Мобилни уреди
Apple потврдува дека „AI“ – вештачка интелигенција ќе пристигне и за iPhone уредите

За време на разговорот за заработка со инвеститорите, извршниот директор на Apple, Тим Кук, потврди дека функциите за вештачка интелигенција доаѓаат на платформите на компанијата. Кук најави дека ќе сподели повеќе детали за напорите за развој на вештачка интелигенција „подоцна оваа година“, што значи дека тие најверојатно ќе бидат достапни на претстојната линија на телефони iPhone 16.
Apple обично најавува пошироки промени на платформата на својот настан WWDC, заедно со објавувањето на прегледи на програмери за iOS, macOS и други платформи. Потоа, компанијата најавува и одредени нови функции за своите нови iPhone-и, кои ги лансира подоцна во текот на годината. Според тоа, Apple веројатно планира да ги елаборира овие карактеристики заедно со воведувањето на оперативниот систем iOS 18.
За време на разговорот, Кук понатаму изјавил дека „што се однесува до вештачката интелигенција, тие имаат многу работа внатрешно“, пишува Android Authority.
– „Има некои работи за кои сме неверојатно возбудени и за кои ќе зборуваме подоцна оваа година“, рече тој. Кук, сепак, не прецизираше на кои уреди или платформи ќе дојде вештачката интелигенција, но може да се погоди од некои информации кои протекоа во последните недели, а кои откриваат дека iPhone ќе биде во центарот на напорите на Apple за вештачка интелигенција.
Програмскиот код во верзијата iOS 17.4 сугерира дека дигиталниот асистент Siri ќе може да користи вештачка интелигенција за: сумирање на текстови, предлози за паметни одговори во пораките, но и во апликации како Apple Music, Pages и Keynote. Apple исто така тестира различни модели со вештачка интелигенција, од кои некои работат на уреди, а некои се потпираат на Интернет.
Што се однесува до објавувањето на софтверот iOS 18 за iPhone, инсајдерите и јавноста очекуваат тој да биде претставен на WWDC 2024 на почетокот на јуни, каде што Apple би можел да детализира некои од основните планови за инкорпорирање на вештачката интелигенција во iOS и другите платформи. Уште повеќе функции наменети за потрошувачите на Apple најверојатно ќе бидат откриени од компанијата на лансирањето на линијата телефони iPhone 16, што треба да биде во септември 2024 година.
Извор: benchmark.rs
Мобилни уреди
„Samsung Galaxy S25“ водечки мобилен уред на глобалниот пазар на премиум смартфони

Од својата презентација на пазарот на почетокот од годинава, серијата „Samsung Galaxy S25“ се етаблира како водечки играч на глобалниот пазар на премиум Android смартфони. Најновите податоци покажуваат дека побарувачката за овие уреди е толку висока, што дури и вкупната продажба на сите други Android флегшипи со ист процесор не успева да ја надмине таа на „Galaxy S25“.
Според информациите што ги објави реномираниот технолошки инсајдер Ice Universe, до крајот на јуни, вкупната глобална продажба на серијата S25 достигнала 20,22 милиони единици. Тоа претставува пораст од 2,2 милиони во споредба со серијата Galaxy S24 во истиот период лани, која тогаш броеше 18,02 милиони продадени уреди. Овој раст јасно покажува дека интересот за новата генерација продолжува да расте.
Особено впечатливо е што сите останати Android флагшипи со процесорот Qualcomm Snapdragon 8 Elite (со исклучок на Samsung верзијата) заедно не успеале да надминат 20 милиони продадени единици во првата половина од годината. Ова ја става серијата S25 пред целата конкуренција.
Една од клучните предности на Samsung е користењето на ексклузивната верзија од процесорот – Snapdragon 8 Elite for Galaxy – прилагодена специјално за нивните уреди. Главното јадро на овој чипсет работи на фреквенција од 4,47 GHz, што е повисоко од стандардните 4,32 GHz. Заедно со напредните AI функционалности и ветената 7-годишна софтверска поддршка, оваа комбинација ја прави серијата Galaxy S25 особено привлечна за глобалните потрошувачи.
Иако Ice Universe не откри конкретен извор за податоците, неколку независни анализи на пазарот ја потврдуваат лидерската позиција на Samsung во првиот и вториот квартал од годинава, при што компанијата останува број еден во светските испораки на смартфони.
Извор: sammobile.com
Мобилни уреди
Се чини дека 5000 mAh батерија на современите телефони не е доволна

Во минатото, паметните телефони со батерија од 5000 mAh се сметаа за уреди со солидна издржливост. Но денес, ова веќе не е импресивен капацитет. Новите податоци од Counterpoint Research покажуваат дека во првиот квартал од 2025 година, дури 71% од сите смартфони имале батерија од најмалку 5000 mAh, а 10% од нив дури надминуваат 6000 mAh.
Овие високи капацитети, кои порано беа карактеристични за телефони од средната класа, сега стануваат стандард и кај премиум моделите. Очигледно е дека 5000 mAh сè повеќе се гледа како основа, додека етикетата „голема батерија“ сега се применува на уреди со 6000 mAh и повеќе.
Една од причините зошто порано беше тешко да се стават поголеми батерии беше тоа што тие зафаќаа многу простор, што влијаеше врз можноста да се сместат и други важни компоненти, како камери и системи за ладење. Дополнително, поголемите батерии можеа да го нарушат дизајнот и удобноста при користење, што е важно кај уредите од повисока класа.
Решение на овој предизвик се новите силициум-јаглеродни (Si-C) батерии, кои нудат повисока енергетска густина, заземаат помалку простор и се полнат побрзо од традиционалните литиум-јонски. Неколку производители, како Honor, OnePlus и realme, веќе почнаа да ги користат овие батерии во своите најнови уреди.
Модели како OnePlus 13 и realme GT 7 успеваат да понудат батерии над 6000 mAh, без да прават компромиси со дебелината и изгледот на телефонот.
Се чини дека иднината на смартфоните оди кон уреди кои ќе имаат издржливост за цел ден, без да се жртвува дизајнот. Благодарение на новите технологии, корисниците сега можат да очекуваат тенки телефони со батерии што траат значително подолго, пишуваат колегите од „benchmark.rs“
Магазин
Google откри како ќе изгледа Pixel 10 – нова камера и редизајн? (ВИДЕО)

Официјалното претставување е закажано за 20 август
Google повторно ја следи својата традиција – со рано откривање на изгледот на барем еден од своите нови Pixel телефони. Овојпат, тоа се случува речиси еден месец пред официјалната премиера, закажана за 20 август.
На насловната страна на Google Store се појави кратко промотивно видео, кое ни дава прв поглед на она што се претпоставува дека е основниот Pixel 10. Видеото открива дизајн сличен на минатогодишниот Pixel 9, но со неколку значајни измени.
Google COOKED with this Pixel 10 ad! 🔥 pic.twitter.com/I5LSpzydqz
— Pixlo (@pixlospot) July 21, 2025
Кои се новитетите?
-
Нова сиво-сина боја, која му дава модерен и освежен изглед.
-
Редизајнирана задна страна – изгледа како површината на телефонот да “излегува” од рамката.
-
Трета камера – за првпат, и основниот модел можеби ќе добие телефото објектив.
Да потсетиме, Pixel 9 беше опремен само со широкоаголна и ултраширокаголна камера, додека телефото леќата беше ексклузивна за Pixel 9 Pro. Новите протечени информации сугерираат дека во 2025 година сите Pixel модели би можеле да имаат трикамерен систем.
Иако видеото не открива многу технички детали, се претпоставува дека Google ќе се фокусира на подобрувања под хаубата – како новиот чипсет Tensor – наместо на драматичен редизајн на уредот.
Сè ќе биде јасно на 20 август, кога Google ќе ги открие сите детали за новите Pixel 10 уреди.
Извор: B92
-
Кичево1 ден
Кичево: Најавени градежни работи кон месност Крушино, за тоа време ќе има времен прекин на сообраќај
-
Хороскоп2 дена
Хороскоп за сабота (23 август)
-
Македонија2 дена
Времен прекин на сообраќај утре и задутре поради меѓународниот ФИС ролер-ски натпревар „Тодор Проески“
-
Хороскоп21 час
Хороскоп за недела (24 август)
-
Временска прогноза24 часа
Попоски со нова метео анализа, септември надпросечно топол
-
Хроника1 ден
Уште една трагедија на македонските патишта, загина украинец пешак, го удрил жител на Косово од Германија
-
Lifestyle1 ден
Како да ја направите вашата орхидеја да расцвета: 4 корисни совети
-
Спорт1 ден
Роналдо стана единствен фудбалер во историјата кој постигнал најмалку 100 голови во четири различни клубови