Временска прогноза
Денеска спарно време со топол ветер, викендов дестабилизација

Денес времето во Македонија ќе биде сончево и понатаму натпросечно топло со умерена облачност. Ќе дува умерен, повремено на некои места засилен ветер од западен и од југозападен правец. Попладне ќе има услови за ретка појава на краткотраен дожд и грмежи. Температурите ќе се искачуваат во интервалот од 28 до 37 степени.
Во Скопје и околината времето ќе биде сончево и топло со умерена облачност. Ќе дува умерен, повремено засилен ветер од западен и од југозападен правец. Максималната температура ќе се искачи до околу 34 степени.
Потоа за време на викендот ќе има појава на локална нестабилност, проследена со пороен дожд, грмежи и услови за ретка појава на град. Ќе дува умерен, повремено засилен ветер од западен и од југозападен правец. Температурите, особено во северните предели ќе бележат тенденција на мало опаѓање и ќе се искачуваат во интервалот од 25 до 36 степени, а УВ ИНДЕКСОТ и понатаму ќе има умерено висока вредност и ќе изнесува коефициент (6).
Услови за локална нестабилност за време на викендот ќе има и во Скопскиот регион, а температурите ќе се искачуваат во интервалот од 28 до 30 степени. Потоа во почетокот од следната недела времето повторно ќе биде претежно стабилно и суво.
Да напоменеме дека поради силното југозападно воздушно струење, од денес кај нас во атмосферата ќе биде присутна прашина и песок од Сахара, со што и времето ќе биде релативно мачно и спарно.
Инфо: Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
Временска прогноза
Времето за најголемиот христијански празник „Велигден“ ќе биде стабилно и сончево

За време на најголемиот Христијански празник (Воскресение Христово, Велигден) ќе имаме стабилно, суво и сончево време со мала до умерена локална облачност. Ќе дува слаб до умерен ветер од јужен правец.
И во Скопје за Велигден времето ќе биде стабилно, суво и сончево со мала до умерена облачност. Ќе дува слаб до умерен ветер од јужен правец.
Што се однесува до температурите, тие ќе бидат рано летни, и тоа поради влијанието на топлата воздушна маса од југ. Максималните дневни температури за време на овој најголем Христијански празник ќе се искачуваат во интервалот од 20 до 29 степени.
Во Скопје и околината максималната дневна температура на воздухот ќе се искачи до околу 27 степени.
Убавото време за Велигден искористете го максимално, и уживајте во празничниот сончев и топол викенд кој ни доаѓа, истакна Славчо Попоски
Временска прогноза
Според најновото метео ажурирање следува доста нестабилно време, ова се информациите

Во текот на оваа работна седмица во Македонија следува период на променливо време со повремени локални врнежи од дожд, повремено и локално поројни и проследени со грмежи. Ќе дува умерен, повремено засилен ветер од јужен и од југоисточен правец.
И во Скопје и околината следува период на променливо бреме со услови за појава на повремен локален дожд, повремено пороен и со услови за појава на грмежи. Ќе дува умерен, повремено засилен ветер од јужен и од југоисточен правец.
Сето ова е поради влијанието на циклонската активност (поле со низок возушен притисок) со потекло од западна Европа, а потоа и над Џеновскиот Залив.
Сепак, и покрај ова останува топло времето, односно со пролетни температури на воздухот кои преку ден на многу места ќе се искачуваат до близу, или околу 20 степени.
На повеќе места тие ќе надминуваат и 20 степени, а во Повардарието и во југоисточните предели тие повремено ќе се искачуваат и до околу 25 степени, а повремено истите би можеле да надминуваат и 25 степени.
Во Скопје и околината во текот на оваа работна седмица останува пролетно топло со температура која ќе надминува 20 степени.
Да напоменам дека поради изразеното јужно воздушено струење, оваа работна седмица од Сахара кон нашата Република Македонија ќе се врши транспорт на прашина и песок, па така и Атмосферата ќе биде позаматена, а времето ќе биде помачно и поспарно, вели Славчо Попоски
-
Хороскоп2 дена
Хороскоп за понеделник (21 април)
-
Хороскоп21 час
Хороскоп за вторник (22 април)
-
Кичево10 часа
На „Пресека“ према Охрид вчера се случила нова сообраќајка, учесниците се здобиле со тешки телесни повреди
-
Свет2 дена
Најстариот активен американски астронаут Дон Петит се врати на Земјата од Меѓународната вселенска станица (ISS) на својот 70-ти роденден.
-
Култура24 часа
(ФОТО+ВИДЕО) Во Бигорскиот Манастир и оваа година величествена прослава за Воскресение Христово – Света Пасха
-
Магазин6 часа
В сабота на сцена традиционалниот Велигденски концерт на КУД „Рацин“
-
Технологија1 ден
„Google“ со бесплатен „AI Premium“ план за студентите со времетраење од една година
-
Македонија9 часа
МВР: 2252 сообраќајни прекршоци во празничниот викенд, 1018 за брзо возење