РКЕ за денес донесе одлука со која од ноќеска ќе се намалат малопродажните цени на бензините Еуросупер БС-95 и Еуросупер БС-98, и двата за два денари за литар. Дизелот, мазутот и екстра-лесното масло за домаќинство ќе се продаваат по стари цени.

Од полноќ максималните цени на Еуросупер БС-95 ќе изнесуваат 86,50 денари за литар, додека Еуросупер БС-98 ќе се продава за 88,50 денари за литар. Дизел горивото останува по старата цена од 90 денари за литар, додека екстра-лесното масло за домаќинство чини 85,50 денари за литар. Мазутот ќе се продава по досегашната цена од 43,046 денари за килограм.

Авто-плинот кој знаеме дека не потпаѓа под регулатирна комисија се уште бележиме дека останува со иста непроменета цена.

Последното намалување на неговата цена го бележиме пред три месеци, на 17 август каде драстично падна за 5 денари и се продаваше по цена од 48,5 ден/лит, потоа во почетокот на месец октомври истиот се зголеми за 3 денари и до денес неговата цена е иста.

Дали малопродажните објекти повторно ќе одлучат да го намалат ова често купувано погонско гориво, судејќи по неколкуте намалувања на цените од течните горива, останува да видиме.

Полициски службеници од Специјалната антитерористичка единица „Тигар“ при Министерството за внатрешни работи, денеска на стрелиштето „Бејбубар“ во Охрид ќе имаат боево гаѓање.

Единицата, утре кај комплексот „Инекс“ ќе реализираат тактичко – показна вежба, а во четврток и петок единицата „Тигар“, кај каналот „Студенчишта“ ќе ги спроведат завршните плански активности. Се работи за редовна вежбовна активност на Единицата во која ќе се вклучи и Хеликоптерската единица на МВР, а целта е јакнење на професионалните компетенции на припадниците на Единицата за зголемена ефикасност и ефективност во борбата против криминалот и  подигнување на безбедноста на граѓаните и државата.

Упатуваме апел до граѓаните да ги почитуваат ознаките и натписите за забранет пристап, да не се задржуваат во безбедносните зони и целосно да се придржуваат кон останатите насоки на полициските службеници, известува портпаролит на СВР Охрид, г-дин Стефан Димоски.

Денеска (20.08.2022), во периодот од 04.00 до 08.00 часот, на подрачјето на сите Сектори за внатрешни работи, полициски службеници од Одделот за униформирана полиција извршиле контрола во реоните каде се врши ловство. При контролата, со која биле опфатени 132 локации, биле констатирани шест кривични дела „незаконит лов“ по член 228 од Кривичниот законик и еден прекршок по член 83А од Законот за оружје.

Во 06.00 часот во Богданци, кај рампата за ветерници, шест лица биле затекнати при незаконит лов и од нив биле одземени осум ловечки пушки и повеќе парчиња патрони и муниција. Притоа, од Љ.Ш.(60) од с.Стојаково била одземена ловечка пушка „BAIKAL“ и 18 патрони калибар 12мм., од П.Ѓ.(42) од Валандово биле одземени ловечка пушка „BAIKAL“, ловечка пушка „Чешка Збројевка“, 15 патрони и 19 куршуми, од Т.Т.(35) од Богданци биле одземени две ловечки пушки „BAIKAL“ и 15 патрони 12 мм, од В.Б.(47) од с.Ѓавато биле одземени ловечка пушка „BAIKAL“ и 26 патрони 12 мм, од К.Б.(37) од с.Ѓавато биле одземени ловечка пушка „Бергара“ и 18 куршуми калибар 30 60 и од Л.П.(32) од с.Ѓавато биле одземени ловечка пушка „Huglu“ и 17 патрони калибар 12 мм.

Во 06.45 часот, пак, на место викано „Витанска крстосница“, на подрачјето на Чашка, од И.Т.(61) од с.Горно Оризари биле одземени ловечка пушка ,,М-80“ и 12 патрони 12 мм, поради сторен прекршок по член 83А од Законот за оружје.

По целосно документирање на случајот против лицата ќе бидат поднесени соодветни пријави.

Извор: МВР