Спорт
Денешните фудбалери се почесто се повредени и им треба подолго време за да закрепнат

Современите фудбалери се почесто се повредуваат и им треба подолго време за да закрепнат, што е последица на поголемиот интензитет на денешниот фудбал и зголемениот број на натпревари во сезоната, велат научниците.
Нивните мускули се особено погодени, според студијата објавена во British Medical Journal.
Експертите ги анализираа медицинските податоци на 3.909 професионални фудбалери од 54 европски клубови и 20 земји од 2000 до 2021 година. Во тој период се евидентирани 2.636 повреди на задната ложа, односно групата мускули на задниот дел на горниот дел од ногата. Податоците се однесуваат на 19 отсто од сите пријавени повреди на фудбалери.
Но, нивниот процент се удвои во анализираниот период – се зголеми од 12 проценти во првата сезона (2001) на 24 проценти во последната (2021 година). Бројот на денови потребни за закрепнување исто така се удвоил, на 13 во просек.
Научниците заклучија дека ова е последица на се подолгата сезона, односно на повеќе игри со висок интензитет. Затоа мускулите на фудбалерите се ставени на поголем тест. Ризикот од повреда се зголемува на натпреварите и е 10 пати поголем отколку на тренинзите. Друга последица на модерниот фудбал е фактот што ризикот од повторување на повредите е голем.
Меѓу сите повреди помеѓу 2000 и 2021 година, речиси 20 проценти биле повторувања. А меѓу нив, повеќе од две третини се должат на последиците од предвременото враќање на теренот.
Во последните две децении, секој петти играч во клубот пропуштил тренинг или натпревар поради повреда на тетивата. А типичен тим, составен од 25 играчи, може да очекува осум такви повреди по сезона, велат научниците.
/BMJ
Спорт
Одлични вести: ВАР системот стана реалност во македонскиот фудбал

Во „Куќата на фудбалот“ официјално беше претставен ВАР системот, кој првпат ќе се користи во историјата на македонскиот фудбал, почнувајќи од новата сезона во Првата македонска фудбалска лига (Прва МФЛ).
Изградени се три ВАР соби, сервер и контролна просторија, сè според стандардите на ФИФА. Деталите за примената на системот ги презентираа претседателот на ФФМ, Масар Омерагиќ, ВАР проект-лидерот Дејан Јакимовски и Јосип Бартон, претседател на комисијата за делегирање судии.
Покрај ВАР технологијата, Фудбалската федерација на Македонија набави и специјално репортажно возило, кое ќе се користи за телевизиски пренос на натпреварите.
Повеќе прочитајте на официјалниот линк од ФФМ, ТУКА
Спорт
Србија официјално остана без „АТП“ турнирот

Турнирот „Белград Опен“, кој беше закажан за ноември 2025 година, е официјално откажан. И покрај големите напори и вложени ресурси, не беа исполнети условите за организација на настанот во предвидениот термин и формат. Поради тоа, организаторите решија да го откажат овогодинешното издание. Овој викенд се потврди веста дека годинашното издание на АТП турнирот нема да се одржи во Белград.
Од 2021 година, организаторите имаа успешно портфолио од девет професионални тениски турнири, меѓу кои пет АТП 250 настани, еден WTA 250, еден WTA 125, еден ATP Challenger 125, како и еден турнир под покровителство на ITF. Овие турнири привлекоа бројна домашна и меѓународна публика, позиционирајќи го Белград како важна дестинација на тениската мапа.
Дефинитивно ништа од АТП турнира у Београду. Нису могли да се обезбеде услови.
Једина прилика за уживо тенис у Србији биће Дејвис куп септембра у Нишу. pic.twitter.com/YgT6jrwHox— Стефан Милић (@StefanMilic00) August 4, 2025
Организаторите изразија гордост за сето досега постигнато и упатија благодарност до сите кои дадоа поддршка — партнери, спонзори и верната публика.
Тие нагласуваат дека остануваат посветени на развојот на тенисот во Србија и дека ќе продолжат да работат на создавање услови за враќање на професионалните турнири во Белград во иднина.
Планираниот турнир требаше да се одржи од 2 до 8 ноември во ОАКА Арената во Атина, каде што инаку настапува кошаркарскиот клуб Панатинаикос. Со оваа одлука, Белград останува без АТП турнир, што претставува значителен удар за тениската сцена во градот.
Посетата на Новак Ѓоковиќ на Атина во јуни се поврзува токму со испитување на можноста за организирање на турнир во Грција, со цел истиот да се премести од Белград.
Спорт
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.
Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.
Целосниот распоред на првото коло од сезоната 2025/26 изгледа вака:
Петок, 8 август:
- Шкендија – Шкупи 1927 | 17:00 | Тетово
- Вардар – Пелистер | 20:00 | Скопје
Сабота, 9 август:
- Башкими 1947 – Аресими 1973 | 17:30 | Куманово
- Струга Трим Лум – Македонија ЃП 1932 | 17:30 | Струга
Недела, 10 август:
- Тиквеш 1930 – Работнички | 17:30 | Кавадарци
Понеделник, 11 август:
- Силекс – АП Брера Струмица | 17:30 | Кратово
Фановите со нетрпение ја очекуваат новата сезона и возбудувањата што ги носи уште од првото коло.
Извор: ФФМ
-
Хороскоп2 дена
Хороскоп за четврток (7 август)
-
Хороскоп16 часа
Хороскоп за петок (8 август)
-
Спорт2 дена
Одлични вести: ВАР системот стана реалност во македонскиот фудбал
-
Македонија23 часа
МВР изрече условна казна затвор и депортирање на германец поради говор на омраза, пред натпреварот Шкендија-Карабах
-
Македонија19 часа
РЦ Запад во координација со СВР Охрид санкционираа албански државјанки без регулиран престој
-
Lifestyle1 ден
Пет додатоци во исхраната што никогаш не треба да ги земате со кафе
-
Култура3 часа
Денеска се слави Преподобната маченичка Параскева, позната меѓународот како Св.Петка
-
Автомобили1 ден
Mercedes G-класата собори рекорд: произведен 600.000 примерок