Магазин
Денес е 8-ми март, меѓународниот ден на жената. Со најубава порака покажете го вашето внимание. Честит празник дами!

Денеска е 8-ми март, меѓународниот ден на жените кој се празнува секоја година. Овој празник настанал како резултат на борбата за економска, политичка и социјална рамноправност на мажите и жените. Сакајте ги, почитувајте ги и честитајте им го денешниот ден на вашите најмили со некои од овие пораки со кои ќе им го покажете вашето внимание:
● Многумина ќе ти посакаат брдо убави нешта, но ретко кој ќе се потруди тоа да ти го исполни! Јас ќе ти посакам само онолку колку што ти е потребно за да бидеш среќна… Среќен 8ми март!
● Во твојот мобилен телефон залутала порака каква овие денови сигурно не си видела….. а таа гласи: Среќен 8ми март!
● Да се биде жена е ужасно тешка задача, ако се има во предвид дека истата опфаќа константно соочување со мажите… Но, ти благодарам што си моја жена! Среќен ти 8ми март!
● Нека овој ден биде само твој, нека сонцето само за тебе сјае, не затоа што си жена, туку затоа што си единствена, поинаква од сите… Среќен 8ми март!
● Ти испраќам ѕвезда со најубав сјај, ти испраќам среќа без крај, ти испраќам сон исполнет со љубов и најубавите желби за денешниот ден! Среќен 8ми март!
● Твојата љубов е како искра која што го осветлува мојот свет! Најсакана, сакам да ме водиш низ целиот мој живот! Среќен 8ми март!
● Оваа порака ја пренесува сета мојата среќа и доброто расположение! Барем на момент уживај во чувството дека некој постојано мисли на тебе! Среќен 8ми март!
● Те сакам што си најубава бајка и што си родена да бидеш токму моја мајка… Среќен 8ми март!
● Нека среќата ти стане стварност, а здравјето нека биде трајност, нека љубовта твоето срце го грее и секоја исполнета желба нека ти се насмее! Среќен 8ми март!
● Те сакам затоа што си мојот живот и токму тебе ти го должам целиот мој успех, не само на овој ден, туку и на секој друг, за нас посебен! Среќен 8ми март!
● Ова е убава порака, пишувана со убави букви во еден убав ден и истата е испратена во најубавата минута, а може да ја добие само најубавата личност на овој свет! Среќен ти 8ми март убавино!
● Чувствувај се посебно, единствено, најпрекрасно… Ова е твојот ден! Среќен ти 8ми март!
● Ти благодарам што нашиот дом го правиш најпрекрасното место за живеење во светот! Среќен 8ми март моја најсакана!
● Мојот свет е прекрасен поради тебе и посакувам секој ден од остатокот од животот да го поминам сакајќи те! Среќен 8ми март!
● Да бидеш полна како брод, да ги фрлаш сите мажи на под! Ти си риба, тие се шкарт – Среќен ти 8ми март!
● И на крајот онаа наједноставната, а за многумина и најдрага: Среќен 8ми март!
● Што и да се случува, една жена никогаш нема да биде заборавена и вечно ќе живее во моите срце и душа. Среќен празник, мамо!
● Нека овој ден ти биде посебен, сонцето постојано да те грее, не затоа што си жена, туку затоа што си единствена и поразлична од другите! Среќен 8-ми март!
● Нека секој следен ден ти биде подобар, сите желби остварени, и не заборавај на сонцето дури и тогаш кога истура дожд. Среќен празник!
● Те сакам затоа што си најдобра, полна со разбирање и издржливост. Горда сум што си ми мајка. Среќен 8-ми март, мамо!
● Ти испраќам ѕвезда со најубав сјај, многу среќа и бакнежи исполнети со љубов. Најубави желби за овој ден, среќен празник!
● Секоја добрина која ја даруваш нека ти се врати во поголема мера, нека љубовта биде твоја водилка низ животот и уживај не само денес, туку и секој нареден ден. Среќен 8-ми март!
● Сѐ додека Земјата се врти, јас ќе те сакам. Сѐ додека сјаат ѕвездите, јас ќе внимавам на тебе, а секое наредно утро ќе ти покажувам колку повеќе ми значиш! Среќен празник!
● Среќен празник на најубавата, најуспешната и најинтелигентната жена. Секогаш стреми се кон иднината и нека те пратат само убави моменти!
● Уживај во сознанието дека ги имаш најблиските до себе и чувството дека некому си му целиот свет. Секогаш имај на ум дека некој те сака и внимава на тебе. Среќен 8-ми март!
● Исполни ги годините со живот, а не животот со години. Запамети дека ти си достојна за внимание секој ден, а не само еден ден во годината. Уживај во својот живот, среќен празник!
Хороскоп
Хороскоп за четврток (23 октомври)

Овен
Не сте многу посветени и само онака ги завршувате работите. Колегите и надредените можат да ви замерат поради тоа.
Расположението на саканата личност е во спротивност со вашето. Како да сакате исти работи, но во различно време.
Исцрпени сте.
Бик
Се јавуваат компликации кај вас на работа, но тоа не ве чуди. Како да го очекувавте ова.
Мирот и сигурноста од саканата личност ви влеваат верба во љубовта, но и сила.
Покачена температура.
Близнаци
Денеска е поволен ден кога станува збор за финансиите. Можете да очекувате позитивен исход во решавање на проблемите.
Се јавува можност за нова врска, но вие не сте сигурни што сакате.
Внимавајте во сообраќајот.
Рак
Не е добар момент за нови работи. Осигурајте се добро пред да направите нов чекор.
Иако мислите дека ситуацијата се смирила, се подготвува нова бура во вашиот однос со партнерот.
Потребна ви е релаксација.
Лав
Денеска ќе добиете важна задача која лесно ќе ја решите ако не се оптоварувате со притисокот од окружувањето.
Ќе ви пријде личност родена во знакот Лав, на која досега не сте обрнувале внимание.
Избегнувајте ги цигарите.
Девица
Ако се занимавате со приватен бизнис, ова е потежок период за вас. Денеска ви е потребна стратегија.
Загрижени сте дека вашите чувства не се возвратени во мерата која ви е потребна. Немате храброст за искрен разговор.
Поволен период за слабеење.
Вага
Ќе ви биде тешко да ја одржите концентрацијата, немојте да правите грешки.
Почувствителни сте од вообиачено и започнувате кавги без причина.
Потребен ви е одмор.
Шкорпија
Ќе се појават мали препреки кои ќе ги надминете без проблем. Денеска ќе бидете безгрижни.
Ако сте одлучни да ја освоите личноста која ви се допаѓа, подгответе се за тешка задача. Таа како да не е подготвена за сериозна врска.
Можна е несоница.
Стрелец
Успехот кој сакате да го постигнете ќе дојде само со тимска работа.
Со својата појава и ведар дух ги шармирате сите околу себе. Уживате во убавиот ден.
Здравјето е добро.
Јарец
Денеска ќе почувствувате некаков вид на олеснување. Како да попушта товарот кој го носевте досега.
Вашата верност може да биде доведена во искушение. Ни самите не знаете што да очекувате.
Би ви годела масажа.
Водолија
Поволен ден за решавање на проблемите. Конечно ќе успеете во тоа.
Можно е да сте запознале личност која е расположена за сериозна врска, но не сте сигурни колку таа е ваш тип.
Здравјето е добро.
Риби
Конечно доаѓаат подобри денови. Можно е подобрување на полето на финансиите.
Немате проблеми во врската. Конечно имате стабилен партнер.
Имате многу енергија.
Магазин
Крем супа од печурки – вкусен и лесен рецепт за топол оброк

Ако сакате нешто кремасто, миризливо и пријатно за ладните денови, оваа домашна крем супа од печурки е вистинскиот избор. Лесна е за подготовка, хранлива и богата со природен вкус на шампињони. Совршена за ручек, вечера или како предјадење.
Состојки:
-
400 г шампињони (или мешани печурки)
-
50 г путер
-
1 црвен кромид
-
2 чешниња лук
-
3 лажици брашно
-
1,2 литри супа од зеленчук (или вода со една коцка за супа)
-
200 мл павлака за готвење
-
сол и црн пипер по вкус
За сервирање:
-
свеж магдонос
-
златни топчиња за супа или крутони
-
малку павлака
Подготовка:
-
Подготовка на зеленчукот:
Исчистете ги печурките и исечете ги на тенки парчиња (околу 3 мм). Излупете го кромидот и лукот, па исечете ги на ситни коцки. -
Пржење:
Во подлабоко тавче или тенџере растопете го путерот на средна температура. Додадете го кромидот и пржете неколку минути додека не омекне и не стане светол и проѕирен. -
Додавање на печурките:
Додајте ги исечканите шампињони и динстајте ги додека не ја испуштат својата течност. -
Згуснување на супата:
Додадете го брашното и добро промешајте за да се впие течноста и да се добие мазна смеса. Тргнете накратко од оган, па постепено додавајте го зеленчуковиот фонд или супа, мешајќи постојано за да нема грутки. -
Готвење:
Вратете ја супата на оган, оставете да зоврие и варете околу 20 минути. -
Завршување:
Додадете ја павлаката за готвење, потоа варете уште 10 минути. Зачинете со сол и црн пипер по вкус. -
Сервирање:
Послужете ја топла, украсена со свеж магдонос, неколку капки павлака и златни топчиња за супа или крутони за крцкав контраст.
Совет:
Ако сакате погуст крем, можете да ја изблендирате супата со рачен блендер пред да ја додадете павлаката.
За посебен вкус, додадете неколку капки маслиново масло со тартуфи или малку рендано пармезан сирење.
Извор: Nezavisne
Магазин
WhatsApp воведува нова мерка против спам: ограничување на бројот на пораки

Популарната апликација за пораки WhatsApp воведува нова мерка за борба против спам, со која ќе се ограничи бројот на пораки што корисниците и деловните сметки можат да ги испраќаат до лица кои не им одговараат.
Овој потег доаѓа како дел од напорите на компанијата „Мета“ да го намали растечкиот број на несакани пораки и реклами што го преплавуваат сервисот.
Како ќе функционира новото ограничување?
Според новиот систем, сите пораки што корисниците или бизнисите ги испраќаат до луѓе кои не одговараат ќе се сметаат во нивниот месечен лимит.
Пример: ако испратите три пораки до некој што не реагира по деловен настан, сите три ќе се бројат во вашиот лимит.
Кога корисникот или деловниот профил ќе се приближи до тоа ограничување, WhatsApp ќе прикаже известување со бројач што ќе предупреди дека се ближи до крајниот лимит, за да се избегне блокирање на испраќањето на пораки.
Засега без прецизни бројки
Компанијата сè уште не открива точно колкав ќе биде месечниот лимит, бидејќи тестира неколку различни модели.
Мерката моментално се спроведува експериментално во неколку земји, а се очекува постепено да се прошири и на глобално ниво.
Кого ќе погоди оваа промена?
Според изјавите од „Мета“, просечните корисници нема потреба да се грижат, бидејќи многу ретко испраќаат толку многу пораки до луѓе кои не им одговараат.
Новата мерка главно е насочена кон корисници и деловни сметки што испраќаат масовни пораки – односно оние што предизвикуваат преполни инбокси со реклами и спам содржини.
Дел од поширока стратегија против спам
Ова не е прв пат WhatsApp да преземе вакви чекори.
Уште во јули 2024 година, компанијата воведе ограничувања за тоа колку пораки можат да испраќаат деловните профили, како и за емитувањето на пораки до повеќе контакти одеднаш.
Целта на овие мерки е да се намали презаситеноста со несакани пораки, а корисниците да продолжат да добиваат само важни и релевантни известувања.
Ограничувањата се шират во повеќе земји
„Мета“ потврди дека тест фазата ќе се прошири во повеќе од 12 земји, со цел да се утврди оптималниот модел на ограничување.
Во моментот, WhatsApp брои повеќе од три милијарди активни корисници месечно, што ја прави оваа промена една од најзначајните во последните години кога станува збор за управување со комуникацијата на платформата.
Со новите ограничувања, WhatsApp има за цел да го заштити корисничкото искуство, да ја намали појавата на спам пораки и да создаде почиста и побезбедна комуникациска средина за сите.
Извор: TPortal
-
Хороскоп24 часа
Хороскоп за среда (22 октомври)
-
Магазин2 дена
(ФОТО) По 25 години во „Бигорскиот манастир“ се враќа копаничарската колонија
-
Lifestyle1 ден
За само 10 минути, вашите фуги ќе блеснат како нови: трик што ја враќа белината без многу трошок
-
Хороскоп27 минути
Хороскоп за четврток (23 октомври)
-
Lifestyle12 часа
Најефикасниот начин за отстранување на мувла од ѕидовите, според експертите
-
Магазин12 часа
Крем супа од печурки – вкусен и лесен рецепт за топол оброк
-
Магазин12 часа
OpenAI влегува во војната на прелистувачите: ChatGPT Atlas ја носи вештачката интелигенција директно на интернет
-
Магазин12 часа
WhatsApp воведува нова мерка против спам: ограничување на бројот на пораки