Во пресрет на натпреварот Македонија – Лихтенштајн (22. март, Вадуц), воведен од квалификациите за Светското првенство 2026, македонскиот репрезентативец Јован Манев зборуваше за претстојниот предизвик, но и за тешките моменти низ кои поминува тој и целата нација по големата трагедија што ја потресе јавноста.

Со емоции, тој истакна дека доколку добие шанса ќе даде се од себе на теренот, посветувајќи го настапот на оние кои повеќе не се со нас.

– Јован Манев: „Ова се многу тешки денови за мене и за сите нас, изгубивме сите блиски пријатели, но тие би сакале да продолжлиме и да бидеме овде, да се бориме за нашата земја, за нашата репрезентација. Ќе ни недостасуваат засекогаш и никогаш нема да бидат заборавени и затоа ако ми се укаже шанса и исто и на моите колеги ќе го дадеме максимумот во спомен за сите нив.

И ова е шанса да покажеме карактер и сплотеност сите заедно и така да постигнеме резултати најпрво за нив.“ 

Македонската фудбалска репрезентација ги започна претстојните подготовки и нови предизвици со срце исполнето со болка и спомен ја споделуваме тагата со семејствата и блиските на настраданите.

Обединети во тагата, со молитви жртвите да почиваат во мир, истакнаа на својата социјална мрежа.

Длабоко сме потресени од трагичната несреќа во Кочани во која настрадаа многу млади луѓе. Во овие тешки моменти, нашите мисли и молитви се со семејствата и блиските на настраданите.

Изразуваме најискрено сочувство и поддршка.

Фудбалската федерација на Македонија ги одложува денешните натпревари во сите конкуренции, истакнаа од „Куќата на фудбалот“ и претседателот Масар Омерагиќ за јавноста.