По долгата и тешка борба со последиците од повредите здобиени во трагедијата во Кочани, почина Владимир Блажев – Панчо. Тој ја загуби животната битка во болницата каде што беше на лекување.

Од несреќата наваму, Панчо извесен период беше во кома, а за неговата психичка состојба се грижеше тим составен од психолози и психијатри. Задоби сериозни изгореници на лицето и на рацете.

Панчо, познат на јавноста и како диџеј Шорти, беше дел од музичкото дуо ДНК. Судбоносната ноќ на 16 март, заедно со својот колега Андреј, настапуваше во дискотеката „Пулс“ во Кочани. Андреј трагично го загуби животот во пожарот што избувна во локалот, на 43-годишна возраст.

Владимир Блажев – Панчо е роден на 29 јули 1979 година во Скопје. И тој и Андреј беа познати и докажани хуманисти, сакани од своите пријатели и пошироката јавност.

Зад себе Панчо остави два сина Андреја и Марјан.

На 07.10.2025 во 18:26 часот во СВР Битола е пријавено дека на крстосница од ул. „Партизанска“ и ул.„Север Југ“ во Битола, патничко возило „пежо“ со битолски регистарски ознаки, управувано од Г.М.(49) од Битола, удрило во пешакот Ѓ.Х.(45) од Битола и неговото куче.

Во несреќата со тешки телесни повреди се здобил пешакот, констатирани во Клиничката болница Битола, а кучето било усмртено.

Извршен е увид од увидна екипа од СВР Битола, информира МВР.

Познатиот пејач Халид Бешлиќ почина во Клиничкиот центар на Универзитетот во Сараево, по подолга и тешка болест поради која беше хоспитализиран во KCUS.

Халид Бешлиќ зад себе остави кариера долга повеќе од четири децении, исполнета со бројни хитови што со текот на времето стекнаа статус на евергрин и останаа незаменлив дел од секое музичко дружење.

Роден е на 20 ноември 1953 година во селото Кнежина, во близина на Соколац. Иако првично се занимавал со столарски занает и завршил колеџ за менаџмент, уште од најрана возраст ја покажувал својата страст и талент за музика — дар кој подоцна го направи едно од најпрепознатливите имиња на балканската естрада.