Гејминг
Age of Empires Mobile пристигнува на 17 октомври на Android и iOS

Новата мобилна верзија на легендарната стратешка игра Age of Empires, развиена од TiMi Studio Group и World’s Edge, ќе биде објавена на 17 октомври на Android и iOS.
Age of Empires Mobile, новата игра од култната стратешка серија во реално време Age of Empires, се подготвува за глобално објавување. Долгоочекуваната игра за мобилни телефони доаѓа на Android и iOS на 17 октомври.
Развиена од TiMi Studio Group во соработка со World’s Edge, играта ветува свежо, но сепак познато искуство за фановите, нудејќи ги клучните елементи на легендарната игра во нов формат погоден за мобилни телефони.
Објавата беше објавена на платформата X, а по објавата следеше и трејлер
Играта, која има повеќе режими за еден играч, ќе им овозможи на корисниците да ја градат својата империја во средновековен амбиент кој вклучува историски локации и личности, сложени боишта и реално оружје. Почнувајќи со само еден пункт, вашите стратешки одлуки и сојузи ќе бидат клучни за трансформирање на вашата скромна империја во моќна цивилизација.
Но, тоа не е се. Еден од клучните аспекти на играта е можноста корисниците да ги водат своите војски користејќи легендарни историски херои.
Секој од овие ликови ќе има уникатни вештини и таленти кои корисниците можат да ги искористат за да добијат стратешка предност на бојното поле. Фановите на оригиналниот Age Of Empires кои со нетрпение чекаат да ја пробаат оваа игра на својот мобилен уред нема да мора да чекаат уште многу, бидејќи претрегистрацијата е веќе возможна на веб-страницата на Aeomobile.
Гејминг
Fortnite повторно достапен на iOS во Австралија

По пет години судски битки, Epic Games успеа да го врати Fortnite и Epic Games Store на iOS уредите во Австралија. Одлуката на судот утврди дека Apple ја ограничувал конкуренцијата со своите строги правила, особено со забраната за алтернативни методи на плаќање, пренесува Australian Financial Review.
Epic Games изјави:
„Австралискиот суд пресуди дека Apple и Google ја злоупотребуваат својата контрола врз дистрибуцијата на апликации и плаќањата во нив за да ја ограничат конкуренцијата. Постојат над 2.000 страници со наоди што ќе треба да ги испитаме. Сепак, ова е победа за програмерите и потрошувачите во Австралија!“
Како започна конфликтот?
-
Epic го заобиколи системот за плаќање на Apple.
-
Наместо тоа, воведе сопствен метод за купувања.
-
Apple остана без вообичаената провизија од 30%.
-
Како реакција, Fortnite и другите апликации беа отстранети од App Store, што доведе до долг судски процес.
Во април оваа година, американскиот суд пресуди дека Apple повеќе нема право да наплаќа провизија за купувања направени надвор од App Store. По таа одлука, Fortnite повторно се врати во американската App Store во мај.
Иако одлуката во Австралија е историска за гејмерите и девелоперите, сè уште не е познато кога Fortnite и Epic Games Store повторно ќе бидат достапни за сите iOS корисници таму.
Извор: Engadget
Гејминг
Sony ја зголеми цената на сите модели од „PlayStation 5“ конзолата на американскиот пазар

Моделот со диск драјв ќе се продава по цена од 549,99 долари, што е зголемување од 50 долари во однос на претходните 499,99 долари. Digital Edition ќе поскапи од 449,99 на 499,99 долари, додека најмоќната верзија – PS5 Pro – ќе чини 749,99 долари наместо досегашните 699,99.
Од компанијата објаснуваат дека ваквата одлука е резултат на „тешките економски услови“ и дополнителните тарифи кои значително ги зголемиле трошоците за производство и дистрибуција.
– „Иако настојувавме што подолго да ги задржиме старите цени, актуелните пазарни околности нè принудија да направиме корекција“, наведуваат од Sony.
Позитивна вест за играчите е тоа што цените на игрите и додатоците нема да се менуваат.
Со овој потег, Sony се усогласува со конкурентите, бидејќи и Microsoft и Nintendo претходно ги зголемија цените на своите гејминг конзоли поради слични економски предизвици.
Гејминг
(ВИДЕО) Излезе новиот трејлер на популарната и долгоочекувана „GTA VI“

Минатиот петок, Rockstar Games го одложи објавувањето на GTA VI, кое првично беше планирано за есен 2025 година, за 26 мај 2026 година.
– „Со секоја игра што ја објавивме, целта отсекогаш била да се обидеме да ги надминеме вашите очекувања, а GTA VI не е исклучок. Се надеваме дека разбирате дека ни е потребно ова дополнително време за да го испорачаме нивото на квалитет што го очекувате и заслужувате“, се вели во соопштението на Rockstar Games.
Првиот трејлер за GTA VI се појави онлајн во декември 2023 година, кога креаторите ја претставија приказната за Луција, една од главните хероини на видео играта.
-
Хороскоп1 ден
Хороскоп за среда (17 септември)
-
Хороскоп10 часа
Хороскоп за четврток (18 септември)
-
Македонија2 дена
Министерството за одбрана, петта година по ред ги задржа максималните 100 % активна транспарентност и е практично најтранспарентна институција во државата
-
Скопје2 дена
(ВИДЕО) Снимка од подметнувањето на пожарот во Пинтија, каде ние човечноста?!
-
Музика1 ден
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Свет2 дена
„Google“ со сериозна инвестиција на центри за податоци и вештачка интелигенција во Велика Британија
-
Македонија2 дена
„СОЗР“ стави крај на злоупотребите на службените возила и зголемување на транспарентноста од денес граѓаните можат да пријавуваат случаи на незаконита употреба на службени возила
-
Временска прогноза1 ден
Брз продор на ладен воздух од север, додека само утре услови за слаб локален дожд