Вчера вечер беше вистински празник за жителите на с. Србјани – кичевско кои не го криеа нивното задоволството од убавината на Крстот кој го осветли селото. Имено по неколку месечна работа на младите луѓе во с. Србјани кои се дел од Црковното настојателство и со огромна поддршка на жителите и неколку компании, вчера вечер заврши целосната изградба на Крстот кој за прв пат блесна во оваа област.

Крстот е висок 12 метри, поставен на бетонски постамент во дворот на Храмот „Св. Ап. Петар и Св. Павле“ со висина од 0,5 метри, со 6 метри распон на краците (3 метри секој крак) и широк 1 метар. Во Крстот е вградена железна конструкција од 1.4 тони. Во основата има 4 винкли со длабичина од 1 метар, вградени 10 кубни метри бетон и 500килигорами железна арматура.  Што се однесува до осветлувањето, светиот Крст е осветлен со 75 метри лед светло кој на вечер му дава посебен изглед од далечина.

Иницијативата за изградба на Крст ја започнаа шест млади лица која веднаш се прифати и се подаде огромна поддршка од страна на жителите на Србјани и Кичево и истите активно се вклучија во изградбата.

За нашиот портал тие изјавија дека за скоро време ќе биде осветен Крстот, по што најавија голема манифестација по тој повод. Исто така истакнаа дека тука не застануваат, ова е само почеток , па затоа ги повикуваат сите граѓани од Кичево без разлика на верска и национална припадност, доколку имаат желба активно да се вклучат во работата за да го разубават Храмот кој го краси Србјани, да ги контактират членовите на Црковното настојателство или било кој Православен жител на Србјани за понатамошни информации.

Секоја чест добри луѓе!