Спорт
Денешните фудбалери се почесто се повредени и им треба подолго време за да закрепнат

Современите фудбалери се почесто се повредуваат и им треба подолго време за да закрепнат, што е последица на поголемиот интензитет на денешниот фудбал и зголемениот број на натпревари во сезоната, велат научниците.
Нивните мускули се особено погодени, според студијата објавена во British Medical Journal.
Експертите ги анализираа медицинските податоци на 3.909 професионални фудбалери од 54 европски клубови и 20 земји од 2000 до 2021 година. Во тој период се евидентирани 2.636 повреди на задната ложа, односно групата мускули на задниот дел на горниот дел од ногата. Податоците се однесуваат на 19 отсто од сите пријавени повреди на фудбалери.
Но, нивниот процент се удвои во анализираниот период – се зголеми од 12 проценти во првата сезона (2001) на 24 проценти во последната (2021 година). Бројот на денови потребни за закрепнување исто така се удвоил, на 13 во просек.
Научниците заклучија дека ова е последица на се подолгата сезона, односно на повеќе игри со висок интензитет. Затоа мускулите на фудбалерите се ставени на поголем тест. Ризикот од повреда се зголемува на натпреварите и е 10 пати поголем отколку на тренинзите. Друга последица на модерниот фудбал е фактот што ризикот од повторување на повредите е голем.
Меѓу сите повреди помеѓу 2000 и 2021 година, речиси 20 проценти биле повторувања. А меѓу нив, повеќе од две третини се должат на последиците од предвременото враќање на теренот.
Во последните две децении, секој петти играч во клубот пропуштил тренинг или натпревар поради повреда на тетивата. А типичен тим, составен од 25 играчи, може да очекува осум такви повреди по сезона, велат научниците.
/BMJ
Спорт
Трајковски ја запечати судбината на Казахстан и донесе голема победа на Македонија. Во септември на градски го дочекуваме Лихтенштајн кој на гости го победивме 0:3

Репрезентацијата на Македонија ја забележа својата втора победа во квалификациите за Светското првенство 2026, совладувајќи го Казахстан со 0:1 во четвртото коло. Со оваа победа, македонската репрезентација се искачи на првото место во „групата Ј“, со еден бод повеќе од Велс, кој има одиграно еден натпревар помалку.
– Првото полувреме мина во изедначена борба, но нашите успеаја да го искористат својот момент. Во 33-тата минута, по една несигурна одбрана на Казахстан, топката дојде до Александар Трајковски, кој со прецизен волеј го постигна единствениот гол на натпреварот. Ова беше негов 23-ти погодок во дресот на националниот тим.
Во вториот дел, Казахстан беше поактивен и создаде неколку одлични шанси, но не успеа да постигне израмнувачки гол.
Во шестото коло, на 7-ми септември Македонија ќе игра на домашен терен против Лихтенштајн. Претходно помеѓу овие две селекции се одигра натпревар во гости каде нашите момци го добија со 0:3, стрелци на головите беа Трајковски, Муслиу и Миовски, додека во петтото коло нашата репрезентација е слободна.
Првопласираната репрезентација оди директно на Мундијалот, додека второпласираната ќе игра бараж за место на светската смотра.
Резултати од група Ј:
Казахстан – Македонија 0:1
Белгија – Велс (се игра од 20:45)
Спорт
Управниот одбор на ФФМ донесе низа важни одлуки, меѓу нив усвоен беше новиот систем на натпреварување во МФЛ

На редовната седница на Управниот одбор на Фудбалската федерација на Македонија (ФФМ) беа донесени важни одлуки кои се однесуваат на организацијата и правилата во македонскиот фудбал.
Раководството на ФФМ започнува со конкретни реформи во натпреварувачкиот систем, со цел да се подобри функционирањето и квалитетот на фудбалот во земјава. Се работи на внатрешна трансформација која треба да овозможи посигурен и поуспешен развој на Македонската фудбалска лига (МФЛ), истакнаа од Фудбалската федерација на Македонија.
Повеќе информации ќе прочитате на официјалниот натпис од ФФМ, ТУКА
Спорт
(ВИДЕО) Американската тенисерка Гауф триумфираше на „Ролан Гарос“ по победата над белорусинката Арина Сабаленка

Американската тенисерка Коко Гауф триумфираше на Ролан Гарос, совладувајќи ја Арина Сабаленка со резултат 2-1 во сетови (6-7, 6-2, 6-4). Првиот сет беше исклучително неизвесен и исполнет со пресврти. Траеше над еден час, при што се одиграа дури осум брејка.
Сетот заврши со тај-брејк, каде што Сабаленка пропушти шанса да го освои, откако при резултат 5:5 загуби два важни поени.
Во вториот сет, Гауф веднаш направи брејк и брзо поведе со 2:0. Таа продолжи во силно темпо, направи уште еден брејк и со убедлива игра го освои сетот.
What a crazy match point
#RolandGarros pic.twitter.com/qoq3uFARxc
— Roland-Garros (@rolandgarros) June 7, 2025
Третиот сет започна со доминација на Гауф, која освои три последователни гема. Сепак, Сабаленка се врати во игра и закани со израмнување, спасувајќи дури и меч-топка. Но, Гауф остана концентрирана и успеа да го затвори мечот во своја полза.
Со оваа победа, Коко Гауф го освои својот втор гренд слем трофеј, по успехот на Отвореното првенство на САД во 2023 година. Таа стана најмладата победничка на Ролан Гарос по Серена Вилијамс во 2002 година и сега води со 6-5 во меѓусебните дуели со Сабаленка.
NEW QUEEN OF PARIS
#RolandGarros pic.twitter.com/eiesv9t1Aw
— Roland-Garros (@rolandgarros) June 7, 2025
-
Хороскоп2 дена
Хороскоп за недела (8 јуни)
-
Хороскоп23 часа
Хороскоп за понеделник (9 јуни)
-
Временска прогноза2 дена
Алармот е вклучен, денес ќе имаме најтопол ден од почеток на 2025-та година!
-
Култура1 ден
Денеска е „Духовден“ – Празник на Светиот Дух
-
Македонија1 ден
Штипјанец се здобил со тешки телесни повреди откако паднал на коловозот, управувајќи мопед
-
Спорт1 ден
Управниот одбор на ФФМ донесе низа важни одлуки, меѓу нив усвоен беше новиот систем на натпреварување во МФЛ
-
Македонија10 часа
Пак се вози брзо, БПС Тетово на радар измериле 162 км/ч на место каде е дозволено 80 км/ч
-
Македонија8 часа
МВР со детали за повреденото лице падините на врвот „Љуботен“, каде интервенираше АРМ