Временска прогноза
Детали за ладната есен, во четврток доаѓа снег на наша територија

Како што претходно кажавме, од утре попладне и навечер доаѓаат нови врнежи од дожд, на планините врнежите ќе бидат од СНЕГ.
Потоа под влијание на МНОГУ ПОСТУДЕНА воздушна маса која се спушта од Арктикот, во четврток и петок времето ќе биде облачно и МНОГУ СТУДЕНО со врнежи од дожд кој ПОИНТЕНЗИВНИ ќе бидат во четврток, и тоа особено во јужната половина од државава каде локално ќе наврнат над 50 л/м2 воден талог. Ќе дува и умерен ветер од северен и од северозападен правец кој особено Долж Повардарието повремено ќе биде и ЗАСИЛЕН на интензитет.
На планините врнежите ќе бидат од СНЕГ и се очекува да се формира првата ПОЗНАЧИТЕЛНА снежна покривка за оваа сезона. На некои од планините ќе се формира снежна покривка од над 30 сантиметри, особено на оние високите. Снег ќе врне и на повисоките места со надморска височина од околу 1000 метри и тоа особено во западните и северните предели, а локално снежната граница има услови да се спушти дури и под 1000 метри со што првото провејување на снег се очекува и во повисоките населени места и тоа во четврток.
Температурите ќе бидат значително потпросечни за овој период од годината, односно истите ќе бидат пониски од нормалните дури за околу 10 степени, и минималните ќе се спуштаат во интервалот од 1 до 6 степени, додека максималните ќе се искачуваат во интервалот само од 3 до 9 степени, и тоа особено од четврток. Престанок на врнежите и повисоки температури ќе има за време на викендот кој доаѓа.
И во Скопскиот регион од утрешната вечер ќе започнат врнежи од дожд и истите ќе продолжат и во четврток и петок. Ќе дува умерен ветер од северен правец и истиот повремено ќе засилува на интензитет. Поради ЗАЛАДУВАЊЕТО на околните планини ќе има врнежи од снег, додека снежната граница и во Скоспкиот регион локално може да се спушти и под 1000 метри. Температурите, особено од четврток ќе се искачуваат не повеќе од 7 степени.
Уште да напоменеме дека со овој МНОГУ СТУДЕН бран, есента во Македонија е МНОГУ ПОСТУДЕНА од вообичаеното, и исто така не сме навикнати на вакви ниски температури во есен.
ИНФОРМАЦИЈА ДО ЗЕМЈОДЕЛЦИТЕ: И поркај овој студен бран, понатаму НЕМА ОПАСНОСТ од минусни температури, не бар на пониските населени места, што значи дека температури под нулата се очекуваат само на високите и планинските места.
Автор: Славчо Попоски
Временска прогноза
Викенд метео вести: Еве какво време ни претстои денес и утре

Под влијание на стабилна и на посвежа воздушна маса од север, викендов (сабота и недела 28 и 29 јуни) во Македонија времето ќе биде стабилно, суво и сончево со мала до умерена локална облачност. Сепак ќе биде многу ветровито, односно, ќе дува засилен до повремено силен ветер од северен правец (повремено и локално со брзина од над 70 км/час.
И во Скопје и околината ќе имаме стабилно и сончево, но и малку посвежо време за викендов. Ќе дува засилен, повремено силен ветер од северен правец (во делови од котлината повремено со брзина од над 70 км/час).
Што се однесува до температурите, тие ќе бидат за околу 4/5 степени пониски за ра разлика од денешните и максималните дневни температури ќе се искачуваат во интервалот од 28 до 36 степени, во Скопскиот регион температурата ќе се искачи до околу 35 степени, утрово информираше Славчо Попоски
Временска прогноза
Доаѓа дожд према нашиот регион, ова се последните метео вести

Поради прилив на поладен воздух од север на висина, денес (петок 27 јуни) во попладневните и во вечерните часови во нашата Република Македонија атмосферата значително ќе се дестабилизира. Ќе се создаваат влажни фронтални бранови кои на повеќе места ќе условат развој на грмотевични конвективни облачни јадра од кои очекувам појава на поројни врнежи од дожд, грмежи и силен ветер (над 70 км/час).
Многу поголема нестабилност очекувам во северните, централните , источните и во југоисточните предели од нашата Македонија, па токму во овие предели локално очекувам појава и на бурно невреме проследено со обилен пороен дожд кој може да услови локални поројни поплавувања, олуен ветер, силни и чести електрични празнења, како и со појава на крупен град. Токму поради ова на граѓаните ги советувам да обратат голема внимателност.
И во делови од Скопскиот регион, денес (петок 27 јуни) во попладневните и во вечерните часови ќе биде нестабилно со пороен дожд, силен ветер (над 70 км/час) и со појава на грмежи. Можна е и појава на силно невреме.
Што се однесува до температурите тие повторно насекаде ќе бидат над 30 степени, на повеќе места тие ќе се искачат и до околу, па и над 35 степени, додека во Повардарието тие ќе достигнат до 40 степени. Меѓутоа, доцна попладне и навечер температурите ќе опаѓаат, со што од север ќе започне да ни се спушта посвежа воздушна маса, вели Славчо Попоски
Временска прогноза
Попоски: Од денес па натаму висок УВ индекс и температури до 40°C

Територијата на нашата Република Македонија од денес (понеделник 23 јуни па се до петок 27 јуни) ќе биде под влијание на засилен топол бран од Африка и истиот ќе услови многу топло и сончево време со мала локална облачност. Ќе дува слаб до умерен ветер од променлив правец.
Што се однесува до температурите тие ќе бидат многу високи, а особено високи температури ќр имаме од среда до петок кога максималните дневни ќе се искачуваат во интервалот од 32 до 40 степени.
Во Скопје температурата ќе се искачува до околу 39/40 степени, особено од среда до петок. И во Скопскиот регион ќе дува слаб до умерен ветер од променлив правец.
УВ ИНДЕКСОТ за време на овој засилен топол бран од Африка ќе има екстремно висока вредност и ќе изнесува коефициент 9. Токму поради ова апелирам граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.
– Барем одсега гледано, освежување на времето, пад на температурите, но и дестабилизирање на атмосферата ќе имаме во петок во попладневните и во вечерните часови кога ќе има појава на локална нестабилност со пороен дожд, грмежи, засилен ветер и можност за ново локално невреме, утрово информираше Славчо Попоски
-
Кичево2 дена
Предмалку случена сообраќајка во близина на с.Извор кичевско, правец Кичево-Охрид
-
Хороскоп1 ден
Хороскоп за сабота (28 јуни)
-
Македонија2 дена
Од ноќеска цената на дизелот драстично паѓа, еве колку ќе биде литар дизел гориво од полноќ
-
Македонија2 дена
Од 1 јули до крај на месец август на државните патишта во Македонија се воведува летен времен режим на сообраќај со кој се забранува движење на тешки товарни возила
-
Временска прогноза2 дена
Доаѓа дожд према нашиот регион, ова се последните метео вести
-
Временска прогноза22 часа
Викенд метео вести: Еве какво време ни претстои денес и утре
-
Хороскоп5 часа
Хороскоп за недела (29 јуни)
-
Македонија2 дена
Целосна забрана за движење во шумите