Спорт
Анализа на 25. коло од Прва МФЛ, признаени грешките на судиските арбитри
Судиска комисија во рамки на Фудбалската федерација на Македонија ги разгледа спорните моменти од 25. коло во 1. МФЛ и ги донесе следните заклучоци:
– На натпреварот ФК Работнички – ФК Струга Трим Љум одигран на 02.04.2022 година, анализирана е ситуацијата од 48. минута.
Главен судија: Александар Ставрев; Помошни судии: Дејан Костадинов и Гоце Петрески;
48. минута: Исправна проценка на судијата (досуден удар од 11 метра). Играчот на Работнички го влече со интензитет напаѓачот на Струга во својот шеснаесетник, спречувајќи го да игра со топка. Исправно досуден удар од 11 метра и доделена дисциплинска мерка (жолт) картон.
– На натпреварот ФК Шкупи – ФК Тиквеш одигран на 03.04.2022 година, анализирана е ситуацијата од 9. минута.
Главен судија: Јован Качевски; Помошни судии: Бакрачевски Разме и Мартин Петковски;
9. минута: Погрешна проценка на судијата (не е досуден удар од 11 метра). Играч на Шкупи во свој шеснаесетник со интензитет го соборува (влече) играчот на Тиквеш, спречувајки го да игра со топка. Судијата во оваа ситуација мора да досуди удар од 11 метри и да додели дисциплинска мерка жолт картон.
– На натпреварот ФК Македонија Ѓ.П. – ФК Пелистер одигран на 03.04.2022 година, анализирани се ситуациите од 64. и 90. минута.
Главен судија: Марјан Стојановски; Помошни судии: Давор Цветаноски и Мартин Дејаноски;
64. минута: Погрешна проценка на судијата (досуден удар од 11 метра). Играч на Македонија е во посед на топката, на него стартува играч на Пелистер со мал интензитет и доаѓа до минимален контакт. Погрешно досуден удар од 11 метра бидејќи контактот не е доволен.
90. минута: Исправна проценка на судијата (досуден удар од 11 метра). Играчот на Пелистер неспретно и со интензитет стартува на нога на играч на Македонија во својот шеснаесетник. Исправно досуден пенал без дисциплинска мерка.
На натпреварот ФК Брегалница – ФК Ренова одигран на 03.04.2022 година, анализирани се ситуациите од 44, 58. и 78. минута.
Главен судија: Александар Грујоски; Помошни судии: Куштрим Лика и Зоран Јанкуловски;
44. минута: Исправна проценка на судијата (не досуден удар од 11 метра). Играч на Брегалница во шеснаесетникот на Ренова се обиде да симулира удар од 11 метра, немаше никаков контакт помеѓу играчот на Брегалница и играчот на Ренова. Исправно досуден индиректен слободен удар и доделена дисциплинска мерка жолт картон за симулација, воедно, тоа беше втор жолт (црвен).
58. минута: Исправна проценка на првиот асистент (нема офсајд позиција). Играч на Брегалница додаде топка до свој соиграч кој беше во линија со претпоследниот играч на Ренова, исправна одлука на асистентот за играта да продолжи бидејки немаше офсајд позиција, од оваа акција беше постигнат гол, голот е исправен.
78. минута: Исправна одлука на судијата(досуден удар од 11 метра.). Играч на Брегалница во свој шеснаесетник со две раце, со интензитет го влече и соборува играчот на Ренова кој е во ветувачка шанса за гол, спречувајќи го да игра со топка. Исправно досуден удар од 11 метра и доделена дисциплинска мерка жолт картон, воедно тоа беше втор жолт (црвен).
– На натпреварот ФК Академија Пандев – ФК Скопје одигран на 03.04.2022 година, анализирана е ситуацијата од 77. минута.
Главен судија: Игор Иванов; Помошни судии: Ристо Ѓорѓиев и Кристијан Џонов;
77. минута: Погрешна проценка на првиот асистент (досудено офсајд позиција). Играч на Скопје додава топка до свој соиграч кој се наоѓа во половината на Академија при додавањето. Првиот асистент сигнализира офсајд позиција, погрешна одлука на асистентот, бидејки нема офсајд позиција кога играч тргнува од своја половина.
Спорт
Аталанта го разреши од должноста досегашниот тренер Иван Јуриќ
Аталанта го отпушти 50-годишниот хрватски стратег Иван Јуриќ по само 11 одиграни натпревари во Серија А, еден ден по поразот од Сасуоло со 0–3. По овој неуспех, тимот од Бергамо падна на 13-тото место на табелата со вкупно 13 освоени бода.
Јуриќ ја презеде клупата на Аталанта во јули и го предводеше тимот на вкупно 15 натпревари, од кои забележа четири победи – по две во Серија А и во Лигата на шампионите.
– „Иван Јуриќ е разрешен од должноста тренер на првиот тим, заедно со неговите најблиски соработници. Аталанта им се заблагодарува на Јуриќ и на неговиот стручен штаб за посветеноста и им посакува успех во понатамошната кариера,“ се наведува во официјалното соопштение на клубот.
Според италијанските медиуми, главен кандидат за нов тренер на Аталанта е Рафаеле Паладино.
Спорт
Кичевските арбитри Стојановски и Цветаноски ќе ја делат правдата на мечот в понеделник помеѓу „Силекс“ и „Шкупи“
Во рамките на 13-тото коло од Првата македонска фудбалска лига, овој понеделник, 10 ноември 2025 година, со почеток во 13:00 часот, на стадион „Силекс“ во Кратово ќе се одигра мошне квалитетен дуел помеѓу ФК Силекс и ФК Шкупи 1927.
Судиската екипа за овој натпревар ќе ја предводи кичевчанецот Марјан Стојановски, кој ќе ја има главната судиска должност, додека негов помошник на линијата ќе биде неговиот сограѓанин, исто така искусниот Давор Цветаноски. Втор помошен судија ќе биде Мартин Петковски од Куманово, а како четврт судија е назначен Ндерим Тефику, исто така од Куманово.
Системот за видео-помош на судиите (ВАР) ќе го раководи Пларент Салихи од Тетово, со асистенција од Гоце Петрески од Скопје, додека оператор за повторување на снимка ќе биде Жарко Пејковски, исто од Скопје.
Делегат на натпреварот е Расим Муминовиќ од Скопје, а контролор на судењето ќе биде Благој Шуклев од Стојаково.
Со оглед на значењето на натпреварот и формата на двете екипи, љубителите на фудбалот очекуваат возбудлив меч, додека искусните кичевчани, кои долги години му припаѓаат на овој спорт Стојановски и Цветаноски ќе имаат чест и одговорност да ја делат судиската правда во Кратово.
Спорт
Во „Лига Ц“, Унгарија, Азербејџан и Андора се противниците на Македонската женска фудбалска репрезентација за квалификациите за светското првенство во Бразил
Во седиштето на УЕФА денес беа извлечени противниците за лигашката фаза од квалификациите за Светското првенство во женски фудбал, кое ќе се одржи во Бразил во 2027 година.
Македонската женска репрезентација ќе ги започне квалификациите во Лига Ц, каде што се формирани вкупно шест групи. Натпреварите од оваа етапа ќе се одиграат во март, април и јуни 2026 година.
Пласман во следната рунда ќе обезбедат победниците од сите шест групи, како и двете најдобро рангирани второпласирани селекции. Тие ќе се борат за место на Мундијалот преку бараж дуели против второ и трето пласираните тимови од Лига А. Овие натпревари ќе се одиграат во октомври и ноември 2026 година, додека последните интерконтинентални баражи се закажани за февруари 2027 година.
Македонија ќе се обиде да стигне до баражите преку групата Ц3, каде што ќе игра против селекциите на Унгарија, Азербејџан и Андора, истакнаа од Фудбалската федерација на Македонија.
-
Кичево2 денаОВР Кичево лиши од слобода жител на струшко, кај с.Другово „летал“ со 107 км/ч, на место каде дозволено е 50 км/ч максимална брзина
-
Хороскоп1 денХороскоп за четврток (13 ноември)
-
Временска прогноза17 часаПопоски: Следната седмица ќе имаме чести и обилни врнежи од дожд проследени со повремено силен јужен ветер
-
Македонија1 денНов случај на сообраќајна несреќа помеѓу тмв и електричен тротинет во Битола, констатирани биле тешки телесни повреди
-
Магазин2 денаВашиот WhatsApp станува неосвоив – новата функција целосно ги блокира непознатите контакти
-
Хороскоп2 часаХороскоп за петок (14 ноември)
-
Здравје и убавина2 денаНаправете дома природен „Витамин Ц“ напиток
-
Магазин2 денаYouTube наградува лајкови со забавни анимации
