По повод патрониот празник на Центарот за Култура „Кочо Рацин“ – Кичево, ќе се одржи манифестација „Поетска Рацинова вечер“ која ќе биде збогатена со читање творби и многу други одбележја во чест на нашиот великан Коста Солев Рацин кој достоинствено го носи нашиот кичевски Центар за Култура името на овој македонски револуционер и поет.

На оваа манифестација ќе учествуваат поети од нашиот град, играорни групи како и многу други учесници од сите дејности. Преку нашиот медиум, а во соработка со установата, Ве покануваме со вашето присуство и да го одбележиме заеднички овој значаен ден и да оддадеме почит кон еден наш вреден и значаен поет, почеток на настанот четврток 19:30ч / 13.06.24

Настан на социјални мрежи: ТУКА

На 06.06.2024 околу 21.00 часот во Кичево, полициски службеници од ОВР Кичево ја привеле М.П. (39) од Кичево, со живеалиште во Скопје, затоа што во угостителски објект во Кичево го нарушила јавниот ред и мир и агресивно се однесувала кон сопственикот. Таа била задржана во полициска станица и по целосно документирање на случајот, против неа ќе биде поднесена соодветна пријава, за медиумите информира портпаролот на СВР Охрид, Стефан Димоски

На 01.06.2024 година во 01.25 часот, во ОВР Кичево е пријавено дека на булеварот „Ослободување“ во Кичево, неколку лица физички го нападнале Н.П.(34) од Кичево.

Се преземаат мерки за расчистување на настанот по што ќе биде поднесена соодветна пријава, за медиумите истакна портпаролот на СВР Охрид, Стефан Димоски.

Со цел да се стави еднаш крај на ваквите напади од агресивни лица, апелираме до надлежните институции веднаш да ги најдат сторителите и да се истакнат пред лицето на правдата!