Денес во касарната „Чеде Филиповски – Даме“ во Кичево со воена свеченост припадниците од 4. пешадиски баталјон (4.пб), од 1 пешадиска бригада (1.пбр) традиционално го одбележаа 21-ви мај, Денот на Единицата.

Во текот на свеченоста со пригодни говори и честитање на празникот, се обратија командантот на 4.пб потполковник Горан Трајаноски и командантот на 1.пбр полковник Сашо Лафчиски.

Во своите говори се навратија на јубилејните 30 години од формирањето на Армијата, историјата на единицата, ангажирањето во изминатиот период, сегашните ангажирања и активностите кои претстојат.

На оваа свеченост прогласен беше најдобар вод, од составот на баталјонот и доделени беа стимулативни мерки на персоналот кој најмногу се истакна во изминатиот период.

Одбележувањето заврши со реализиција на тактичко техничкиот збор (ТТ-збор) во неколку работни точки, на кој учесниците од основните и средните училишта како и останатите присутни гости, со разгледување имаа можност да се запознаат со дел од вооружувањето и опремата со кои е опремена единицата.

Денот на Единицата беше исто така збогатен и со неколкуминутна програма на играорците од КУД „Бисер“ од Кичево.

На денот на Единицата во соработка со Црвениот Крст и одделот за трансфузиологија, се реализираше крводарителна акција со која што персоналот доброволно даруваше крв, дарувани беа 51 единица на крв.

На денот на единицата присуствуваше началникот на штаб на Командата за операции бригаден генерал Мирче Ѓоргоски, командантот на 1.пбр полковник Сашо Лифчиски, команданти на потчинетите команди и единици на ГШ на Армијата, поранешни команданти и пензионирани старешини од составот на единицата, претставници од државната управа, јавните установи и служби, преставници на единиците на локалната самоуправа во зоната на одговорност на единицата како и правни и физички лица со кои единицата има соработка.

На официјалната покана Порта.мк беа гости, така што преку фотографија ви го пренесуваме овој традиционален настан!

Нека е честит и вековит 21-ви мај!

Не е дозволено никакво превземање на фотографии без договор со уредникот, со почит.