ОВЕН
Денот е идеален за решавање на сите незавршени работи како и за дискусии поврзани со финансиски проблеми со личност која ја познавате подолго време. Слободно бидете искрени и директни, не треба да се плашите од недоразбирања или раскинувања. Згора на тоа, штом ќе се ослободите од се што е нејасно, ќе ви биде јасно дека иднината е сепак добра.

БИК
Денес лесно ќе можете да ги убедите другите дека ги гледаат или прават работите онака како што вие мислите дека е најпаметно. Ако имате шанса да направите нешто посебно со некој што го сакате, не одложувајте. Ако не сте сигурни како да ги завршите преговорите фокусирани на деловната иднина, размислете за патување кое ќе го комбинира удобното со корисното.

БЛИЗНАЦИ
Денес речиси сè ќе зависи од тоа како се однесувате кон другите луѓе. Доколку покажете дека сте лојални и не реагирате премногу бурно, се ќе биде во ред. Ако дозволите вашите емоции да ве совладаат или да покажете љубомора или сомнеж, нема да можете да го имате она што го сакате. Измерете ги внимателно вашите зборови во секое време.

РАК
Вложувајте малку повеќе време и труд во односите со колегите, соработниците и клиентите, бидејќи така најбрзо ќе ги постигнете посакуваните цели. Денес генерално ќе добиете нешто и на крајот од денот бидете горди на себе, барем кога е работата во прашање. Меѓутоа, кога станува збор за приватниот живот, ќе треба да покажете дека сте спремни да направите отстапки и да се приспособите.

ЛАВ
Денес ќе бидете доста субјективни, па склони сте да погрешно проценувате ситуации и луѓе. За да држите се под контрола, ќе треба да се потпрете на советите на луѓето на кои им верувате. Во попладневните часови можни се проблеми поврзани со семејството. Колку и да сте загрижени, понекогаш навистина е потребна промена за да можете да го добиете она што го сакате.

ДЕВИЦА
Излезете и забавувајте се. Денес ќе оставите одличен впечаток на личност која може да ви помогне во иднина. Дел од вас случајно ќе запознае личност од далечното минато, а тоа ќе доведе до интересен разговор и идеја вредна за оживување. Не оставајте ги вашите работи недовршени. Потрудете се, особено ако веќе сте ветиле нешто.

ВАГА
Ќе бидете многу продуктивни и ментално силни. Слободно извршувајте повеќе работи одеднаш, без страв дека ќе направите грешка или ќе се изморите премногу. Денот е поволен за сите оние разговори со кои планирате да им дадете до знаење на другите дека сте се одлучиле за поголеми промени. Ако сметате дека има нова можност, потрудете се и истражете ги информациите.

ШКОРПИЈА
Оние од вас кои неодамна ја промениле работната средина и сте во нов тим, треба да обрнат повеќе внимание на неформалните односи со колегите. Тие подоцна ќе ви бидат најголемата поддршка. Денот е одличен за дефинирање на планови поврзани со семејството, пријателите и пошироката заедница. Патувањето ќе ви донесе задоволство.

СТРЕЛЕЦ
Без разлика дали се работи за приватен или деловен живот, денес ќе привлечете интересни потенцијални партнери. Пред да изберете нешто или некого, прво проверете каква била ситуацијата во минатото. Нема сите да ви кажат сè, затоа обидете се сами да откриете што ве интересира или што прави да се чувствувате несигурни. Потпрете се на минатите искуства.

ЈАРЕЦ
Ќе имате одлични идеи и ќе бидете расположени поголемиот дел од денот, што ќе им се допадне на луѓето околу вас. Тоа ќе ви се исплати за вашето службено патување, затоа не избегнувајте состаноци лице в лице. Со вашиот хумор ќе можете да ги промените исходите од различни ситуации, но само ако добро го оцените вашиот соговорник. Ќе бидете изненадени од нечија промена на ставот.

ВОДОЛИЈА
Внимавајте како се однесувате со другите луѓе, особено во ситуации кога некој ги изразува своите желби за иднината или ви кажува за љубовни проблеми. Ако премногу се опуштите, може да навредите некого и да останете погрешно разбрани. Држете се до она што го знаете и не убедувајте ги другите за работи што не се реални.

РИБИ
Нема да погрешите ако денес ја пуштите вашата фантазија. Ќе бидете умерени и ќе ги фасцинирате другите луѓе со вашата визија за иднината. Некој ќе ви понуди пари или навидум добра деловна можност. Доколку сте заинтересирани, известете ме но и нагласете дека не треба да брзате. Ќе почувствувате конкретни подобрувања во приватниот живот.

ОВЕН

Избегнете да влегувате во тесно и концентрирајте се на она што ви се случува моментално. Не дозволувајте проблемите да ве контролираат. Подобро е денес да се концентрирате на оние проблеми кои можете да ги решите, наместо на нешто од минатото кое не можете да го промените. Закажете средба со поранешните соработници, ќе ви се отвори можност за дополнителен профит.

БИК

Внимавајте како размислувате за себе и не се критикувајте премногу. Обидете се да ги избегнете негативните мисли и не им дозволувајте на песимистичните луѓе да ви влијаат на енергијата. Денес лесно ќе го прифаќате туѓото мислење. Нема да имате потреба од навлегување во долги дискусии или натпревари.

БЛИЗНАЦИ

Совршена сабота за забава и уживање, иако ве пристискаат некои рокови кои полека преминуваат во доцнење. Средете го тоа во текот на денот, за да можете да седите мирно, а по работата, време е за убава средба со пријателите.

РАК

Идеите непрекинато ви доаѓаат, и сега навистина е вистинското време некои од нив да започнете да ги претворате во реалност. Иако во моментов сте окупирани со глобални прашања, свртете се околу себе и првите промени направете ги во својата непосредна околина.

ЛАВ

Денес некој ќе ја насочи целата своја негативна енергија кон вас, бидејќи во неговите очи ќе бидете непријател. Движете се со исправена глава и покажете дека неговите тешки стрели не можат да ја пробијат вашата цврста надворешност. Ќе го избегнувате затворениот простор. Постојано ќе сакате да сте во движење.

ДЕВИЦА

Имате идеја која сакате да ја споделите? Ова е одличен ден за да го сторите тоа. Без разлика дали се работи за личен или професионален проект, ќе имате способност да ги убедувате луѓето да ги прифатат вашите идеи. Искористете ја дадената шанса.

ВАГА

Иако копнеете да бидете на врвот, понекогаш и второто место не е за потценување. Денес балансирајте помеѓу соло и тимска работа. Заборавете на егото и оставете вашите дела да зборуваат за вас. Треба да му обрнете повеќе внимание на одредено лице од спротивниот пол и да ги подобрите односите со него.

ШКОРПИЈА

Во фаза сте на материјална експанзија. Станавте вистински скржавец, кој само ги брои парите. Бидејќи имате многу издатоци, нема да дозволите лесно да ги потрошите парите. Направивте план и од тоа нема да отстапите. Можни се здравствени проблеми, предизвикани од лош метаболизам, па диетата е идеално решение.

СТРЕЛЕЦ

Ова среда е одлична за комуникација. Потрудете се да организирате дружење со голем број луѓе. Најдобро за понатамошниот тек на настаните е да избегнувате конфликти. Јавете се на пријателите со кои долго не сте се виделе. Одбранете ги вашите ставови и верувања без да бидете агресивни. Ќе ви недостасува трпение, но на крајот од денот сѐ ќе си дојде на свое место.

ЈАРЕЦ

Бидејќи некои работи сте ги расчистиле со себеси, на проблемите им пристапувате на нов начин. Благодарејќи на енергијата, тргнувате во нови походи. Тие се однесуваат на љубовта и уметноста. Заљубени сте и тоа ви носи добро расположение.

ВОДОЛИЈА

Надевајте се на големи промени кои со себе носат сериозни одговорности. Конечно можете да земете здив, бидејќи многу работи се искристализираа. Доколку сте паметни, ќе успеете да го извлечете максимумот од ситуацијата. Тоа особено се однесува на партнерот.

РИБИ

Денес нема да бидете многу сигурни во вашата финансиска ситуација, и тоа може прилично да ве вознемири. Некои информации кои ќе ги добиете, исто така може да ве вознемират. Не се повлекувајте, искажете го вашето незадоволство. Пред да почнете нешто да планирате оценете ги сите работи.

Овој десерт нуди совршен спој на свежина и кремасто задоволство

Ако сте љубител на комбинацијата од чоколадо и овошје, тогаш овој чизкејк ќе стане ваш нов омилен десерт. Станува збор за лесна, но богата торта со пенест крем од јагоди, мек пандишпан со Нутела и мазен млечен ганаш. Идеална е за семејни прослави, родендени или едноставно за моменти на лично уживање.

Состојки

За бисквитот со Нутела:

• 1 јајце

• 30 г шеќер

• 1 кесичка ванилин шеќер

• 50 мл вода

• 50 мл масло

• 40 г Нутела

• 40 г брашно

• 5 г какао

• ½ кесичка прашок за пециво

За кремот од јагоди:

• 150 г свежи блендирани јагоди

• Неколку капки арома од јагода

• 20 г инстант желатин

• 2 полни лажици шеќер во прав (или по вкус)

• 200 г маскарпоне

• 200 мл слатка павлака за шлаг

За ганашот:

• 100 г млечно чоколадо

• 90 мл слатка павлака за шлаг

• 30 г Нутела

Постапка

Подготовка на бисквитот:

1. Во длабок сад изматете го јајцето со шеќерот и ванилиниот шеќер додека не добиете светла и пенеста смеса.

2. Додадете ја водата, маслото и Нутелата, па кратко промешајте.

3. Во посебен сад соединете ги брашното, какаото и прашокот за пециво, па додајте ги во течната смеса.

4. Истурете ја смесата во калап (дијаметар 16 см) обложен со хартија за печење.

5. Печете на 160°C околу 20 минути или додека чепкалка излезе сува. Оставете да се излади.

Подготовка на кремот од јагоди:

1. Изблендирајте го маскарпонето кратко, потоа додајте ги блендираните јагоди, аромата и шеќерот во прав.

2. Вмешајте ја слатката павлака и изматете кратко додека не добиете кремаста структура.

3. Додека мешате, постепено додавајте го инстант желатинот. Мешајте додека кремот не стане цврст.

4. Прелијте го врз изладениот бисквит и оставете го во фрижидер да се стегне, најдобро преку ноќ.

Подготовка на ганашот:

1. Во тенџере на тивок оган загрејте ги чоколадото, слатката павлака и Нутелата, мешајќи додека не се стопи чоколадото и не добиете мазна смеса.

2. Оставете неколку минути да се излади, па прелијте го врз стегнатиот крем.

3. Вратете ја тортата во фрижидер додека ганашот целосно не се стегне.

Овој чизкејк не само што изгледа впечатливо, туку и нуди исклучително богат вкус. Послужете го добро изладен и уживајте во секој залак!