♈ ОВЕН
Денес твојата упорност ќе биде клучна. Ќе добиеш можност да ја наметнеш својата идеја, но внимавај да не реагираш пребрзо. Во љубовта, мали гестови на внимание ќе создадат голема блискост со партнерот.

♉ БИК
Твоето трпение и внимателно слушање носат важни информации. Добар момент за договори и заеднички интереси. Во љубовта, изрази искреност – партнерот ќе ја цени твојата нежност.

♊ БЛИЗНАЦИ
Денес избегнувај површни разговори. Склони си кон динамичност, но запомни – умереноста ќе ти донесе подобри резултати. Ќе почувствуваш топлина од саканата личност што ќе ти ја врати енергијата.

♋ РАК
Твојата интуиција ќе те води кон правилен избор. Соработниците ќе ги ценат твоите идеи ако настапиш со смиреност. Во љубовта, твоето добро расположение ќе ја осветли врската.

♌ ЛАВ
Не дозволувај гордоста да те одведе во непотребни расправии. Денес е подобро да делегираш и да соработуваш. Во емоциите, твојата страст ќе биде најсилното оружје за зближување.

♍ ДЕВИЦА
Ќе имаш многу планови, но не инсистирај премногу на совршенство. Некој совет може да ти донесе нова перспектива. Во љубовта, прифати ја малата кавга како искра за повеќе блискост.

♎ ВАГА
Денес ќе мораш да ја најдеш вистинската рамнотежа помеѓу своите и туѓите желби. Во љубовта, постави прашања отворено, без сомнежи и тајни. Искрен разговор ќе расчисти сè.

♏ ШКОРПИЈА
Енергијата те носи напред и ќе инспирираш и други. Но внимавај – избегнувај финансиски ризици. Во љубовта, слушај повеќе и ќе ја препознаеш длабоката порака што партнерот сака да ти ја пренесе.

♐ СТРЕЛЕЦ
Не ризикувај во деловните разговори, играј сигурно. Побарај совет од личност со искуство. Во емоциите, покажи трпение – партнерот има потреба од твоја нежност, не од брзи заклучоци.

♑ ЈАРЕЦ
Иако имаш чувство на преоптовареност, прифати помош од блиските. Ќе постигнеш повеќе со тимска работа. Во љубовта, компромисите денес се клучни за стабилност и доверба.

♒ ВОДОЛИЈА
Можни се недоразбирања со колегите – остани мирен и обиди се да го најдеш заедничкиот јазик. Во љубовта, не обрнувај внимание на ситници, уживај во моментите со партнерот.

♓ РИБИ
Ситуацијата е променлива – не носи брзи одлуки. Одложи сериозни работи за друг ден. Во љубовта, ќе почувствуваш дека сонот и реалноста се испреплетуваат – препушти се на своите чувства.

Со месеци кружат поплаки од креаторите: искривени рабови, чудни артефакти и премногу „мазна“ слика. Проблемот прв го разоткри популарен музички канал, а веднаш потоа Google мораше да признае – YouTube навистина тестира функција со вештачка интелигенција за автоматско подобрување на видеата.

Што прави оваа функција?
Според Google, целта е да се „обезбеди најдобар можен квалитет“. Алгоритмот ја намалува заматеноста и шумот, а ја зголемува острината. Компанијата нагласува дека не станува збор за генеративна AI, туку за „традиционално машинско учење“. Но за креаторите, резултатот е ист – нивните видеа се обработени без да бидат прашани.

Контроверзии и критики
Она што предизвика најголем бран реакции е фактот дека обработката се прави тајно, без известување и без можност за исклучување. Многумина веднаш забележаа дека нивните видеа изгледаат „вештачки“ и „сплескани“.

Јутјуберот Рет Шал дури направи сопствена истрага и заклучи дека Google користи техника на зголемување на резолуцијата. Од компанијата возвратија дека не станува збор за вистинско „upscaling“, туку за алгоритамско подобрување на сликата.

Зошто ова е проблем?

• Недостаток на транспарентност – додека кај Pixel 10 фотографиите обработени од AI добиваат ознака C2PA, вакви ознаки на YouTube воопшто нема.

• Ризик за репутацијата на креаторите – гледачите може да помислат дека тие самите користеле AI алатки, иако тоа не е точно.

• Недоверба кај публиката – дел од гледачите реагираат негативно на било каква AI интервенција.

Што следува?
Од Google велат дека ова е само тест и дека целта е да се соберат повратни информации од креаторите и публиката. Но, останува нејасно дали:

• функцијата ќе стане трајна,

• или креаторите ќе добијат избор дали да ја користат.

Јасно е едно: со најавеното лансирање на Veo – генератор на видео со вештачка интелигенција, Google ќе продолжи со вакви експерименти. Прашањето е само – на чија сметка?

Извор: TPortal

Со силна порака, неизмерна љубов кон татковината и длабока почит кон музичкото наследство, вечерва од Охрид започнува музичкиот караван на проектот „Македонијо во срце те носиме“. Најавен со преработката на безвременската песна „Нема друга Македонија“, проектот симболично го заокружува досегашниот труд и отвора ново поглавје на патриотско музичко патување низ земјата.

Под Самоиловата тврдина, во магичното срце на древниот Охрид, ќе одекне химната што ги обединува сите Македонци – „Нема друга Македонија“, со музика на Милан Завков и текст на Томислав Которчевиќ. Новиот аранжман на маестро Николче Мицевски ѝ дава свежа енергија, а песната ќе ја изведат сите учесници во проектот – сплотени во една мисла, со едно чувство, со една љубов – кон Македонија.

Концертот започнува вечерва во 20:00 часот на градскиот плоштад во Охрид и претставува старт на патриотскиот караван кој ќе ги посети речиси сите поголеми градови низ државата. Публиката ќе има ретка можност во живо да ги слушне најубавите македонски песни, интерпретирани од врвни уметници, кои преку музиката градат мостови меѓу генерациите и потсетуваат на припадноста и заедништвото.

Проектот, реализиран под капата на „Скендеровски Продукција“, е многу повеќе од музика. Тој е љубов, порака и искрена посвета на татковината. Со преработки на народни и помалку заборавени песни, тимот создава звучна хроника што нè враќа кон корените и вредностите кои нè држат исправени и горди.

Во рамки на продолжението од проектот, публиката ќе ужива во изведбите:

• „Како што е таа чаша“ – Спасен Силјаноски

• „Не кажувај либе добра ноќ“ – Огнен Здравковски

• „Како пиреј“ – Ламбе Алабаковски

• „Се собрале комитите“ – Миле Кузмановски

• „Ја излези стара мајко“ – Марија Спасовска

• „По друм одам мајче“ – Мина Блажев

• „Горда Македонка“ – Зуица Лазова

• „Запејте сите ангели“ – Бојана Скендеровски

• „Нека живеј Македонија“ – Сузана Спасовска

• „Мајко силна“ – Александар Тарабунов

• „Каде сте Македончиња“ – Андријана Јаневска

• „Ако умрам ил загинам“ – Наум Петрески

Минатата недела беше промовирана и песната „Роде мој“, уште едно заедничко дело во кое учествуваат сите изведувачи. Мисијата продолжува – да ја обоиме Македонија со најубавите звуци, да се потсетиме кои сме и зошто треба да останеме обединети.

Уживајте во „Нема друга Македонија“ – затоа што навистина, нема друга:

/ПР инфо