По повеќе од седум години најави и одложувања, Spotify конечно воведува lossless квалитет на звук – функција што корисниците одамна ја посакуваа.

Бесплатна надградба за Premium корисниците

Новата опција ќе биде достапна за сите Spotify Premium корисници во 50 земји, и тоа без дополнителни трошоци. Во следните два месеци, милиони љубители на музика ќе можат да уживаат во новото искуство на слушање.

Корисниците ќе добијат известување во апликацијата кога функцијата ќе стане активна. Потоа, преку поставките за квалитет на звук, ќе можат да ја вклучат опцијата.

Кога е активирана, на лентата за репродукција ќе се појави посебен индикатор, а Spotify lossless ќе функционира преку компатибилни уреди како Sony, Bose, Samsung и Sennheiser. Поддршка за Sonos и Amazon се очекува веќе следниот месец, пренесува The Verge.

Ограничувања и споредба со конкуренцијата

Иако ова е голем чекор напред, постои едно ограничување: Spotify lossless оди до 24-битен / 44,1 kHz FLAC формат. Од друга страна, конкуренцијата – Apple Music, Tidal и Qobuz – нуди повисок квалитет.

Сепак, за просечниот слушател разликата е речиси незабележлива. Ова остава простор Spotify во иднина да лансира и понапредна, „deluxe“ верзија за вистинските аудиофили.

Каде стои YouTube Music?

Интересно е што со овој потег, YouTube Music останува единствената голема музичка платформа без lossless поддршка – и засега нема индикации дека тоа наскоро ќе се промени.

Извор: Blic

Генерацијата Z сè повеќе ги избегнува одредени работни места на почетно ниво, незадоволни од ниските плати и фиксното работно време што некогаш беа вообичаени. Според бизнис експертот Абигејл Рајт, оваа генерација – младите луѓе на возраст од 13 до 28 години – има сосема поинаков поглед на кариерите и условите за работа во споредба со нивните претходници.

Зошто е ова важно?

Неодамнешна анкета на Галуп покажа дека ангажманот на вработените во САД паднал на најниско ниво во последната деценија, при што само 31% од работниците се активно вклучени во своите работни места. Најголем пад е забележан кај оние под 35 години, а генерацијата Z покажува намалена подготвеност да прифаќа работни места што постарите генерации ги сметале за неопходен почеток на кариерата.

Работни места на „црната листа“

Рајт наведува неколку категории на работни места што генерацијата Z генерално ги одбива:

• малопродажба и угостителство,

• работа во кол-центри и поддршка на клиенти,

• физички работни места во магацини,

• „ригидни“ корпоративни улоги со работно време 9–17 часот,

• продажба исклучиво на провизија,

• неплатени пракси.

Многу од овие позиции младите ги сметаат за недоволно платени, премногу барачки и без достоинство.

Редефинирање на „добра работа“

Високите стапки на прегорување и физичкиот напор дополнително ги одвраќаат младите луѓе од магацини и кол-центри. Традиционалните канцелариски улоги, пак, се заменуваат со пофлексибилни аранжмани и работа од далечина.

„Генерацијата Z го редефинира значењето на добра работа и, искрено, тоа одамна требаше да се случи“, вели Рајт. „Многу улоги што миленијалците или генерацијата X ги толерираа, денес се сметаат за недоволно платени, премногу барачки и ментално исцрпувачки.“

Новите финансиски реалности

„Овие работни места можеби функционираа пред 20 години – ниски долгови, ниска кирија, делење стан со пријатели. Но денес киријата е енормна, долговите се натрупани и едноставно не можете да си дозволите ниско платени позиции“, вели Кевин Томпсон, извршен директор на 9i Capital Group.

„Генерацијата Z научи да поставува граници“

Рајт додава: „Зошто би останал на ниско платена, високо-стресна работа без флексибилност, кога можеш да бидеш фриленсер или да градиш кариера од далечина?“

Дру Пауерс, основач на Powers Financial Group, се согласува: „Ги видоа своите родители како работат од 9 до 17 часот во канцеларија, само за на крај да бидат отпуштени. Затоа генерацијата Z избира искуства и слобода наместо статус-кво.“

Што носи иднината?

Експертите сметаат дека работни места со флексибилност, почит и фер плата ќе продолжат да ги привлекуваат младите. Компаниите што ќе одбиваат да се прилагодат, пак, ќе се соочат со недостиг на кадар.

„Генерацијата Z е тука за да промени правила,“ заклучува Рајт. „А компаниите што ќе понудат транспарентност, ментално здравје како приоритет и фер услови – ќе напредуваат во следната деценија.“

Извор: Index

ОВЕН

Постои можност на деловно поле да добиете помош околу напредувањето кое сте го очекувале. Потребно е повеќе да и се посветите на саканата личност ако сакате вашиот однос да води до брак и заедница во иднина. Најдете време за одмор.

БИК

Можеби очекувате премногу на деловно поле од денешниот ден. Не би било добро да се залетувате со вложувања. Поработете на комуникацијата со партнерот за да се подобри односот. Можни се проблеми со срцето.

БЛИЗНАЦИ

Можеби ќе добиете можност за промена на работното место или ќе имате работа поврзана со странство. Ви делува дека партнерот прилично е затворен и не ви се допаѓа неговиот пристап кон вас. Проблеми со забите.

РАК

На деловно поле нагласена ви е неповолна фаза. Ве очекува период кој може да ви биде променлив. Флертувате и не ви е лесно да се одлучите само за една личност, бидејќи имате многу додворувачи. Здравјето е сѐ подобро.

ЛАВ

Максимално се трудите на деловно поле да остварите добар имиџ и добар однос со соработниците. По искрениот разговор со саканата личност може да очекувате некаков вид на олеснување. Можни се проблеми со стомакот.

ДЕВИЦА

Се препорачува денес да се посветите на плановите на деловно поле. Потребно е да бидете тактични во некои моменти. Доколку сте во врска, можно е да имате помали проблеми со партнерот. Имате вишок енергија.

ВАГА

Ви се отвораат нови можности кога станува збор за работата. Спремни сте да се посветите на своето напредување. Новото љубовно познанство во вас буди желба за влезете во сериозна љубовна врска. Одлично здравје.

ШКОРПИЈА

Можеби се трудите на деловно поле да го давате својот максимум, но не ви е лесно да остварите најдобри резултати. Може да очекувате позитивно решение за некои проблеми кои сте ги имале со партнерот. Посветете се на вежбање.

СТРЕЛЕЦ

Се преиспитувате себеси и доаѓате до заклучок дека е крајно време да го менувате своето работно место. Можеби сте разочарани поради врска од минатото. Дајте си себеси некое време да го преболите минатото. Внимавајте на исхраната.

ЈАРЕЦ

Може да очекувате помали промени на деловно поле. Не ви е лесно да задржите сосема стабилна состојба. Потребно е да стекнете повеќе самодоверба за да ја пронајдете својата среќа на деловно поле. Работете на тоа да го зајакнете имунитетот.

ВОДОЛИЈА

Доколку сте посветени на остварувањето на деловните цели, потрудете се да бидете темелни во извршувањето на деловните задачи. Ќе остварите добра комуникација со партнерот кој ќе покаже дека ви дава поддршка. Водете сметка за градниот кош.

РИБИ

Почекајте на деловно поле да дојде до решавање на ситуацијата која ве загрижува. Овој период не ви е поволен. Сигурни сте во вашата љубов и посветени и сте на саканата личност. Може да очекувате задоволство. Солидно здравје.