Денес во касарната „Чеде Филипоски – Даме“ – Кичево со воена свеченост припадниците од 1. пешадиски баталјон (1.пб), од 1 пешадиска бригада (1. пбр) традиционално го одбележаа 21-ви Мај – „Денот на Единицата“, која ги продолжува традициите на формирањето на Кичевско-Мавровскиот партизански одред.

Во текот на одбележувањето на денот со пригодни говори и честитки на свеченоста, се обратија командантот на 1.пб потполковник Зоранче Ристовски и командантот на 1.пбр бригаден генерал Сашко Лафчиски. Командантите во своите говори се навратија на историјата на единицата, ангажирањето во изминатиот период, сегашните ангажирања и активностите кои претстојат во наредниот период.

За подготвеноста, професионалноста и постигнатите резултати за најдобар вод беше прогласен извидничкиот вод, од комамндна чета, од составот на баталјонот, доделени беа и стимулативни мерки на персоналот кој најмногу се истакна во изминатиот период.

– Во пресрет на денот на единицата во соработка со Црвениот Крст и одделот за трансфузиологија реализирана беше крводарителна акција со која што персоналот доброволно даруваше крв, дарувани се 97 единици на крв.

На манифестацијата исто така со свеченост беа доделени плакети, благодарници и награди за пензионираните војници (старешини) Зоран Божиновски и останатите колеги, потполковникот Ристовски, како и бригадниот генерал Лафчиски им посакаа долги пензиски денови, во многу здравје, среќа и бериќет.

На самиот крај, одбележувањето заврши со реализација на тактичко технички збор (ТТ-збор) во неколку работни точки, на кој присутните гости, со разгледување имаа можност да се запознаат со дел од вооружувањето и опремата со кои е опремена единицата.

Нашиот медиум како и секоја година редовно е почестен со покана за овие величествени настани, така што овогодишниот 21-ви Мај – Денот на единицата ви го пренесуваме преку фотографија:

Д.Б.

Добредојде за ПЗУ „Д-р Крсте Трајковски“, приватна здравствена установа која се наоѓа на ул. „Пиринска“ бр. 13 – Кичево. Специјализиран објект со работно време од 08:00 до 16:00ч, за викенд достапни само за итна интервенција. Најсовремените апаратури на ЕКГ, отоскопија и офталмоскопија, нуди соодветна дијагноза и третман на најразлични болести кај пациенти од најмала до најстара возраст.

За себе велат дека особено внимание посветуваат на превенција, дијагноза и третман на болести кај најмладата педијатриска популација, секогаш тука за сите пациенти, реализација на домашни посети за бебиња и постари пациенти кои имаат терминален стадиум на тешки болести.

Д-р Трајковски кој веќе е активен лекар по семејна медицина повеќе од 14 години во Кичево е вистинското решение за вашето здравје, контакт тел: 070/841-914

Во прилог, мал дел фотографии преку нашиот објектив:

Кичевските матуранти, генерација 2020-2024 денес со веселба и дефиле го завршија и последниот училишен ден како средношколци. Тие најпрво во дворот на гимназијата со развиорени знамиња заиграа оро и пееја песни, со што ја заокружија четиригодишната дружба од средното образование.

п.с. Забележливо е дека кај младите се враќа трендот на прославување со македонски знамиња, нешто што во изминатите години беше подзаборавено. Секоја чест!

– Апел да внимаваат денес на својата и на безбедноста на сите други граѓани, да се памети и оваа година по убави спомени вашата матура!

Видео:

Среќно понатаму, ПортаМК вечерва ви посакува да си поминете најубаво!

Повеќе фотографии ТУКА :