Следете не

Автомобили

Автомобил на иднината ВИДЕО

Објавено пред

на

Фото: Linkoln

Lincoln донесе неверојатен дизајн на концептот за електричен автономен автомобил.

На автомобилската недела во Монтереј, Lincoln го претстави L100, неговиот футуристички концепт за „електрифицирана мобилност“, инспириран од првиот луксузен седан, моделот L од 1922 година.

Во својата објава, луксузниот бренд на Ford, Lincoln, вели дека како и неговиот претходник пред Големата депресија, моделот L100 покажува шокантно ниво на раскош.

„Технологиите за ќелии на батерии од следната генерација ќе донесат револуционерна густина на енергија“, вели Lincoln, но не кажува ништо за каква технологија се работи и колкав домет ќе обезбеди новата батерија.

Еден од најинтересните детали кај L100 доаѓа во форма на интерактивен дигитален панел, кој се наоѓа помеѓу предните седишта, и претставува дополнителен систем за управување со сите функции на автомобилот, а покрај екранот на допир содржи и автомобилска фигурина, за која не објаснија каква ќе биде неговата функција.

Имајќи предвид дека автомобилот е замислен како целосно автономен, нема волан и педали, така што интерактивната табла е повеќе дизајнерска функција бидејќи може да се претпостави дека Model L 100 ќе има можности за гласовна комуникација.

„Концептните возила ни овозможуваат повторно да замислиме и да илустрираме како новите искуства можат да оживеат со напредните технологии и да им овозможат на нашите дизајнери покреативна слобода од кога било досега“, рече Ентони Ло, главен директор за дизајн на Ford.

Други фантастични детали за дизајнот вклучуваат внатрешност со седишта од предниот ред што може да се вртат, дигитален под и небо што може да прикажува реални анимирани сцени, долг стаклен покрив и врати со шарки што се отвораат како лилјани.

Се уште нема информации дали од овој концепт ќе произлезе возило од масовно производство.

Извор: B92

Автомобили

Новиот прототип на „Subaru“ се очекува да дебитира на „Japan Mobility Show 2025“

Објавено пред

на

ФОТО: Colby Ray @ Unsplash.com

Главниот технолошки директор на Субару, Тецуо Фуџинуки, накратко зборуваше за новото возило, кое според тизер фотографијата најверојатно е поврзана со новата генерација на моделот WRX, не откривајќи го директно името. Тој изјави дека автомобилот ќе користи усовршен систем за погон на сите тркала, инспириран од оној што се користи во тркачката серија Супер Таикју.

Јапонското списание „Car Watch“ пренесе дека Фуџинуки го опишал автомобилот како „атрактивен“, со најава дека ќе има уште поимпресивна верзија во иднина. Повеќе детали ќе бидат објавени на самиот саем.

Според „Carscoops“, иако нема официјална потврда, сите знаци укажуваат дека ова е новата, долгоочекувана верзија на WRX, можеби дури и во STI издание.

Сликата што беше објавена не открива многу, но се гледа агресивен дизајн, со спортска аеродинамика. Предниот дел изгледа како модернизирана верзија на сегашниот WRX, со голема маска, нагласен сплитер и хауба со отвор за воздух.

Покрај новиот модел, Субару потврди и дека работи на следната генерација на својот боксер мотор. Иако сè уште нема многу технички детали, се знае дека моторот ќе биде прилагоден за користење јаглеродно неутрално гориво E20 и е можно да има хибридна поддршка. Не се знае точно колкава ќе биде работната зафатнина или колку цилиндри ќе има.

Во изјава за Best Car Web, Фуџинуки ја нагласи посветеноста на Субару кон своите клиенти. Тој изјави: „Им благодариме на сите кои го избираат Субару. Ќе продолжиме да создаваме автомобили што ќе го оправдаат нивниот избор.“

Повеќе информации се очекуваат на отворањето на Јапонскиот саем за мобилност на 30 октомври 2025 година.

Извор: Carscoops / Car Watch / Subaru

Прочитај повеќе...

Автомобили

Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!

Објавено пред

на

©porta.mk

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во „Авто слалом“ со возила „Олд тајмери“ и „Јанг тајмери“ во организација на Национална Федерација за историски возила на Македонија која припаѓа во семејството на „FIVA“ – Fédération Internationale des Véhicules Anciens и „Класика Прилеп“ поддржано од Министерство за Спорт.

На наше огромно задоволство и под наше медиумско покровителство свое учество ќе земе нашиот кичевчанец, поранешен шампион и долгогодишен искусен учесник Кристијан Бојоски со својот модифициран „Опел Кадет“, кој долги години е миленик на прилепската публика, а владее голема поддршка и од нашиот град Кичево.

Инаку да потсетиме лани Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40

Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, а тука не смее да се заборави поддршката на „Adler“, успешно плови по автомобилистичките води.

Имено да потсетиме, во октомври 2023, Бојоски го извози најдоброто време во класата „олд тајмери“ и се закити со пехар и медалја.

Настанот е на официјалната локација пред „Палма Шоп“ во Центарот на градот. Истиот беше закажан за 11-ти мај, но доби нов датум 1-ви јуни поради санација на делови од патеката, тогаш истакнаа од организацијата.

Со среќа на сите учесници!

 

Прочитај повеќе...

Автомобили

„BMW“ во својата палета на електрични автомобили ќе го истакне својот модел „i4 M60“, со неверојатни 593 коњски сили

Објавено пред

на

ФОТО: screenshot/youtube/i4m60/2024

Помина нешто повеќе од една година откако BMW направи освежување на Серија 4 Gran Coupe и електричниот модел i4. Сепак, спортската верзија i4 M50 тогаш не доби технички промени. Таа продолжи да се нуди со истата M Performance поставка која развива 536 коњски сили и 795 њутн-метри вртежен момент. Неколку месеци подоцна, BMWBLOG објави информации дека се подготвува помоќна верзија – i4 M60. Сега, иако неофицијално, таа верзија се појави на холандската страница на BMW.

Новата i4 M60 веќе е наведена меѓу понудените модели, иако сè уште не може да се конфигурира. Интересно е што i4 M50 сè уште стои во понудата, но тоа веројатно ќе се промени наскоро. Новиот модел носи 593 коњски сили, што е за 57 КС повеќе од претходниот. Вртежниот момент останува ист – 795 њутн-метри.

Поради дополнителната сила, i4 M60 е побрз – од 0 до 100 км/ч стигнува за 3,7 секунди, што е за 0,2 секунди побрзо од M50. Максималната брзина останува ограничена на 225 км/ч. Покрај подобрените перформанси, има и други новитети кај оваа верзија, која е најпродаван BMW M модел последниве три години.

Според податоците од холандскиот сајт на BMW, новиот i4 M60 има автономија од 432 до 551 километар според WLTP стандардот. Иако минималниот дострел е помал од претходната верзија (469 км), максималниот сега е поголем (513 км порано). Батеријата и натаму има капацитет од 81,1 kWh, со максимално полнење на 205 kW со еднонасочна струја.

Новата верзија троши малку повеќе енергија – од 21 до 16,6 kWh на 100 км, додека старата верзија имаше потрошувачка од 19,7 до 17,9 kWh. Исто така, автомобилот е малку полесен – намален е за 5 килограми, па сега тежи 2.285 кг.

Брзината на полнење исто така е подобрена. За само 10 минути, може да се добие енергија за 141 до 185 километри, додека кај претходниот модел тоа беше 135 до 175 километри. Бидејќи BMW веќе ги подновува своите веб-страници со новиот модел, целосното претставување на i4 M60 најверојатно ќе се случи многу наскоро.

Извор: bmwblog.com

Прочитај повеќе...

Facebook

Последни објави

Временска прогноза1 час

Алармот е вклучен, денес ќе имаме најтопол ден од почеток на 2025-та година!

Денес (недела 8 јуни) во Македонија топлотниот бран од Африка ќе го достигне својот максимум и температурите ќе се искачуваат...

Хороскоп2 часа

Хороскоп за недела (8 јуни)

ОВЕН Постојат важни цели што можете да ги постигнете во различни фази или во некои решенија. Се грижите за осмислување...

Спорт5 часа

(ВИДЕО) Американската тенисерка Гауф триумфираше на „Ролан Гарос“ по победата над белорусинката Арина Сабаленка

Американската тенисерка Коко Гауф триумфираше на Ролан Гарос, совладувајќи ја Арина Сабаленка со резултат 2-1 во сетови (6-7, 6-2, 6-4)....

Спорт8 часа

(ВИДЕО) „Капа доле“ за прикажаната игра упати Милевски, додека Омерагиќ во соблекувалната укажа поддршка и честитки до играчите на македонската репрезентација!

Во рамки на вчерашниот успешен меч завршни зборови со фудбалерите имаа селекторот на македонската фудбалска репрезентација Благоја Милевски и првиот...

Македонија8 часа

Попладнево почувствуван земјотрес во Македонија

Телеметриската сеизмолошка мрежа на Република Македонија, преку сеизмолошките станици инсталирани ширум територијата, одржувани од Сеизмолошката опсерваторија при Природно-математичкиот факултет во...

Македонија11 часа

Срамота: Пред Духовден во село во Македонска Каменица оштетени гробови

На 06.06.2025 во 16.20 часот во Полициското одделение Македонска Каменица, Љ.Г. (60) од Македонска Каменица пријавил дека во периодот од...

Хороскоп1 ден

Хороскоп за сабота (7 јуни)

ОВЕН Можно е во текот на денешниот ден да успеете да склопите нови деловни контакти кои ќе ви значат многу...

Култура1 ден

(ВИДЕО) Краток фрагмент на отец Партениј за „Македонија и Патриотизмот“ од новиот филм посветен на неговиот триесет годишен монашки пат

Фрагмент од изјавата за Македонија и за Патриотизмот, составен дел од новиот филм со наслов „Подвижник“ на г-дин Илија Каров,...

Спорт1 ден

Младиот шпанец Карлос Алкараз обезбеди место во финалето на Ролан Гарос

Шпанскиот тенисер Карлос Алкараз, кој е втор на АТП ранг-листата, денеска обезбеди место во финалето на Ролан Гарос, откако неговиот...

Скопје1 ден

МВР го расчисти вчерашното убиство во обид во скопско, одредена мерка притвор

На 06.06.2025 година во 01.00 часот Р.К. (55) од село Студеничани, скопско,  пријавил дека претходниот ден околу 20.00 часот во...

НАЈЧИТАНИ