Кичево
По повод „Божик“ во Кичево се организира хуманитарен настан „Црвен тепих на Хуманоста“ – полна трпеза за секое социјално загрозено семејство!

Почитувани, во пресрет на претстојниот празник – „Христовото раѓање“, за кој секоја година се организираа „Бадниковите поворки“, оваа година со оглед на состојбата со Коронавирусот истите неможат да се спроведат, но ќе се потрудиме како и секогаш истите поворки да донесат радост, да принесат љубов во текот на празничниот период.
За таа цел во вторник и среда ( 28.12 и 29.12.2021 ) во тие денови од 11:00 до 18:00 часот организираме настан „Црвен тепих на Хуманоста“ кој ќе биде поставен на градскиот плоштад, веднаш до „Божиќната пештера“ – која стана традиционален украс на градот, место каде што сите хумани граѓани ќе можат да оставаат донации од храна и намирници за помош на социјално загрозените семејства.
Потребно е донациите да бидат составени од нерасиплива храна, која што ќе биде поделена на семејства во текот на празничните денови, пред претстојниот празник „Христовото раѓање“.
Сметаме дека на овој начин преку организирање на ваков хуманитарен настан ќе помогнеме барем во текот на празничните денови сите семејства да имаат доволно храна и да можат радосно да го дочекаат најголемиот празник.
Воедно упатуваме апел до сите поголеми фирми како и нашите иселеници да земат учество во хуманитарната акција сѐ со цел да се соберат што е можно повеќе донации за да може да се помогне секаде каде што е најпотребно.
За сите ваши дополнителни прашања во врска со настанот може да се обратите кај еден од организаторите на тел. 076/824-325 – „Роденденски Пињати“
Празникот на надежта и љубовта кога цела вселена се радува и возобновува нека ги стопли вашите срца и ја побуди хуманоста кај секој од нас. Затоа во вторник и среда ( 28.12 и 29.12.2021 ) сите патишта нека водат до градскиот плоштад во Кичево.
Ајде да бидеме ХУМАНИ !
Кичево
Вечерва во НУЦК „Кочо Рацин“ прва изложба на кичевчанецот Зоран Здравески насловена како „Железна поезија“, вечер на креација, инспирација и разговори

Вечерва со почеток од 19:30ч во фоајето од Центарот за култура „Кочо Рацин“ – Кичево ќе се одржи изложбата „Железна поезија“ на Зоран Здравески. Роден во Кичево на 17 јануари 1975 година. Завршил средно образование како машински техничар, а професионално е ангажиран во приватна фирма специјализирана за метал и обработка на метал.
Паралелно со работата, неговата страст е изработката на железни скулптури. Контраст меѓу студеното и топлото металот е „ладен”, а уметноста му дава „топлина”.
Тој контраст создава поезија што се чувствува без зборови. Со еден збор, „Железна поезија” кажува дека уметноста може да направи и најцврстиот материјал да пее.
Екипата на Порта.мк му честита за првата негова изложба, со надеж за уште поголеми проекти во иднина. Повелете и дадете поддршка со вашето ценето присуство на една поинаква уметничка вечер исполнета со креација, инспирација и разговори.
Кичево
ЕВН: Времен прекин на електрична енергија утре во следните кичевски места

Како што информираат од ЕВН, поради зафати на електродистрибутивната мрежа утре 12.09 – петок, „ЕВН КЕЦ Кичево“ ќе работи на терен, така што прекини во снабдување на електрична енергија ќе имаат домаќинствата и објектите на следните места од град Кичево:
КИЧЕВО | Ресторан и Маркет Атва (пожарна), Сетек, Стокомак, Скопска Пивара, Магацин за пелети, Синдикат ССМ и околните објекти | 12.09.2025 08:30 | 12.09.2025 15:30 |
- Напомена: Времетраењето „од-до“ може да зависи од ефикасноста на работата.
Кичево
Денес е 11-ти септември – Ден на ослободувањето на град Кичево, далечната 1943, пред 82 години станува првоослободениот град во Македонија

На денешен ден, 11 септември 1943, пред точно 82 години по капитулацијата на Италија во Втората светска Војна, партизанските единици по жестоки борби го ослободуваат градот Кичево. Со тоа Кичево стана првоослободениот град во Македонија. Ова е првото ослободување на Кичево кое во наредните месеци уште неколку пати ќе биде окупирано и ослободувано. Во градот била формирана народна власт во која учество зеле претставници од сите националности кои живееле во градот.
За прв пат на дело се почувствувала заедничката слобода. На 26 септември е одржан голем народен митинг. Куриозитет е тоа што на балистичките водачи им била простена соработката со италијанските и германските фашисти и дури им било доверено чување на границата кон тогашна фашистичка Бугарија во околината на Бигор Доленци. Лојалноста на овие единици била многу кратка…
За помалку од еден месец од правец на Гостивар започнува масовен германски напад кон слободната територија која е бранета на планината Буковиќ од малубројната силномотивирана чета на чело со Мирко Милески која во таа прилика е збришана. Предадени и изневерени од страна на балистите и со поддршка на бугарската авијација, партизаните се повлекуваат кон Копачка, а Кичево е повторно окупиран.
Тука, во Кичево, беше родена слободна Македонија, земја на рамноправните и слободољубиви луѓе. Вечна слава на хероите кои беспоштедно влегоа во борба и го направија големиот подвиг со кој се навести конечното ослободување на Македонија.
-
Хороскоп2 дена
Хороскоп за понеделник (15 септември)
-
Хороскоп23 часа
Хороскоп за вторник (16 септември)
-
Македонија1 ден
Од ноќеска цените на горивата се намалуваат
-
Здравје и убавина1 ден
Единствен рецепт за појак имунитет
-
Скопје12 часа
(ВИДЕО) Снимка од подметнувањето на пожарот во Пинтија, каде ние човечноста?!
-
Временска прогноза2 дена
Од денес ќе дува засилен ветер од северен правец, додека времето ќе биде стабилно
-
Македонија9 часа
Министерството за одбрана, петта година по ред ги задржа максималните 100 % активна транспарентност и е практично најтранспарентна институција во државата
-
Скопје1 ден
(ВИДЕО) Уништени над 4 тони и 18 илјади стебла марихуана и повеќе од 21 килограми друга дрога