СВР Охрид ја информира јавноста дека, од денеска во наредниве десет дена, на сила ќе бидат измените на сообраќајниот режим на автопатската делница во изградба од селото Требеништа до селото Мешеишта, општина Дебрца.

На овој патен потег, сообраќајот ќе се одвива наизменично по левата сообраќајна лента гледано во правец од Охрид кон Кичево поради што, апелираме до возачите, крајно внимателно и со прилагодена брзина да ги управуваат своите патнички и други моторни возила и во согласност со поставената хоризонтална и вертикална сообраќајна сигнализација, за Порта.мк соопшти портпаролот на СВР Охрид, Стефан Димоски

На 17.12.2025 во 16:40 часот на улица „Ужичка Република“ во Кичево, полициски службеници од ОВР Кичево го пронајдоа 12-годишното дете, за кое претходно неговите родители пријавија дека се оддалечило од семејниот дом.

Малолетникот е предаден на неговите родители, за јавноста предмалку соопшти портпаролот на СВР Охрид, Стефан Димоски.

Драги кичевчани, наши читатели. Празничната магија повторно се чувствува во Кичево, полека но сигурно го враќа впечатливиот сјај на кој сите му се радуваме, и старо и младо, накитувањето во разни бои полека привршува. Покрај прекрасната програма која ќе се одржи на градскиот плоштад на 30 и 31-ви во организација за прв пат на Општина Кичево за дочекот на новата 2026-та, потоа и Хуманитарен Божиќен Базар се од 11-ти вечерта, тука е и Дедо Мраз меѓу нас!

Традиционално, пред студиото „Фото Зоран“ во Кичево каде со насмевка ги пречекува најмладите и ја шири радоста на новогодишните празници, во сосема нов украсен простор во топол, празничен дух и подготвен да биде место каде се создаваат спомени што се паметат долго!

За сите кои не го посетиле ова магично место, во студиото „Фото Зоран“, Дедо Мраз не е само лик од бајките, туку вистински пријател на децата. Со својата препознатлива насмевка, црвена облека и вреќа полна со изненадувања, тој ги слуша желбите на најмалите, разговара со нив и им подарува моменти исполнети со радост. Родителите, пак, имаат можност да забележат искрени емоции детски смеа, возбудени погледи и топли прегратки сè овековечено преку професионална фотографија.

Оваа средба е повеќе од обично фотографирање, таа е доживување што ги зближува семејствата и ја враќа вистинската празнична атмосфера. Во време кога секојдневието е забрзано, ваквите моменти потсетуваат на значењето на традицијата, вниманието и споделената радост.

Посетата на Дедо Мраз во „Фото Зоран“ стана препознатлив дел од новогодишните случувања во Кичево и секоја година носи нови насмевки, нови приказни и нови спомени кои остануваат засекогаш.

Во прилог погледнете ја официјалната видео покана ТУКА на Дедо Мраз која ќе ви ги стопли срцата!

Сликај се со Дедо Мраз, во „Фото Зоран“ со стил и стас!