На 24.05.2025 во 12 часот на ул.„Брегалничка“ во Штип, полициски службеници од СВР Штип го лишија од слобода Т.Н.(44) од с.Уларци, oпштина Чешиново-Облешево.

При контрола во патниот сообраќај, полициските службеници сопреле патничко возило „опел“ со скопски регистарски ознаки, кое го управувал T.Н., и по преземени мерки било констатирано дека е под дејство на алкохол, односно дека има 2,10 промили алкохол во крвта, по што веднаш бил исклучен од сообраќај и задржан во полициска станица.

По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.

На 23.05.2025 во 11.43 часот во СВР Штип е пријавено дека на ул.„Вера Циривири Трена“ во Штип настанала експлозија од плинска боца во стан сопственост на П.Р. (70), при што од притисокот врата и прозорец биле исфрлени од станот и паднале врз паркирано патничко возило „југо“.

– Од експлозијата сопственичката се здобила со повреди и била пренесена во Клиничката болница Штип за укажување на лекарска помош.

Извршен бил увид од увидна екипа на СВР Штип, известуваат од МВР во дневниот билтен за јавноста.

На 21.05.2025 во 15.10 часот на булевар „Македонски просветители“ во Охрид, полициски службеници од СВР Охрид го лишија од слобода Р.Б.(70) од Скопје.

Тој бил баран по централна потерница врз основа на наредба од Основен кривичен суд Скопје за издржување затворска казна од две години за сторени повеќе кривични дела „кражба“ по член 235 од Кривичниот законик.

Лицето е спроведено во Казнено-поправната установа Затвор Идризово за издржување на казната, истакна Стефан Димоски, портпарол на СВР Охрид.