Временска прогноза
Детали за новиот студен бран кој доаѓа од утре, посебно внимание за тие кои ќе патуваат преку македонските превои

Под влијание на многу ладен циклон и низок воздушен притисок, секако поврзан со студена воздушна маса од север, а циклонскиот систем ќе биде со центар над Средоземјето, од утре попладне (20 Декември) па се до 24 Декември (Вторник) во Македонија ќе има пообилни врнежи, кои најпрво на пониските места ќе бидат од дожд, додека на повисоките места и на планините ќе врне снег, каде снежната покривка на планините и на Скијачките центри значително ќе се зголеми, и таа до 24 Декември во вечерните часови локално ќе изнесува близу 100 сантиметри, особено на оние поголеми надморски височини.
Поради веќе споменатиот продор на многу поладен воздух од север, од сабота, а особено во почетокот на следната седмица врнежи од снег ќе има во најголем дел од Македонија, и истите ќе бидат обилни, па така снежна покривка ќе се формира на многу пониски места (градови). Во источните предели ќе се формира снежна покривка со висина од 5 до 10 сантиметри, локално и повеќе, додека во западните предели таа ќе биде најголема и ќе биде со висина од 10 до 20 сантиметри, а понекаде и над 30 сантиметри. Помала снежна покривка се очекува да се формира и во Скопје и околината.
Сето ова ќе биде проследено со засилен повремено силен ветер од северен правец (повремено и локално со брзина од над 65 км/час).
Што се однесува до температурите, тие од овој викенд значително ќе опаднат, а дополнително опаѓање на температурите се очекува од понеделник па натаму и минималните температури на воздухот на многу места во Македонија ќе бидат под нулата, додека максималните температури исто така на многу места ќе се задржат до околу, понекаде и под нулата.
Да напоменам дека поради силниот ветер кој се очекува да дува, се очекува појава и на снежни наноси, особено на повисоките и на планинските места, како и на Скијачките центри.
Со оглед на ваквата временска состојба, доколку патувате кон планинските превои, препорачувам да бидете крајно внимателни како управувате со своите возила, и тоа поради очекуваните обилни снежни врнежи и големата снежна покривка која се очекува. Исто така Скијачите да не се оддалечуваат на поголеми надморски височини, за да не дојде до нивно исчезнување како што беше случајот пред неколку денови, кога неколку Скијачи за среќа беа успешно пронајдени на Скијачите центри поради нивното исчезнување.
Од овој голем снежен бран секако ќе биде зафатен најголем дел од регионот, па така конечно после многу години Католиците ќе имаат Бел Божик, односно Божик со снег, информира Славчо Попоски, кој да напоменеме е еден од најдобрите метеоролози во земјава и пошироко.
Временска прогноза
Нашата територија ќе биде во температурна „аномалија“ во следните десеттина дена, ќе имаме голем пораст на дневните температури, невообичаено за месец март

Во следните десеттина дена територијата на целиот Балкан, вклучувајќи ја секако и Македонија, ќе ја зафати временска анималија. Што значи тоа? Температурите ќе бидат невообичаено високи за почетокот на месец март, и тие ќе бидат повисоки за 6 до 8, а во делови од Балканот дури и за повеќе од 10 степени. Ова особено негативно се очекува да се одрази врз метеопатите, и тоа гледано врз здравствената состојба.
Температурите ќе бидат навистина пролетно високи, па на повеќе места ќе се искачуваат и над 15 степени, па дури и до околу 20 степени. Во делови од Балканот максимумот на температурата во следните 6 до 10 денови ќе се искачува до дури околу 25 степени.
И понатаму ќе имаме стабилно и суво време, и ќе имаме многу сушен период, што значи дека во нашиот дел од Европскиот Континент ќе недостасуваат врнежите. За време на овој период, пораст ќе бележат и минималните утрински температури на воздухот.
Кај нас во Македонија во следните денови ќе имаме температури кои ќе се искачуваат во интервалот од 16 до 23 степени, за Порта.мк информира Славчо Попоски од метеоаларм.
Временска прогноза
Од среда на повидок пролетни дневни температури, вакво време не очекува оваа седмица

Во текот на новата седмица која е пред нас, особено пак од средината на истата па во деновите потоа, нашата територија ќе биде под влијание на значително потопла воздушна маса од југ и во поле на висок воздушен притисок (Антициклон). Во ваква ситуација времето ќе биде сончево, повремено со сосема мала и локална облачност. Ќе дува слаб до умерен ветер од променлив правец.
И во Скопје и околината во текот на новата седмица не очекува стабилно, суво, сончево и многу потопло време, особено од среда.
Што се однесува до температурите, тие преку ден значително ќе пораснат како што и претходно кажав и максималните дневни температури од среда па во деновите потоа ќе се искачуваат во интервалот дури од 15 до 22/23 степени. Во Скопје пак температурата ќе се искачи до околу 20/21 степен.
Да напоменам дека утрата ќе бидат поладни, но не премногу, па така наутро температурите на повеќе места ќе се спуштат за некој степен под нулата, информира Славчо Попоски
Временска прогноза
Вакво време не очекува во текот на утрешниот ден

За време на овој викенд продолжува многу променливото време во нашата Република Македонија. Веќе утре (недела 2 март) поради спуштање на поладен воздух од север, на планините со висина од над 1000 метри надморска височина врнежите од дожд ќе преминуваат во врнежи од снег, а сето ова ќе биде проследено со повремено засилен ветер од северен правец, кој особено долж Повардатието повремено ќе достигнува брзина до околу 60 км/час.
Поради понатамошното спуштање на ладниот бран од север, утре (недела 2 март) особено во северозападните, северните и во североисточните предели од нашата Република Македонија, снежната граница ќе се спушти и под 1000 метри надморска височина, па така повремен снег ќе има и во повисоките населени места во овие делови од нашата Македонија.
Што се однесува до температурите на воздухот, тие денес (сабота 1 март) ќе се искачуваат во интервалот од 8 до 17 степени, додека утре (недела 2 март) тие ќе бидат значително пониски и максималните дневни температури на воздухот кај нас ќе се искачуваат во интервалот само од 3 до 11 степени.
Да напоменам, дека со овој продор на ладен воздух од север, во Скопје ќе има врнежи од дожд, додека на околните планини врнежите ќе преминат во повремени послаби врнежи од снег. И во Скопје утре (недела 2 март) повремено ќе дува засилен ветер од северен правец, а максимумот на температурата ќе се искачи до околу 9 степени, информира Славчо Попоски
-
Кичево21 час
Утре во Кичево се организира бесплатен преглед на очен притисок, бидете дел и спречете го „тивкиот убиец на видот“ – Глауком
-
Хороскоп1 ден
Хороскоп за понеделник (10 март)
-
Хороскоп8 часа
Хороскоп за вторник (11 март)
-
Македонија19 часа
Дизелот и бензинот со нова намалена цена за литар од ноќеска
-
Здравје и убавина2 дена
Дали сте знаеле за моќниот домашен еликсир против пролетната поленска кивавица?
-
Магазин19 часа
Како правилно да го полните вашиот iPhone за подолг век на батеријата
-
Гејминг19 часа
Подгответе го паричникот – GTA VI може да чини 100 долари
-
На денешен ден1 ден
10 март – На денешен ден