ОВЕН

Постои можност на деловно поле да добиете помош околу напредувањето кое сте го очекувале. Потребно е повеќе да и се посветите на саканата личност ако сакате вашиот однос да води до брак и заедница во иднина. Најдете време за одмор.

БИК

Можеби очекувате премногу на деловно поле од денешниот ден. Не би било добро да се залетувате со вложувања. Поработете на комуникацијата со партнерот за да се подобри односот. Можни се проблеми со срцето.

БЛИЗНАЦИ

Можеби ќе добиете можност за промена на работното место или ќе имате работа поврзана со странство. Ви делува дека партнерот прилично е затворен и не ви се допаѓа неговиот пристап кон вас. Проблеми со забите.

РАК

На деловно поле нагласена ви е неповолна фаза. Ве очекува период кој може да ви биде променлив. Флертувате и не ви е лесно да се одлучите само за една личност, бидејќи имате многу додворувачи. Здравјето е сѐ подобро.

ЛАВ

Максимално се трудите на деловно поле да остварите добар имиџ и добар однос со соработниците. По искрениот разговор со саканата личност може да очекувате некаков вид на олеснување. Можни се проблеми со стомакот.

ДЕВИЦА

Се препорачува денес да се посветите на плановите на деловно поле. Потребно е да бидете тактични во некои моменти. Доколку сте во врска, можно е да имате помали проблеми со партнерот. Имате вишок енергија.

ВАГА

Ви се отвораат нови можности кога станува збор за работата. Спремни сте да се посветите на своето напредување. Новото љубовно познанство во вас буди желба за влезете во сериозна љубовна врска. Одлично здравје.

ШКОРПИЈА

Можеби се трудите на деловно поле да го давате својот максимум, но не ви е лесно да остварите најдобри резултати. Може да очекувате позитивно решение за некои проблеми кои сте ги имале со партнерот. Посветете се на вежбање.

СТРЕЛЕЦ

Се преиспитувате себеси и доаѓате до заклучок дека е крајно време да го менувате своето работно место. Можеби сте разочарани поради врска од минатото. Дајте си себеси некое време да го преболите минатото. Внимавајте на исхраната.

ЈАРЕЦ

Може да очекувате помали промени на деловно поле. Не ви е лесно да задржите сосема стабилна состојба. Потребно е да стекнете повеќе самодоверба за да ја пронајдете својата среќа на деловно поле. Работете на тоа да го зајакнете имунитетот.

ВОДОЛИЈА

Доколку сте посветени на остварувањето на деловните цели, потрудете се да бидете темелни во извршувањето на деловните задачи. Ќе остварите добра комуникација со партнерот кој ќе покаже дека ви дава поддршка. Водете сметка за градниот кош.

РИБИ

Почекајте на деловно поле да дојде до решавање на ситуацијата која ве загрижува. Овој период не ви е поволен. Сигурни сте во вашата љубов и посветени и сте на саканата личност. Може да очекувате задоволство. Солидно здравје.

Ако некој има посебно место во нашето срце, нормално е да сакаме да знаеме дали тој чувствува исто за нас. Истото важи и за нашите најверни придружници – кучињата. Иако не можат да кажат „Те сакам“ со зборови, тие имаат свои начини да ја покажат љубовта.

Во продолжение ви ги претставуваме најсигурните знаци дека вашето куче ве сака.

Верувајте му на инстинктот

Како што кучињата се потпираат на сопствените инстинкти, така и ние треба да веруваме на чувството кога ќе препознаеме љубов и наклонетост кај нив.

Најчести знаци на љубов кај кучињата

1. Контакт со очи
Кога вашето куче ве гледа длабоко во очите, тоа е јасен знак на поврзаност. Научно е докажано дека нивото на „хормонот на љубовта“ – окситоцин, се зголемува и кај вас и кај кучето во тие моменти.

2. Секогаш е покрај вас
Куче кое ве сака сака да е во ваша близина – било да шетате, готвите или одмарате.

3. Ви носи подароци
Коска, играчка или омилен предмет – тоа е негов начин да ви покаже дека ви верува и ве сака.

4. Спокојно го прифаќа вашето заминување
Куче кое има доверба знае дека ќе се вратите. Радоста при повторна средба е најубав доказ за неговата љубов.

5. Мавтање со опашка
Иако опашката може да значи и возбуда, радосното мавтање при вашето присуство е знак на среќа и наклонетост.

6. Ве теши кога ви е тешко
Кучето чувствува кога не сте добро и ќе се обиде со својата блискост да ви ја олесни ситуацијата.

7. Го сака вашиот допир
Кога дозволува да го галите, особено на чувствителни места како стомакот или вратот, тоа значи дека ви верува и ве сака.

8. Заштитничко однесување
Кога почувствува опасност, вашето куче може да застане пред вас за да ве заштити – уште еден доказ за длабока врска.

9. Лижење
Кучињата лижат за да покажат грижа – тоа е нивен начин на изразување наклонетост.

10. Спиење покрај вас
Куче кое сака да спие блиску до својот сопственик покажува доверба и љубов.

Заклучок

На прашањето „Дали моето куче ме сака?“ – одговорот најчесто е „Да“. Доволно е да ги набљудувате неговите гестови, движења и реакциите во секојдневието. Колку повеќе градите доверба, толку повеќе ќе ја препознавате безусловната љубов на вашиот четириножен пријател.

Извор: Nezavisne

Uber објави дека од следната година ќе започне да нуди превоз со хеликоптери и хидроплани, достапни директно преку апликацијата. Новата услуга се лансира во партнерство со Joby Aviation, само еден месец откако компанијата ја купи услугата за воздушно такси Blade за 125 милиони долари.

Резервации преку апликација

Корисниците ќе можат да резервираат летови со хеликоптери и хидроплани уште од следната година. Иако точниот месец не е прецизиран, услугата ќе биде достапна за сите преку апликацијата на Uber.

Blade веќе нуди превоз до клучни локации во Њујорк, како аеродромите Newark и JFK, како и Hamptons. Со новото партнерство, овие услуги ќе станат достапни и за Uber корисниците.

Joby – амбиции за воздушни таксиња

Joby Aviation ја купи Blade во август и планира да ја искористи нејзината инфраструктура за да развие сопствена услуга со футуристички авиони eVTOL (електрично вертикално полетување и слетување). Тие ќе можат да превезуваат четири патници и пилот со брзина до 320 км/ч.

Компанијата планира глобална експанзија – во Њујорк, Лос Анџелес, Дубаи, Обединетото Кралство и Јапонија.

Инвеститори и поддршка

Uber е еден од главните инвеститори во Joby, вложувајќи 75 милиони долари во 2020 година, а претходно и дополнителни 50 милиони. Други клучни поддржувачи се Toyota, која досега инвестираше повеќе од 500 милиони долари.

Blade – не само превоз на патници

Иако Blade во 2024 година превезе над 50.000 патници во САД и јужна Европа (Ница, Монако, Кан), најголем дел од приходите (околу 60%) доаѓаат од медицинската услуга за транспорт на органи за трансплантација. Овој сегмент не е дел од договорот и продолжува да функционира како независна компанија под името Strata Critical Medical.

Извор: N1Info