Мувлата во домот не е само нешто што изгледа лошо на ѕидовите – таа може сериозно да му наштети на вашето здравје. Кашлање, алергии, иритации на кожа, очи и дишни патишта… и се’ тоа поради нешто што можеби несвесно го правите секој ден. Да, дури и кога мислите дека си го правите домот покомфорен, можете да ѝ создадете совршени услови на мувлата да „се прошета“ низ ќошињата.

Еве кои три навики најчесто водат до појава на мувла – и зошто треба да ги смените уште денес:

1. Сушење облека во дневна соба? Сериозна грешка.
Звучи практично, особено кога надвор е ладно или врне, но сушењето алишта внатре – особено на радијатор – всушност ја преполнува просторијата со влага. Секоја маица, секоја панталона испушта влага која останува „заробена“ во воздухот и полека почнува да кондензира. Резултатот? Ѕидовите се навлажнуваат, аглите добиваат темна нијанса и непријатен мирис се шири низ домот.

Совет: Кога времето дозволува – сушете надвор. Ако не, барем поставете одвлажнувач до алиштата. Ќе забележите разлика за само неколку дена.

2. Пареа, пареа, пареа – а прозорците затворени.
Готвите, се туширате, грее вода во котелот… и сето тоа ослободува пареа која останува заробена ако просторијата не е проветрена. И токму таа влага ја создава онаа леплива, топла атмосфера во која мувлата „цвета“. Особено во бањи и кујни каде што влажноста е секојдневие.

Совет: Не чекајте мувлата да се појави – отворајте прозорци после туширање, готвење или перење садови. Доволно се 10 минути свеж воздух дневно за да спречите вистински проблем.

3. Претопло? И тоа може да создаде проблем.
Да, звучи чудно, но прегревањето на просториите не ја суши влагата – туку ја „држи“ во воздухот. Топлиот воздух задржува повеќе влага, што создава идеални услови за мувла. Плус, ако воздухот е веќе влажeн, потешко се загрева. Значи – повисоки сметки, поголем конденз и… мувла.

Совет: Наместо да ја зголемувате температурата, подобро справете се со изворот на влагата. Проветрувајте, користете одвлажнувачи и не го претерувајте со грејњето.

Малку навика, малку внимание – и нема да видите мувла со месеци.
Контролата на влажноста е клучот. Малите промени во секојдневието ќе го направат вашиот дом поздрава и почиста средина. Не чекајте ѕидовите да ја кажат последната – реагирајте на време.

Извор: Vecernji

Додека некои сметаат дека пеглањето е терапевтско, многумина сметаат дека е исклучително здодевна активност.

Но, верувале или не, можете да ја олесните оваа задача или дури и да се ослободите од неа.

Еден генијален трик за кој се зборува на интернет ќе ви помогне целосно да заборавите на пеглата, а најдобро од сè, не треба да вложувате никаков труд и време.

Имено, доволно е да направите две-три топчиња од алуминиумска фолија и да ги ставите во машина за перење или сушење, пренесува RadioS.

Трикот со топката од фолија во машината функционира затоа што топчињата ќе ви помогнат подобро да се вртат и перат вашите алишта и да го спречат таложењето статички електрицитет во машината за сушење. Велат дека нема да ви треба ни омекнувач.

/RadioS

Одводите, одводите и канализационите цевки генерално не се многу пријатни места, барем од човечка перспектива. Да бевте габа, од друга страна, ќе бевте воодушевени.

Една од причините зошто одводите се толку одбивни, исто како валканите сунѓери и други слични прибори, е токму тоа што тие се одлично живеалиште за непријатни и штетни микроби.

Во новото истражување, научниците од Универзитетот во Рединг длабоко нурнаа во матниот екосистем со испитување на повеќе од 250 канали за тоалети на универзитетскиот кампус. Примероците биле земени со помош на стерилни памучни брисеви, а со екстракција на ДНК од нив, ги откриле микробите кои живеат во одводите.

Резултатите откриле мувлосана џунгла од разни габи, нешто како прашума во одвод.

Иако на такво место се очекуваше богат микробен живот, научниците беа изненадени од количината на габи. Тие се различни, а сепак многу слични едни на други.

Во одводот се пронајдени 375 видови габи. И покрај таквата разновидност, габичните заедници покажаа извонредна сличност во научните профили – видовите и изобилството не се разликуваа многу во примероците земени од сите локации. Научниците забележале дека не можат да објаснат што ја предизвикува сличноста, но претпоставуваат дека станува збор за сличност во користењето на тоалетите во таа конкретна заедница. Имено, повеќето мијалници се користат за миење раце.

Студијата покажа дека мијалниците не се само добро место за живеење на микробите, туку и место за размножување на мувла и други габи, преку кои болестите потоа полесно се пренесуваат меѓу луѓето, пишува Science Alert.

Научниците веруваат дека нивното откривање на опасностите во одводите може да им помогне на луѓето со намален имунитет да ја намалат можноста за инфекција.

Високата содржина на влага, брзите температурни промени, високата pH вредност во детергентите и акумулацијата на органска материја се идеални живеалишта за габите. Тие се многу отпорни, особено затоа што мора да се навикнат на промени, како топла и ладна вода.

/n1info