Младиот фудбалер на Ливерпул, Џовани Леони, ќе биде надвор од терените приближно една година поради тешка повреда – кинење на предните вкрстени лигаменти на левата нога, соопшти тренерот на клубот, Арне Слот.

Италијанскиот дефанзивец, кој има само 18 години и летово пристигна од Парма, го запиша своето деби за „црвените“ во триумфот над Саутемптон во Лига купот. Сепак, неговиот настап беше прекинат во 81-та минута поради незгоден пад при еден дуел.

– „Ситуацијата е навистина тешка за него. Повредата е сериозна и ќе мора да паузира околу една година. Тешко е да се пронајде нешто позитивно во вакви моменти, но неговата младост е предност – има време и кариера пред себе по закрепнувањето,“ изјави Слот.

Со неговото отсуство, Ливерпул ќе остане само со три природни централни дефанзивци: Вирџил ван Дајк, Ибрахима Конате и Џо Гомез, барем до отворањето на зимскиот преоден рок.

Во меѓувреме, клубот размислува за можноста во составот за Лигата на шампионите на местото на Леони да биде вклучен крилниот напаѓач Федерико Киеза.

Со голема чест и задоволство преку нашиот медиум Ви го најавуваме учеството на нашиот клуб „ФК Кичево“ на престижниот меѓународен турнир „Eurosport Cup“ во Куманово!

На овој силен турнир ќе настапиме со генерацијата 2014, комбинирана со 2015, во конкуренција со реномирани клубови како Torino, AS Roma, S.S. Lazio, Partizan Belgrade, CSKA Sofia и уште многу академии од цела Европа. 🌍

За нашите фудбалерчиња ова е огромно искуство, можност да се надигруваат со најдобрите и уште еден чекор поблиску до остварување на нивниот сон. Во оваа прилика сакаме да упатиме пофални зборови за управата на овој клуб со кои имаме беспрекорна и плодна соработка, тоа се г-дин Игор и Максим Николаевски, татко и син кои неуморно вложуваат труд и напори дечињата од клубот да одат напред, да се стекнуваат со најразлични нови спортски достигнувања, како клучен фактор за еден здрав фудбалски менталитет.

Напред!

Европската фудбалска федерација (УЕФА) следната недела ќе гласа за можното исклучување на Израел од европските натпреварувања. Наводно, повеќето претставници во извршниот комитет се наклонети кон одлука за суспензија.

Повикот за ваков потег дојде од советнички панел во рамки на Обединетите Нации, откако истражна комисија на ОН утврди дека Израел врши геноцид врз палестинското население во Газа, според британски „Тајмс“.

Весникот, повикувајќи се на извори блиски до процесот, наведува дека во УЕФА доминира ставот дека суспензијата на Русија во 2022 година поради војната во Украина претставува преседан на кој може да се потпрат и во случајот со Израел.

УЕФА, каде Израел е полноправен член уште од 1994 година, оваа недела водеше сериозни консултации на високо ниво околу можните последици и реакцијата на европската фудбалска сцена.

Истиот весник минатиот месец откри дека дел од европските клубови веќе прашале дали постои можност да не се натпреваруваат со израелски екипи.