Спорт
Барање за „Ваучер“ и користење на средствата од даночното ослободување за фудбалските клубови од Агенцијата за млади и спорт

Информација од Агенцијата за млади и спорт, доставена до Фудбалската федерација на Македонија до клубовите од сите рангови на натпреварување за можноста за апликација за добивање на ваучер за користење на средствата од даночното ослободување согласно Законот за спортот и Законот за данок на добивка за 2023 година.
Во продолжение преземете го образецот кој треба да биде уредно пополнет (електронска форма), заверен (со штембил, деловен број и печат) и потпишан. Барањето да се достави до архивско одделение во ФФМ или електронски на електронската адреса: ТУКА најдоцна до 16.01.2023 година (понеделник) до 14:00 часот.
Во образецот В2 ЗАДОЛЖИТЕЛНО да се наведе НАМЕНСКА СМЕТКА за користење на средства од даночно ослободување согласно Законот за спортот и Законот за данок на добивка (ваучер), се вели во соопштението од Фудбалскта федерација на Македонија.
Во прилог официјалните документи:
Спорт
ФФМ на дечињата кои учествуваа во финалниот турнир во „Детската лига“ ќе им овозможи бесплатно да го следат мечот Македонија-Белгија од трибините на „Тодор Проески“

Фудбалската федерација на Македонија ќе им овозможи бесплатен влез на источната трибина на Националната арена „Тодор Проески“ на сите деца кои учествуваа на финалниот турнир во Детската лига и на проектот „Ајде на фудбал“, за време на натпреварот меѓу Македонија и Белгија.
– Оваа одлука, иницирана од претседателот на ФФМ, г-дин Масар Омерагиќ е знак на благодарност и признание за вложениот труд и посветеност на над 2000 деца од 96 екипи кои се натпреваруваа во Детската лига, како и речиси 1000 ученици што беа дел од училишниот фудбалски проект.
Со оваа акција, ФФМ испраќа јасна порака за поддршка на младите фудбалски надежи, со цел да се зајакне љубовта кон спортот и да се мотивираат новите генерации да бидат дел од македонските репрезентации.
Источната трибина ќе биде наменета за овие млади спортисти, кои не се само гледачи, туку и симбол на иднината на македонскиот фудбал, пренесуваат од Фудбалската федерација на Македонија за јавноста.
Извор: ФФМ
Спорт
Хамилтон се искритикува себеси по трката во Шпанија, по завршувањето на шесто место

Возачот на Ферари имаше тешка трка на Големата награда на Шпанија и заврши на шестото место, а вината за слабата изведба ја презеде врз себе. Стартуваше од петтата позиција, но наскоро беше нападнат од својот тимски колега Шарл Леклер. По само девет круга, на барање на тимот, Хамилтон повторно ја презеде петтата позиција од Леклер.
Поголемиот дел од трката ја мина возејќи сам на петтото место, сè додека подолго задржување при второто влегување во бокс не му ја одзеде позицијата, која ја загуби од поранешниот колега од Мерцедес, Џорџ Расел. По појавата на безбедносното возило, имаше шанса да се врати напред, но беше претекнат од Нико Хулкенберг од тимот на Заубер.
– „Што да кажам? Имав навистина лош ден. Беше тешко, ужасно. Немам што да додадам“, изјави Хамилтон за „Скај Спортс“, додавајќи дека нема смисла да се бара објаснување за трката. На прашањето дали тимот може да му понуди одговори, тој рече: „Не верувам. Веројатно јас сум проблемот.“
Хамилтон истакна дека не знае зошто настапот бил толку лош и дека ова можеби била најлошата трка во однос на рамнотежата на болидот. Инаку, тој е рекордер во Формула 1 по број на победи (105) и пол-позиции (104).
Следната трка во шампионатот ќе се одржи на 15 јуни во Монтреал, за Големата награда на Канада.
Спорт
(ФОТО) „Градско дерби“, фудбалско надигрување, многу голови и фер плеј – Фудбалот е најубавиот спорт на светот!

Во рамки на денешниот ден генерацијата 2014/2015 од ФК Кичево одигра пријателски натпревар со врсниците исто така од Кичево, екипата на ФК Влазрими. Одлично прикажана игра, фер плеј, маестрални акции, вистинска борба за постигнување погодок.
Големо браво за противничката екипа на ФК Влазрими и стручниот штаб за секогаш добрата организација, браво и до сите фудбалски актери на терен!
-
Хроника20 часа
При изведување градежни работи на автопат Кичево-Охрид од дрвена платформа паднал работник, жител на Кина
-
Хороскоп1 ден
Хороскоп за среда (4 јуни)
-
Временска прогноза1 ден
Попоски апелира за локална дестабилизација со пороен дожд, ова се информациите
-
Хороскоп11 часа
Хороскоп за четврток (5 јуни)
-
Македонија2 дена
(ФОТО) СВР Охрид одржа работилници на тема „Безбедност и правила за децата во сообраќајот“ со ученици од второ и трето одделение на основни училишта
-
Македонија2 дена
МВР изрече кривична пријава за злоупотреба на службената положба и овластување и злоупотреба на постапката за јавен повик, доделување на договор за јавна набавка или јавно-приватно партнерство
-
На денешен ден2 дена
Времеплов: На денешен ден – 3 јуни
-
Автомобили2 дена
Новиот прототип на „Subaru“ се очекува да дебитира на „Japan Mobility Show 2025“