Спорт
Ангеловски: „Ова се моите јунаци, одиме силно на Европско“ – Швајнштајгер: „Моја почит за Македонија, недосуден чист пенал за нив, сепак заслужена победа!“
„Овие момци уште еднаш ја направија горда цела Македонија. Го победивме четирикратниот светски шампион, кој веќе 20 години не е поразен во квалификациите за СП! Кој ќе ја крши традицијата ако не овие наши спортски херои. Радувај се, Македонија и слави ги овие херои “, беше еуфоричен селекторот Ангеловски по триумфот среде Германија.
За капитенот Пандев нема што посебно да се коментира, тој е одличен фудбалер и лидер. Во ноември 2020 година, со гол против Грузија, ја однесе Македонија на Европското првенство, а четири месеци подоцна, со погодок на крајот на првото полувреме, им вдиши надеж и верба на соиграчите дека можат да ја соборат големата Германија. Верата е ставена во дело, затоа вечерва Македонците слават една од поголемите победи во поновата историја.
Горан Пандев за медиумите додаде дека чуда во фудбалот се можни, а ние постигнавме едно на теренот. Ги поздравувам и луѓето кои не критикуваа, не попречуваа, кои не веруваа – ова е нивна победа. Нема да има промени во овој тим, тие се мои херои и со нив ќе одам на Европското првенство. Сега сите ќе бидат сфатени многу посериозно “.
По три круга, Македонија има шест бода и барем ја истакна својата кандидатура за висок пласман, барем на второто место што гарантира бараж. Ситуацијата е комплицирана од максималните девет бода на Ерменија, но вечерва нашето соседство ќе зборува исклучиво за историската победа.
Ангеловски не ја пропушти можноста да посочи кон што ќе се стремат неговите момчиња следниот период, а тоа е добро познатото европско!
– „Целта е да се помине групата на Еврото. Овие момци можат да го направат тоа. Но, сега треба уште малку да се спуштиме на земјата. Се вклучивме во борбата за Светското првенство и тоа е најважно во моментов “, заклучи македонскиот селектор.
Што се однесува до меѓународната сцена, прв кој се огласи е големиот Бастијан Швајнштајгер кој напиша:
Мојата почит оди кон селекцијата на Македонија. Несреќен пенал против нив, недосуден пенал за нив и овие момци успеаа да го поразат на гости четирикратниот светски првак
My respect to North Macedonia 🇲🇰, unlucky penalty against them, clear penalty not given and these guys win their away game against a 4 time world champion. Chapeau #GERMKD
— Basti Schweinsteiger (@BSchweinsteiger) March 31, 2021
ФИФА: „Енис Барди блескаше, 37-годишниот Гордан Пандев и 21-годишниот Елиф Елмас ги постигнаа головите, а Македонија го направи шокот во досегашниот тек на европските квалификации за СП и несомнено најдобриот резултат во својата историја во Германија. Каква ноќ да се биде Македонец!“, твитна ФИФА, бркнувајќи им директно в око на негаторите на македонскиот национален идентитет.
❤️ Enis Bardhi dazzles, 37-year-old Gordan Pandev and 21-year-old Elif Elmas get the goals, and North Macedonia produce the shock of European #WCQ thus far and arguably the best result in their history in Germany. What a night to be Macedonian! pic.twitter.com/rZaRlWMP0S
— FIFA World Cup (@FIFAWorldCup) March 31, 2021
Спорт
Нова победа на македонската репрезентација до 18 години на силниот меѓународен турнир „Анталија Куп 2024″
Младата репрезентација на Македонија до 18 години одигра нов добар натпревар и ја забележа втората победа во рамките на силниот меѓународен турнир „Анталија Куп 2024″.
Избраниците на селекторот Вујадин Станојковиќ, по победата над Естонија зеблежаа нов убедлив триумф со 3:0 над ФК Анталиаспор.
Нашите млади фудбалери одиграа феноменално прво полувреме надигрувајќи го противникот во секој сегмент од играта. Во првите 30. минута успеавме да постигнеме три погодоци и многу рано да го решиме прашањето на победникот на оваа средба.
На самиот старт на средбата, Силјановски постигнува гол за водство на Македонија. Три минути подоцна Гаштаров ја зголемува нашата предност. Матески во 30. минута се запишува во листата на стрелците и ги поставува конечните 3:0.
МАКЕДОНИЈА: Амар Хаџибулиќ, Андреј Љубевски, Габриел Крстевски, Нуман Ајетовиќ, Милот Синани, Адриан Незир, Давид Ристовски, Никола Манојлов, Давид Матески, Матеј Гаштаров, Андреј Силјаноски;
Селектор: Вујадин Станојковиќ.
Во претходното коло, Македонија забележа убедлива победа над Естонија со 3:0.
Во воведното коло од силниот меѓународен турнир во турска Анталија, нашите млади фудбалери незаслужено беа поразени од Молдавија со минимални 1:0.
Спорт
Репрезентацијата на Македонија во фудбал до 19 и 21 година одиграа мечеви против Летонија односно против Шведска
Младата репрезентација на Македонија до 19 години одигра нерешено 1:1 против соодветната селекција на Летонија во рамките на третото коло од мини квалификацискиот турнир (Елитна фаза) за пласман на Европско првенство.
Избраниците на селекторот Тони Јакимовски беа подобар противник од самиот старт на овој натпревар, но на крајот не успеаа да ја остварат првата победа во овој квалификациски циклус што се одржа во Скопје.
Ѓоргиевски и Зенделовски ги имаа првите прилика за Македонија на оваа средба, но без реализација. Величковски ја имаше најсериозната можност во првото полувреме.
На почетокот на второто полувреме, Летонија погодува за предност од 1:0. Межсаргс беше стрелец на погодокот за противникот.
Димитар Данев во 76. минута погоди за израмнување на резултатот и поставување на конечните 1:1. За Македонија настапија:
Македонија: Џеков, Аризанкоски, Стојилевски, Џеков, Велков, Нухија, Зенделовски, Ѓоргиевски, Цаноски, Величковски, Назифи;
Селектор: Тони Јакимовски
Додека пак репрезентацијата на Македонија до 21 година загуби со 2:0 од Шведска во натпревар од квалификациите за пласман на Европско првенство кое ќе се одржи во Словачка 2025 година.
Избраниците на селекторот Драги Канатларовски речиси цело второ полувреме играа со играч помалку. Десниот бек Михаил Димитриевски во 47. минута заработи директен црвен картон откако невнимателно и остро стартуваше врз противнички играч.
Противникот успеа да го скрши нашиот отпор и во 67. минута го постигна првиот погодок. Розенгард со доза на среќа успеа да ја затресе нашата мрежа. Вихелмсон во последните моменти од средбата ги постави конечните 2:0.
Македонија и со играч помалку одигра добар натпревар, особено во дефанзивниот дел, но не можеше ништо повеќе со играч помалку. Марио Илиевски и Хамза Рамани ги имаа двете најдобри можности на оваа средба за постигнување на погодок.
Швеѓаните со оваа победа се вратија во трката за пласман на Европското првенство. Македонија во досегашниот тек од квалификациите има забележано две победи и четири порази.
Македонија – Шведска 0:2 (0:1)
МАКЕДОНИЈА: Марко Алчевски, Михаил Димитриевски, Андреј Стојчевски, Решат Рамадани, Стефан Деспотовски, Иван Николов, Марио Илиевски, Лука Станковски, Имран Фетси, Алекс Златков, Хамза Рамани;
Резерви: Стефан Митрев, Берат Калкан, Џемиљ Јахји, Матеј Ангелов, Ардијан Цилафи, Луан Абази, Ване Крстевски, Шабавн Зенку, Еркан Семовски;
Селектор: Тони Јакимовски
Извор: ФФМ
Спорт
Македонската А селекција загуби од Црна Гора на контролниот меч во Анталија
Македонската А репрезентација загуви со 1:0 од Црна Гора на контролниот натпревар. Првото полувреме на стадионот „Мардан“ во Анталија мина во наша доминација, но за жал во завршницата на полувремето попушти концентрацијата.
Првата закана по црногорскиот гол ја упати Миовски во 6. минута. Продолжи добрата игра на нашиот тим. Од околу дваесеттина метри се обиде Елмас, изнудувајќи интервенција на црногорскиот голман. Елмас до полувремето имаше уште два обида. Црногорците упатија еден удар од далечина преку Чамај.
Енис Барди имаше опасен обид од слободен удар, меѓутоа биеше крај голот на Црна Гора. Пред паузата, Црна Гора имаше два корнери и ги опомена нашите фудбалери, меѓутоа ударите завршија во блокот и над пречката. Црногорците не казнија за неефикасноста во финишот на полувремето. Водечки погодок постигна Стеван Јоветиќ кој во 45. минута со глава по корнер го матира Димитриевски.
Многу замени беа направени во вториот дел. Трајковски влезе на местото од Елмас. Нашата деветка веднаш се најде во позиција да го загрози противничкиот гол, но тоа го направи непрецизно.
Шанса во второто полувреме добија Ристовски, Димоски, Митровски, Серафимов и Ќамили, но немавме посериозна прилика да го израмниме резултатот.
-
Хороскоп2 дена
Хороскоп за среда (27 март)
-
Култура2 дена
В сабота во Манастирот Св. Великомаченик Георгиј Победоносец во с. Рајчица ќе пристигне икона на Светиот Георгиј Победоносец, покана до сите верници да присуствуваат на духовното славје
-
Хороскоп14 часа
Хороскоп за четврток (28 март)
-
Македонија1 ден
Викендов започнува летното сметање на време, ноќта во недела стрелките на часовникот ги поместуваме еден час по напред
-
Кичево1 ден
ССНМ во Кичево организира работен состанок со новинари од локални медиуми
-
Спорт1 ден
Нова победа на македонската репрезентација до 18 години на силниот меѓународен турнир „Анталија Куп 2024″
-
Lifestyle1 ден
Дали знаете што значи WC?
-
Мобилни уреди2 дена
На голема врата со 4G поддршка се враќа легендарниот „Nokia 3210“