Спорт
Комплетна групата на Лига на Нации: Женската репрезентација на Македонија ќе игра во следната група

Со ждрепката за квалификациските групи за Европското првенство за жени 2025 година што се одржа во Нион, беа формирани групите кои на крајот ќе одлучуваат за местата кои водат до завршниот турнир во Швајцарија, односно местата кои водат во плеј-офот.
Македонската женска фудбалска репрезентација се најде Ц сегментот, а извлекувањето ги смести избраничките на Кирил Изов во подгрупата Ц2, каде ќе играат против Словенија, Летонија и Молдавија. Во фазата на лигата, која трае од април до јули оваа година, тимовите се поделени во три лиги врз основа на нивниот пласман во Лигата на нации за жени на УЕФА.
ЛИГА Ц
Група Ц1: Белорусија, Литванија, Кипар, Грузија
Група Ц2: Словенија, Летонија, Македонија, Молдавија
Група Ц3: Грција, Црна Гора, Андора, Фарски Острови
Група Ц4: Романија, Бугарија, Казахстан, Ерменија
Група Ц5: Албанија, Естонија, Луксембург
КВАЛИФИКАЦИИ
Двете првопласирани селекции од секоја група во Лигата А ќе обезбедат директен пласман на завршниот турнир заедно со домаќинот Швајцарија. Преостанатите седум патници на ЕУРО 2025 ќе го обезбедат своето место преку плеј-офот. Квалификациските натпревари ќе се играат од 3 до 9 април, потоа од 29 мај до 4 јуни и од 10 до 16 јули 2024 година. Ждрепката за плејофот ќе се одржи на 19 јули 2024 година.
ПЛЕЈОФ
Третата и четвртата екипа од групите на Лига А ќе играат против петте победници и трите најдобри второпласирани во Лигата Ц. Најдобрите второпласирани екипи во Лигата Б ќе се соочат со двете преостанати второпласирани и четири третопласирани екипи.
ЛИГА НА НАЦИИ
Квалификациите ќе имаат влијание и на следната сезона од Лигата на нации, па победникот од групата во Лига Б ќе се промовира во Лига А, последнопласираната екипа од групата Б ќе испадне во Лига Ц, додека второпласираните и третопласираните екипи ќе останат во истиот ранг.
Европското првенство за жени се одржува од 2 до 27 јули 2025 година.
Спорт
Кичевски ФК Напредок како во старите добри времиња, 4 погодоци против ФК Скендербегу на градски!

ФК Напредок во досегашниот дел од првенството одигра 3 и оствари 3 одлични победи.
Уште една одлична фудбалска претстава на нашите фудбалери предводени од шефот на стручниот штаб Бобан Дујковиќ.
Овој пат надиграна беше екипата на ФК Скендебегу со резултат 4:1 (2:0).
Стрелци на головите беа: О.Исмаили 1:0 во 14′,Н.Калевски 2:0 во 33′,М.Котевски 3:0 во 55′,А.Османи 3:1 во 66′ и за конечни 4:1 А.Божиноски во 83′.
Благодарност до публиката која е присутна во сè поголем број.
Одиме напред
Спорт
Милевски го истакна составот за квалификациските натпреварувања за СП, со Белгија и Казахстан, Ќамили и Митровски повредени, додека во составот се враќа Бабунски

А репрезентацијата на Македонија влегува во завршната етапа од квалификациите за Светското првенство 2026, кое ќе се одржи во САД, Канада и Мексико.
Во октомври националниот тим ќе одигра два решавачки натпревари – прво гостувањето против Белгија во Гент, а потоа и средбата со Казахстан во Скопје, како најава за ноемвриската завршница на квалификацискиот циклус.
Селекторот Благоја Милевски го соопшти списокот на играчи, без поголеми изненадувања. Поради повреди отпаднаа Лирим Ќамили и Димитар Митровски, додека во составот се враќа Давид Бабунски од редовите на Вардар.
Милевски се одлучи да ги повика следните фудбалери:
Голмани: Столе Димитриевски (Валенсија, Шпанија), Дејан Илиев (УТА Арад, Романија), Дамјан Шишковски (Борац Бања Лука, БиХ), Игор Алексовски (Фљамуртари, Албанија)
Одбрана: Висар Муслиу (Сент Тројден, Белгија), Никола Серафимов (Левски Софија, Бугарија), Езѓан Алиоски (Лугано, Швајцарија), Ѓоко Зајков (Ајман, ОАЕ), Андреј Стојчевски (Словачко, Чешка), Дарко Велковски (Зрињски, БиХ), Стефан Деспотовски (ОФК Београд, Србија), Бојан Илиевски (Струга Трим Лум), Стефан Ашковски (Раднички Ниш, Србија)
Среден ред: Енис Барди (Коњаспор, Турција), Јани Атанасов (Лариса, Грција), Елиф Елмас (Наполи, Италија), Исник Алими (Далиан Јингбо, Кина), Лука Станковски (Раднички Крагуевац, Србија), Тихомир Костадинов (Сигма Оломуц, Чешка), Решат Рамадани (Шкендија)
Напад: Бојан Миовски (Глазгов Ренџерс, Шкотска), Милан Ристовски (Бохемианс 1905, Чешка), Дарко Чурлинов (Кочаелиспор, Турција), Александар Трајковски, Давид Бабунски (Вардар), Елмин Растодер (Тун, Швајцарија)
Извор: ФФМ
Спорт
(ФОТО) ФФМ донираше компјутери во ОУ „Аврам Писевски“ од с.Бардовци, малите дела носат големи промени!

Во насока на општествена одговорност и поддршка на одржливите практики, Фудбалската федерација на Македонија (ФФМ) во понеделникот донираше компјутери на основното училиште „Аврам Писевски“ во село Бардовци. Станува збор за техничка опрема која претходно беше во употреба во Федерацијата, а сега добива нова улога во образованието.
Оваа акција е усогласена со принципите на циркуларната економија што ги промовира УЕФА – Reduce, Reuse, Recycle, Recover – при што веќе користената опрема повторно се става во функција, обезбедувајќи им подобри можности за учење и дигитален развој на учениците.
Со вакви чекори се постигнуваат три цели: Заштита на животната средина преку намалување на електронскиот отпад, унапредување на наставниот процес преку подобра техничка поддршка и поттикнување на дигиталната писменост кај младите.
ФФМ е уверена дека малите дела носат големи промени. Заедно можеме да се грижиме за природата и за генерациите што доаѓаат – затоа што вистинската игра е за иднината!
Извор: ФФМ
-
Кичево19 часа
Кичевските бербери на состанок одлучија да ги поскапат нивните услуги
-
Кичево7 часа
Ноќеска „ТППЕ Кичево“ со полни раце работа, спречен поголем пожар во населба „Девеана“
-
Хороскоп2 дена
Хороскоп за вторник (7 октомври)
-
Хороскоп18 часа
Хороскоп за среда (8 октомври)
-
Македонија4 часа
Прилеп: Традицијата продолжува, на 11-ти октомври на „Авто слалом“, кичевчанецот Кристијан Бојоски во нов поход кон пиедесталот на награди!
-
Македонија1 ден
Целосно затворен патен правец Велес-Тетово помеѓу Волково и Кондово, истиот ќе се одвива двонасочно поради градежни работи
-
Хроника1 ден
По долга и тешка болест почина познатиот пејач – Халид Бешлиќ
-
Технологија1 ден
„Snapdragon X2 Elite Extreme“ новото „чудовиште“ од процесор на „Qualcomm“ за најмоќните лаптопи и премиум мобилни телефони