Следете не

Спорт

Кичевчанецот Дејан Милошевски повторно во најдобрите 16 карате судии во САД, претходно беше избран за член на судиската карате комисија на и одговорен за 12 држави

Објавено пред

на

©porta.mk

Изминатиов викенд 1-2 февруари во Денвер Колорадо се одржа изборен натпревар за членови на америската сениорска карате репрезентација за 2025. Само 16 судии беа официјално поканети од вкупно 280 национални активни карате судии, меѓу кои и нашиот светски македонски карате судија Дејан Милошевски. Тој беше избран и за член на Комисијата за жалби, одговорна за решавање на сите карате протести на овој натпревар.

– „Натпреварот започна со дисциплината кати, каде евалуацијата на перформансите во кати беше оценета од страна на 5 или 7 ката судии со помош на електронскиот спортдата систем. За судењето на борбите се користеше истиот систем со помош на џојстик со кој електронски секој судија ги регистрираше поените. Овој систем се користи на сите официјални интернационални натпреварувања во организација на СКФ“.  Ова ми е втора година по ред да бидам дел од овој тим. Навистина голема благодарност до претседателот на Карате федерацијата на САД за укажаната доверба. Во историјата на САД, да се биде првиот Македонец во најдобрите 16 карате судии и член на Судиската комисија претставува огромно признание и чест за мене и за нашата македонска диајспора.

До сите што се стремат кон своите соништа: Верувајте во себе – она што изгледа невозможно може да стане реалност“ – додаде популарниот каратист.

Инаку, токму на 28 декември 2024 година Карате Федерацијата на САД (USA Karate) објави на својата официјална страница дека во 2025 година ќе воведе структурни измени во националнaтa судискa програмa. Дел од овие промени е и назначувањето на нашиот светски познат македонски карате судија, Дејан Милошевски, како асистент на главниот судија за Регион 4 – што опфаќа 12 држави.

Според соопштението од Карате Федерацијата на САД, се истакнува дека промените во националнaтa судискa програмa се насочени кон зголемување на професионалноста и ефикасноста во судиската работа. Дел од овие промени вклучуваат нови раководни улоги и појасно дефинирање на регионалните одговорности. Визијата е да се работи на усовршување на националниот судиски систем, преку поддршка на младите судии и организација на натпревари во рамките на своите региони. Дејан Милошевски има огромно меѓународно искуство како судија на Светската карате федерација (ВКФ) и Европската карате федерација (ЕКФ) го прави идеален избор за оваа позиција, со што уште еднаш се потврдува неговата посветеност и неговиот квалитет во светот на карате спортот.

„Од самиот почеток беше навистина предизвик за мене да успеам да се вбројам меѓу најдобрите судии во САД. Неколку години навистина се посветив да бидам присутен на сите натпревари на оваа страна од светот и гордо да ја претставувам Македонија. Во 2023 бев и првиот Македонец во карате историјата на САД и Македонија да бидам член на судискиот тим во избор на националниот тим на САД, но и да бидам прогласен за македонски карате амбасадор. Предизвикат беше огромен тргнувајќи од фактот дека сум заборавен изминативе 6 години и немам никаква подршка ни признание за моите успеси од Македонската карате федерација. Успесите надвор од државата никој не може да ги избрише и ќе останат да сведочат дека со работа, посветеност и професионалност може да се успее. На крај голема благодарност до Карате федерацијата на САД за укажаната доверба и нивната континуирана поддршка“, за јавноста преку интегрален текст истакна кичевчанецот Дејан Милошевски.

Со ова назначување Милошевски ја продолжува својата мисија за унапредување на каратето и афирмацијата на македонските спортски амбасадори на меѓународната сцена.

Д.Б.

Спорт

Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација

Објавено пред

на

ФОТО: приватна архива / Дејан Милошевски

Дејан Милошевски од Кичево, Македонија доби највисока судиска лиценца од Панамериканската Карате Федерација и практично се здоби со најголемиот историски успех за македонец кој живее во Америка.

Кога решителноста го надминува системот, се создаваат вистински херои. Тоа најдобро го покажа Дејан Милошевски, Македонец кој живее во САД, со своето постигнување на Панамериканското карате првенство кое неодамна се одржа во Монтереј, Мексико.

На најмасовното првенство досега, со учество на 563 натпреварувачи од 28 држави, за првпат беа вклучени и категории како У21 и Пара Карате. Во таква конкуренција, Милошевски влезе во историјата како првиот Македонец што ја освои највисоката судиска лиценца – „Referee A“ – од Панамериканската Карате Федерација (PKF). Ова признание е едно од најценетите во светот на карате судењето и се добива по долги години работа и стекнување неколку пониски лиценци.

Особено впечатливо е што Милошевски не само што ја доби највисоката лиценца директно, туку тоа му беше одобрено лично од претседателот на федерацијата – нешто што досега не се случило. Дополнително, на теоретските тестирања постигна 100% точност – резултат кој никој друг од 105 кандидати не успеа да го повтори. Освои и лиценца за кати, со што стана првиот Македонец со истовремена европска и панамериканска судиска лиценца.

Овој успех следи по неговото враќање на натпреварувачката сцена на USA Open 2025, по неколкугодишна пауза. Сето ова го постигна без никаква поддршка од Карате федерацијата на Македонија.

„Се подготвував со срце и цел. Сакав да покажам кој сум и од каде доаѓам. Судев финалиња со гордост и секогаш велев: Јас сум од Македонија. Сега, после ова првенство, секој во PKF знае каде е Македонија“ за Порта.мк изјави Милошевски.

Имено неговиот успех не е само лична победа – тоа е инспирација за сите млади спортисти. Тоа е доказ дека со посветеност и вера во себе, можеш да стигнеш до врвот, дури и без поддршка од системот, додека тој вели „Никој не може да ти ја одземе светлината што сам ја создаваш со својот успех. Таа светлина ќе ги осветлува патиштата на сите што ќе дојдат по тебе.“

Честитки Чобачо!

Прочитај повеќе...

Спорт

Новак Ѓоковиќ го победи Корентин Муте во третото коло на „Ролан Гарос“

Објавено пред

на

ФОТО: Unsplash.com

Новак Ѓоковиќ обезбеди место во третото коло на Ролан Гарос со сигурна победа против домашниот играч Корентен Муте, совладувајќи го во три сета – 6:3, 6:2, 7:6 (7:1). Иако натпреварот почна со мали осцилации, српскиот ас брзо го презеде водството и најголем дел од мечот го имаше под контрола.

Во првиот сет, иако го загуби својот сервис рано, Ѓоковиќ веднаш возврати со рибрејк и до 2:2 играта беше израмнета. Потоа тој забрза темпо, освои четири од следните пет гема и без многу проблеми го освои сетот. Неговата прецизност, стабилната одбрана и разновидноста во ударите беа пресудни во овој дел од мечот.

Во вториот сет, Ѓоковиќ уште повеќе ја зацврсти својата игра. Направи рано брејк и брзо поведе со 5:2. Иако Муте се обиде да ја задржи борбеноста, неговите бројни грешки и одличната тактика на Новак му донесоа нов сет без голема драма.

Третиот сет беше далеку понеизвесен. Французинот, охрабрен од домашната публика, заигра поангажирано и во еден момент дури дојде до предност од 4:2. Ѓоковиќ, и покрај проблемот со левото стапало кој го натера да побара медицински тајм-аут, успеа веднаш да се врати во игра со брејк без загубен поен.

До крајот на сетот се водеше голема борба. Муте имаше моменти на инспирација и ја крена публиката со неколку спектакуларни потези, но Новак остана ментално силен и стабилен во клучните моменти. Во тајбрејкот покажа зошто е еден од најголемите – играше беспрекорно и го освои со убедливи 7:1.

Со оваа победа, Ѓоковиќ уште еднаш докажа дека знае како да се справи со притисокот, дури и кога не е на 100% физички.

Следен противник ќе му биде или Шаповалов или Мишолиќ, а според сè што покажува, неговата форма оди во нагорна линија како што турнирот се одвива.

Прочитај повеќе...

Спорт

Да ја бодриме Македонија! Од денес на продажба тикети за мечот Македонија – Белгија закажан за петок

Објавено пред

на

©porta.mk

Од денес со почеток во 18:30 часот, започнува продажбата на билети за натпреварот помеѓу Македонија и Белгија, кој ќе се одигра на 6 јуни во 20:45 часот на Националната арена „Тодор Проески“ во Скопје, како дел од квалификациите за Светското првенство 2026.

Билетите, како што известуваат од ФФМ ќе бидат достапни по цени од 300, 400 и 500 денари, а сите фанови и поддржувачи на македонската репрезентација можат да ги набават преку интернет платформата:

https://eticket.ffm.mk/.

Процедурата за купување е едноставна:

  1. Посетете ја веб-страницата https://eticket.ffm.mk/
  2. Изберете го натпреварот
  3. Одберете го вашето место
  4. Направете уплата
  5. Преземете го дигиталниот билет

Ајде за Македонија! Повик до сите љубители на фудбалот да присуствуваат со спортски дух и коректно навивање да ја поддржат нашата репрезентација во борбата за позитивен резултат против една од најсилните селекции во светот.

Напред МАКЕДОНИЈА! 🇲🇰

Прочитај повеќе...

Facebook

Последни објави

Хороскоп4 часа

Хороскоп за сабота (31 мај)

ОВЕН Денот е идеален за решавање на сите незавршени работи како и за дискусии поврзани со финансиски проблеми со личност...

Спорт7 часа

Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација

Дејан Милошевски од Кичево, Македонија доби највисока судиска лиценца од Панамериканската Карате Федерација и практично се здоби со најголемиот историски...

Кичево7 часа

Предмалку на „11-ти септември“ во Кичево се случила сообраќајка помеѓу две патнички моторни возила, причинета е само материјална штета

Предмалку на ул. „11-ти септември“ во Кичево се случила сообраќајна несреќа помеѓу патничко моторно возило „бмв“ и „голф“ со кичевски...

Мобилни уреди10 часа

Компанијата „Realme“ спрема мобилен уред со „џиновска“ батерија?

Компанијата Realme неодамна ја претстави својата напредна батериска технологија, но на промоцијата на моделот GT 7 во Париз сепак не...

Македонија13 часа

Граѓани најавија протест за изборот на митрополит на Дебарско-кичевската епархија, велат: „МПЦ-ОА има Устав, со критериуми“

Во сабота на 31 мај, со почеток во 12 часот, закажан мирен народен собир на плоштад Македонија во Скопје. Настанот...

Македонија13 часа

Пронајдено товарното возило од АРМ кое пред еден месец беше пријавено за одземено од авто сервис

На 29.05.2025 во 11.14 часот во СВР Скопје од АРМ е пријавено дека на паркинг простор на подрачјето на Кисела...

Временска прогноза21 час

Конечно убави вести за временската прогноза, еве кога доаѓаат летните температури

Територијата на Република Македонија во периодот од 2 јуни (понеделник) па се до 8 јуни (недела) ќе биде зафатена од...

Хороскоп1 ден

Хороскоп за петок (30 мај)

ОВЕН Морате да научите дека не можете да имате контрола врз се околу вас. Да се биде одговорен е добро...

Спорт1 ден

Новак Ѓоковиќ го победи Корентин Муте во третото коло на „Ролан Гарос“

Новак Ѓоковиќ обезбеди место во третото коло на Ролан Гарос со сигурна победа против домашниот играч Корентен Муте, совладувајќи го...

Мобилни уреди1 ден

Дали „Apple“ спрема два различни модели за новата генерација на „iPhone 17“

Apple се чини подготвува два сосема различни модели за новата генерација на iPhone 17, кои ќе одат во спротивни насоки...

НАЈЧИТАНИ