Кичево
Во сабота на Китино Кале, „Биди нејзиниот глас“, настан наменет за превенција на домашното насилство и зајакнување на жените во организација на „Саншајн Кидс“

Некои приказни не се раскажуваат. Некои лица никогаш не врескаат. Но насилството не бара бучава за да уништи. Токму затоа, здружението „Саншајн Кидс“ – Кичево го спроведе проектот „Be Her Voice“– гласот што зборува во име на сите жени што молчат зад затворени врати, зад телефон без пораки, зад поглед што премногу трпи.
Во време кога сè уште е тешко да се зборува за интимното партнерско насилство (IPV), без разлика на годините, оваа иницијатива направи чекор напред – со образование, пристап, храброст и акција. Преку работилници, интерактивни сесии и лични разговори, тие научија да го препознаат насилството, но и да зборуваат за него.
Алатка што може да спаси живот
Централниот производ на овој проект е нешто што досега го немавме, а е изработен од тимот на Саншајн Кидс: практичен и разбирлив IPV Toolkit – алатка за секојдневна
употреба, насочена кон жените, нивните другарки, наставнички, мајки и соседки. Овој водич нуди:
• Како да се препознае психолошко, емоционално и физичко насилство
• Кои се првите чекори кога не знаеш кому да се обратиш
• Каде да побараш помош, без осуда
• Како да помогнеш некому што страда, а не зборува
На финалниот настан кој ќе се одржи оваа сабота во 12 часот, Китино Кале овој Toolkit ќе биде официјално промовиран. Преку QR код поставен низ целиот простор, посетителите ќе можат веднаш да го преземат и – што е најважно – да го споделат на своите социјални мрежи под хаштаговите:
👉🏻 #BeHerVoice #BreakTheSilence #SheIsNotAlone
🎤 Настан што не се гледа – туку се чувствува
Финалниот настан нема да биде класична презентација. Тоа ќе биде искуство – комбинација од сведоштва, симболика, разговори и дигитална акција. Панел-дискусијата ќе вклучи експерти, наставници и институционалнни претставници. Ќе се зборува за се што се молчи и сцени што се повторуваат во илјадници домови.
– „Секоја жена заслужува живот без страв. А секој од нас има одговорност да не гледа настрана“– велат од Саншајн Кидс.
Институциите се клучот
Настанот е отворен за јавноста и граѓаните претставници од образованието, социјалните служби, здравствени установи, полицијата и локалната самоуправа. Нашата улога не е само да присуствуваме – туку да се вклучиме, да слушаме и да почнеме да дејствуваме.
Затоа: Не чекај. Не молчи.
Биди нејзиниот глас.
📍Китино Кале / 31 мај / 12:00ч
Контакт 📧: [email protected]
Facebook настан: ТУКА
/ПР
Кичево
Вчера во Кичево при засилена акциска контрола на МВР изречени 86 санкции во еден ден

На 09.07.2025 година во периодот од 16.00 до 22.00 часот Секторот за сообраќајни работи при Одделот за униформирана полиција-Биро за јавна безбедност и Мобилната единица за безбедност на сообраќајот на патиштата спроведоа акциска контрола на територијата на ОВР Кичево, за санкционирање на возачи кои не ги почитуваат сообраќајните правила и прописи.
При контролата санкционирани се 86 возачи од кои: 25 лица за возење без возачка дозвола, 10 возачи за управување на моторни возила со изминат рок на важност на сообраќајната дозвола и полиса, 1 возач кој управува моторно возило под дејство на алкохол, 2 возачи кои управувале возило со несоодветна категорија, 1 возач кој управувал возило со неисправно светлосно сигнални уреди, 15 возачи за некористење на заштитен шлем-кацига, 1 возач на возило со затемнети стакла без извршен А-тест, две мерки кон возачи кои исто така вршат јавен превоз на патници без да извршат вонреден технички преглед, една мерка кон возач кој не ја поседува пропишаната опрема во возилото, две одземени возачки дозволи по член 341 од ЗБСП како и одземени два мотори по член 344 од ЗБСП и превземени се мерки против 28 учесници во сообраќај за останати сообраќајни прекршоци.
На сите прекршители изготвени им се соодветни поднесоци.
Сообраќајните контроли продолжуваат и во наредните денови.
Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта, истакна МВР.
Кичево
Во сабота традиционална „Мото парада 2025“ по повод „Петровден“, именден на нашиот градски храм „Св.Петар и Павле“

Почитувани кичевчани, чест и задоволство ни е да ве информираме дека и оваа година продолжува традицијата по повод именденот на нашата Православна црква „Св.Апостоли Петар и Павле“, со тоа што по 11-ти пат, односно 11 години по ред – ќе се одржи мирна мото-парада или мото дефиле низ кичевските улици.
Настанот ќе се реализира во сабота 12.07.25 со почеток од 19:00 часот од „Полигон“ во непосредна близина на „Железничката станица“, а завршната рута е предвидена пред самиот храм.
- Оваа година овој мото-марш ќе биде посветен за „Димитар Трајчески – Дидо“, страстен поддржувач на петровденската мото-парада и учесник во сите години наназад. Реши да не чува од небесата и од таму да биде блиску до срцата наши! Токму ова дефиле ќе биде посветено за него, бидејќи мото собирите заедно со другарчињата за него беа среќа!
На крај, закажано е заедничко кафе-дружење и групна фотографија во „City Caffe“ каде домаќините ќе го резервираат паркинг просторот како и место во самиот локал за сите гости.
Да ја покажеме нашата мото и сообраќајна култура, се вози според пропишаните сообраќајни знаци, додека предводници за безбедност во сообраќајот ќе бидат полициски службеници од ОВР Кичево.
Повторно кичевчани ќе имаат прилика да го проследат продефилирањето на разновидните мотоцикли низ нашиот град, како симбол и најава за големиот празник во чест на нашата православна црква! Бидете дел и заеднички со спектакуларниот мото звук да искажеме почит кон нашите светители и кичевскиот храм, заштитник на нашиот град!
- Имено, оваа прилика ја користиме да ја известиме јавноста дека Кичевското архиерејско намесништво, за претстојниот храмов празник (патронатот на храмот и градот Кичево) посветен на светите апостоли Петар и Павле, дава благослов да се вклучат жителите и верниците на Кичево и околината, оние кои се во можност, при помош за чистење на храмот, а притоа со тоа да придонесат за чист храм по повод патронатот свети апостоли Петар и Павле, слично како што и нашите предци тоа го извршувале низ вековите.
Оваа акција ќе се одржи утре 09.07.2025 година (среда) со почеток од 09:00 часот. Тие кои сакаат и можат да бидат дел од овој вид на помош се остава на нивната слободна волја и ревност
Вечна традиција, бидете дел!
Во прилог ланската мото-парада, лето господово 2024г.
Кичево
Нова самопослужна автоперална „Fi-Go“ во Кичево: Брзо, практично и достапно решение за чисто возило

Љубителите на чисти и уредни автомобили во Кичево отсега имаат нова, модерна опција за миење и одржување на своето возило. Самопослужната автоперална „Fi-Go“ е отворена и нуди практична услуга за чистење на автомобилот во секое време – благодарение на работното време 24/7, и се наоѓа на локацијата ТУКА
Што нуди „Fi-Go“?
-
Пена: 30 секунди за 10 денари – за ефикасно нанесување на средство за чистење и отстранување нечистотии.
-
Вода: 60 секунди за 10 денари – за темелно испирање на возилото.
-
Правосмукалка: 45 секунди за 10 денари – за брзо и прецизно чистење на ентериерот.
Начини на плаќање
Плаќањето е лесно и достапно за сите – се прифаќаат монети, книжни пари.
Зошто да ја изберете „Fi-Go“?
-
Брзина: За само 10 минути можете целосно да го освежите автомобилот.
-
Флексибилност: Работи 24 часа, секој ден во неделата.
-
Едноставност: Лесно ракување со апаратите и брза услуга.
Ако сакате вашето возило секогаш да биде чисто без да трошите многу време и пари, „Fi-Go“ во Кичево е идеалниот избор. Посетете ја и уверете се во квалитетот на услугата!
-
Кичево16 часа
Вчера во Кичево при засилена акциска контрола на МВР изречени 86 санкции во еден ден
-
Хороскоп1 ден
Хороскоп за четврток (10 јули)
-
Временска прогноза1 ден
Од ноќеска брз продор на засилен ладен ветер, кој создава дополнителен проблем со пожарите
-
Временска прогноза2 дена
Пред нас ладен бран на Балканот, на Алпите веќе е опснежено!
-
Македонија12 часа
(ФОТО) МВР: Фатени тројца малолетници, со бензин, петарди и запалка
-
Хороскоп3 часа
Хороскоп за петок (11 јули)
-
Скопје1 ден
Повторно целосно прекинат сообраќајот кон Граничниот премин Блаце поради пожар
-
Скопје9 часа
Лишени уште две лица во Скопје, фатени како предизвикуваат пожар