот судија досуди слободен удар за домашната екипа, играчот на домакините на недозволен и неспортски начин го удри противничкиот играч со рака (тупаница) во пределот на главата (лицето).
Исправна одлука на главниот судија, досуден слободен удар за домашната екипа и доделен ЦРВЕН картон за домашниот играч за недозволен и неспортски старт,намерен удар со рака (тупаница) во пределот на главата (лицето) на противнички играч.
На натпреварот Фк.Вардар-Фк.Струга Трим Лум одигран на 29.11.2023 година, анализирани се ситуациите од 7,32 и 44 минута.
“Главенсудија: Крумислав Ѓорѓиев. Помошни судии: Дарко Јовчевски и Александар Ѓорѓески.
7 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за гостинската екипа, при резултат 0:0)
Центрирана топка во 16-сетникот на домашната екипа, играч на гостите со глава ја удри топката и играч на домашната екипа со закаснет старт направи недозволен старт со телото над играчот на гостите (во телото).
Исправна одлука на главниот судија, досуден пенал за гостинската екипа поради недозволен старт, закаснет старт на домашен играч со телото над противнички играч (во телото).
32 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 0:2)
Центрирана топка во 16-сетникот на гостинската екипа, играч на гостите со глава ја одби топката која потоа удри во раката (високо подигната од телото и неприродна положба) на свој соиграч.
Исправна одлука на главниот судија, досуден пенал за домашната екипа поради недозволена игра со рака (високо подигната од телото и неприродна положба) на гостински играч во свој 16-сетник.
44 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за домашната екипа, при резултат 1:2)
Центрирана топка во 16-сетник на гостинската екипа, двајца противнички играчи беа еден до друг со телата (кратка дистанца), топка помина преку играчот на домакините и удри во раката (природна положба за тој скок) на гостинскиот играч, која беше до самото тело на противничкиот играч.
Исправна проценка на главниот судија што дозволи играта да продолжи, бидејки растојанието помеѓу играчите беше премногу кратко и раката на играчот за тој скок се наоѓаше во природна позиција (до самото тело на противнички играч).
Одлична поставеност на главниот судија со јасна прегледност на ситуацијата и донесе исправна одлука.
На останатите натпревари од 1 МФЛ немаше спорни ситуации за судиска анализа.
Спорт
Јувентус сигурен против Торино, Влаховиќ го отвори резултатот уште во петтата минута од натпреварот
Јувентус славеше со 3-1 против Удинезе на свој терен во Торино, во рамките на деветтото коло од италијанската Серија А. Домашниот тим го отвори резултатот уште во петтата минута преку Душан Влаховиќ, кој беше прецизен од белата точка. Во второто полувреме, Федерико Гати зголеми на 2-0 во 67-та минута, а Кенан Јилдаз ја запечати победата со гол во шестата минута од судиското продолжение.
Почесниот гол за гостите го постигна Николо Заниоло во првата минута од дополнителното време. Во следното коло, Јувентус ќе гостува кај Кремонезе, додека Удинезе на домашен терен ќе ја пречека Аталанта.
Рома ја совлада Парма со 2-1
Рома исто така запиша победа на свој терен, совладувајќи ја Парма со 2-1. Марио Ермосо го отвори резултатот во 63-тата минута, а Артем Довбик во 81-та ја потврди победата. Единствениот гол за Парма го постигна Алесандро Чикарти во 86-тата минута.
Комо убедлив против Верона
Во исто време, Комо беше подобар од Верона со 3-1 на домашен терен.
Спорт
Високи признанија за работата на ФФМ, Омерагиќ и Јандреоски именувани на високи меѓународни позиции во „ФИФА“
Претседателот на Фудбалската федерација на Македонија, Масар Омерагиќ, доби нова меѓународна функција, тој е назначен за член на Олимпискиот фудбалски комитет при ФИФА.
Овој комитет, кој функционира под надлежност на Советот на ФИФА, има задача да го следи и поттикнува развојот на фудбалот како олимписка дисциплина, како и да ја унапредува соработката со Меѓународниот олимписки комитет во сите прашања поврзани со турнирите во рамки на Олимписките игри.
На чело на Комитетот е Самир Шауд од Бразил, а негов заменик е Мустафа Раџи од Либерија. Меѓу членовите се наоѓаат повеќе истакнати фудбалски претставници од различни делови на светот како Кохзо Ташима од Јапонија (делегат на Советот на ФИФА), Чармејн Крукс од Канада, Хрисостомос Гкагкатсис од Грција, Шеик Ахмад Јусеф Ал Сабах од Кувајт, Бранко Радујко од Србија, Хелга Хелгадотир од Исланд и други.
Покрај Омерагиќ, и генералниот секретар на ФФМ, Леонид Јандреоски, доби важно меѓународно признание, тој е избран за член на Комисијата за медиуми и комуникации на ФИФА.
Оваа комисија има задача да ја дефинира и унапредува медиумската и комуникациската стратегија на ФИФА, со фокус на дигиталните платформи и јавната комуникација. На нејзино чело е Јасин Идрис Диало од Брег на Слоновата Коска, а заменик-претседател е Армен Меликбекјан од Ерменија.
Во составот на Комисијата се и Фатма Ал Нуими (Катар), Ајишат Фалоде (Нигерија), Ноел Муни (Велс), Хелена Пиреш (Португалија), Аманда Вандерворд (САД) и Тони Ванг (Тајван).
Именувањето на Омерагиќ и Јандреоски претставува големо признание за Фудбалската федерација на Македонија и потврда за растечкиот углед на македонскиот фудбал во меѓународната фудбалска заедница, истакна Фудбалската федерација на својот е-медиум.
Пред денешниот првенствен натпревар помеѓу ФК. Напредок – ФК. Дрита со едно минутно молчење клубовите и управата му оддадоа почит на легендата на ФК.Напредок, Зоран Ѓорѓиоски-Мрско. Доајен на кичевскиот фудбал кој остави небришлива трага за која сите ние кои сме биле некогаш дел од ФК Напредок сме ги почувствувале.
Што се однесува до играта, повторно нашите фудбалери на домашен терен манифестираа важна победа со високи 4:0.
Стрелци на головите беа: М.Зафироски, Осман Исмаили реализираше 2 пати, Ж.Симјаноски сите постигнати во второ полувреме.
И денеска преку нашиот медиум, управата на ФК Напредок упатува голема благодарност до публиката која во секоја утакмица е се побројна и дава голема поддршка на нашите кичевски фудбалери.
Напред НАПРЕДОК!
Како брзо да го отпушите одводот без хемикалии: трик со топла вода и течност за садови
Затнатиот одвод е чест проблем во секое домаќинство — водата престанува да се исцедува, а мијалникот почнува да испушта непријатни...
Apple Maps наскоро ќе прикажува реклами – нов начин на монетизација
Apple планира да воведе реклами во својата апликација Apple Maps, што значи дека корисниците наскоро ќе можат да гледаат платени...
Вечерва во НУЦК „Кочо Рацин“ ќе се одржи целовечерен концерт на Ансамблот „Македонија“, бидете дел и уживајте
Ансамблот „Македонија“ претставува репрезент на македонската традиционална култура при Музичката Академија на Универзитетот „Гоце Делчев“ – Штип. Единствен во државата,...
Хороскоп за вторник (4 ноември)
ОВЕН Расположението ви е нестабилно, ова е еден од оние денови кога е подобро да се повлечите и да поминете...
Д-р Јовановски е новиот градоначалник на град Кичево, човек кој ќе ја врати довербата во заедништвото и меѓуетничкото разбирање
Вчера на локалните избори во втор круг победи Д-р Александар Јовановски. Кандидатот кој водеше граѓанска кампања на локалните избори се...
Како да препознаете вистинско маслиново масло – едноставен трик што секој може да го направи дома
Маслиновото масло е едно од највредните и најкористените производи во секое домаќинство. Но, токму поради неговата популарност, на пазарот често...
Galaxy S26, S26+ и S26 Ultra ќе донесат подобри камери и поголеми батерии
Како што се приближува крајот на годината, сè повеќе информации излегуваат за новата серија на Samsung Galaxy S26. Според најновите...
Amazon инвестира 1,6 милијарди долари во Холандија
Amazon планира да инвестира 1,6 милијарди долари во Холандија во следните три години. Компанијата продолжува да изненадува со своите амбициозни...
Xiaomi 17 Ultra пристигнува наскоро – спецификации, цена и прв поглед на дизајнот
Xiaomi се подготвува да го претстави својот најнов предводник – Xiaomi 17 Ultra, кој ветува значителни подобрувања во перформансите, камерата...
Хороскоп за понеделник (3 октомври)
ОВЕН Денес, се ќе се сведе на достигнувања, а не на тоа што сте или како се чувствувате за другите...
-
Хороскоп2 дена
Хороскоп за понеделник (3 октомври)
-
Кичево22 часа
Д-р Јовановски е новиот градоначалник на град Кичево, човек кој ќе ја врати довербата во заедништвото и меѓуетничкото разбирање
-
Хороскоп16 часа
Хороскоп за вторник (4 ноември)
-
Lifestyle1 ден
Како да препознаете вистинско маслиново масло – едноставен трик што секој може да го направи дома
-
Магазин1 ден
Galaxy S26, S26+ и S26 Ultra ќе донесат подобри камери и поголеми батерии
-
Магазин1 ден
Xiaomi 17 Ultra пристигнува наскоро – спецификации, цена и прв поглед на дизајнот
-
Магазин1 ден
Amazon инвестира 1,6 милијарди долари во Холандија
-
Кичево4 часа
Вечерва во НУЦК „Кочо Рацин“ ќе се одржи целовечерен концерт на Ансамблот „Македонија“, бидете дел и уживајте