На 23.03.2023 во 12:25 часот во полициското одделение во кичевското село Осломеј пријавено е дека во помошна котлара од електраната РЕК „Осломеј“ настанал пожар.

Повредени лица нема, а интервенирала Територијалната противпожарна единица од Кичево.

За нашиот портал извести портпаролот на СВР Охрид, г-дин Стефан Димоски.

Вчера на ден 22.03.2023 во 11:10 часот во ОВР Кичево пријавено е дека во Општата болница во Кичево со повреди бил донесен Б.М. (34) од село Младо Нагоричане, општина Старо Нагоричане.

Според пријавеното, тој се здобил со повредите при извршување градежни работи во фирма во Кичево.

Увид бил извршен и за настанот бил запознаен трудов инспектор, за порта.мк известува портпаролот на СВР Охрид, г-дин Стефан Димоски.

– Инаку да потсетиме месецов ова е трета пријава за повреден работник додека ги извршувал своите градежни работи, претходно случај беше на 8-ми март каде настрада 46-годишен кичевчанец и на 18-ти март жител на Демир Хисар исто така беше здобиен со тешки телесни повреди извршувајќи градежна работа.

Во Кичево на 20.03.2023 понеделник успешно се реализираше локална работилница на „Рурална Коалиција“ на тема како може да се подобри соработката и дијалогот помеѓу бизнис заедницата, општината, граѓанските организации и медиумите, а во насока на унапредување на транспаретноста и отчетноста на општината и останатите локални чинители. На настанот исто така беа присутни претставници од општините Кичево, Пласница и Македонски Брод, како и на на локалната акциска група „Треска“ и на Регионална Стопанска Комора.

Како главни предизвици во соработката и дијалогот, според претседателот на Регионалната Стопанска Комора, г-динот Игор Соколески беше пред се немањето на доволно волја, но и мотивација да се работи заедно, да се вложува во заедницата иако проблемите и предизвиците во општината лесно може да се препознаат и да се надминат.

Свој говор пред присутните истакна и извршната директорка на „Рурална Коалиција“ г-ѓа Лилјана Јоноски каде нагласи дека согласни се дека е потребно да се има почести средби на кои ќе се дискутира за предизвиците на општината, а ги иницираше и средбите кои треба да се реализираат во блиска иднина.

Од општината истакнаа дека се тука да ја слушнат секоја идеја и можност за унапредување на соработката, но и отвореноста на општината кон локалните чинители и дека треба многу повеќе да се работи на градење на взаемната соработка и доверба која што во моментов и не е на некое завидно ниво.

На работилницата беа присутни и дел од советниците во општината, локалните медиуми, како и граѓанските организации кои што предлагаа свои мерки како да се превенира корупцијата, при што беше напоменато дека и едукацијата, како и јакнењето на свеста кај населението за следење на работата на општината е од клучно значење

Инаку работилница беше реализирана во рамките на проектот „Заштита од корупција“ кој што „Рурална Коалиција“ го спроведува како локален партнер на Центар за граѓански комуникации, додека истиот е финансиран од Амбасадата на Кралството Холандија во Скопје.

Официјална галерија од настанот: