Денес посетителите со своето присуство го потврдија она што почесто му треба на град Кичево, а со тоа испишаа историја и најавија дека даваат поддршка за ваков тип на музички манифестации за една нова традиција во очи на големиот семакедонски празник „Илинден“

– Одличната атмосфера, пропратена со уште подобра организација, кичевските музички имиња ја исполнија душата на сите присутни кичевчани но и гости, во срцето на градот. Од најмладо до најстаро, до последен тон беа присутни и во еден глас ги пееја најголемите македонски хитови и се разбира хитовите на мега ѕвездата од нашите простори – Лозано, кој не дека е наш, дефинитивно го држи врвот на музичката сцена во Македонија и пошироко.

Ве повикуваме и вечерва со почеток од 20:00ч да присуствувате на втората гала вечер и заедно да ги пееме најголемите хитови заедно со „Addicted“ и Бојан Трајкоски, Алексо Тришоски, Бранислав Стојаноски, Бојан Дамјаноски & „The Twins“, Тоше Анѓелески, Распеани Кичевчани и Дарко Танески „Трубачко“

Во прилог, ви презентираме фото-галерија преку нашиот објектив & објективот на нашиот соработник spixels, доколку сакате да превземете фотографија, направете го тоа ТУКА

Под влијание на влажна и на нестабилна воздушна маса која е поврзана со фронтален систем од север  и од северозапад, во текот на денешниот ден (четврток 31 јули) на повеќе места во Македонија, особено во јужните, југозападните, како и во источните предели ќе биде променливо и нестабилно со пороен дожд, грмежи и засилен ветер во зоната на нестабилност.

Локално пак, атмосферските процеси ќе бидат поинтензивни и во форма на невреме со пообилен пороен дожд за кратко време, силен ветер, електрични празнења  и со услови за појава на град.

И во делови од Скопскиот регион ќе има појава на повремен дожд со услови за развој на нестабилност, проследена со пороен дожд, грмежи и засилен ветер.

Апелирам, во случај на појава на невреме  и на електрични празнења граѓаните да обратат поголема внимателност, односно да не се претстојува на отворен простор  и под осамени дрвја. Исто така, во случај на појава на силен ветер, граѓаните своите автомобили да ги ставаат понастрана од дрвјата, особено оние дрвја кои се осамени.

Што се однесува до температурите, тие денес ќе се искачуваат во интервалот од 20 до 29 степени, што значи дека ќе биде значително посвежо. Во Скопскиот регион максималната температура денес ќе се искачи до околу 29 степени.

– Попоски за Порта.мк дополнително ексклузивно, изјави дека временската најава за дестабилизација на метео атмосферата ќе ја има, но во пресрет на вечерашниот концерт во кичевскиот регион од 20 часот па натаму, полека ќе се намалува нестабилноста и условите за врнежи ќе бидат помали, што значи нè очекува спектакуларен концерт!

Повелете, повеќе информации ТУКА

После манастирската богослужба, а потоа свечено пред Светото Писмо, револвер и кама дадоа заклетва за верност кон револуционерното ослободително дело – онаа иста заклетва што некогаш морале да ја положат сите членови на Македонската револуционерна органзација, „Манастир Пречиста-Кичевска Коњаница“ иако со закаснување поради оправдани причини, односно пристигнаа покасно, денес секако дека беше вистинска атракција во центарот на град Кичево, каде пристигнаа пред портите на нашиот храм, заштитник на град Кичево , Св.Апостоли Петар и Павле.

И оваа година најмладите најмногу им се израдуваа на учесниците облечени во комитски носии и нивната коњаница, предводена од Орце Богданоски кој за прв пат неговата желба стана реалност да биде учесник, но и Војвода.

Вечерва збиднувањето ќе биде во с.Козица, каде е предвидена централна прослава со жива музика.

Честитки, нека е вечна традицијата.

Галерија преку нашиот објектив: