Колегите од Радио Кочани итно ја известува јавноста за информациите добиени од општата болница „8-ми Септември“ – Скопје.

– „На лекување се однесени малолетните Методија Цонев и Стефанија Златановска од Кочани на кои родителите сеуште не се присутни во Болницата. Поради потреба ИТНО да се лекуваат во странство потребен е родителски потпис.“

Се замолуваат сите кои имаат контакт со семејствата на повредените да ги информираат што е можно побрзо да пристигнат во болницата „8-ми Септември“

Извор: Радио Кочани
Линк: ТУКА

– Обновено инфо: Родителите се информирани успешно и се на пат за Скопје!

Владата на денешната седница која ќе се оддржи во 16:00 часот се очекува да донесе одлука за 7-дневна жалост поради трагедијата во Кочани, дополнително ќе се донесат и заклучоци за итна и вонредна инспекција на сите ноќни клубови, дискотеки и ресторани приредувачи на забави, се вели во информацијата од Владата.

Подетални информации очекуваме во 16ч.

Денеска (15.03.2025) во 12.45 часот преку линијата 112 било пријавено дека во Мавровското езеро биле забележани две лица кои се качиле во чамец и почнале да се движат по езерото. Набргу, чамецот се превртел, а лицата се држеле за чамецот додека брановите ги воделе кон браната.

За настанот биле  известени Центарот за управување со кризи, Итна медицинска помош и Национален парк Маврово.

Припадници на Специјалната антитерористичка единица Тигар и Хеликоптерската единица при МВР во координирана акција со Полициското одделение Маврово и наведените институции од водите на езерото во 15.10 часот успешно ги извлекле  Х.Б.(24) и И.Р.(23),двајцата од Скопје, во контактибилна состојба, по што биле пренесени во Ургентен центар Гостивар за преглед.