Денес попладне и во текот на ноќта, како и во текот на утрешниот ден и тоа особено во претпладневните часови, времето во Македонија ќе биде променливо облачно, локално и нестабилно со пороен дожд, грмежи и засилен ветер.

Локално процесите ќе бидат ИНТЕНЗИВНИ и застапени во форма на НЕВРЕМЕ проследено со обилен пороен дожд, СИЛЕН ВЕТЕР (над 80 км/час), силни електрични празнења и појава на град. Услови за нестабилност и за појава на НЕВРЕМЕ ќе има и во делови од Скопската котлина.

Потоа, за време на викендот ќе имаме стабилно, суво и сончево време.

Температурите денес ќе се искачуваат во интервалот од 35 до 43 степени, додека утре и во сабота ќе бележат тенденција на пад за 4 до 8 степени и максималните дневни ќе се искачуваат во интервалот од 28 до 38 степени во најтоплите предели од државава, додека во недела повторноно истите ќе бележат тенденција на пораст.

ПРЕДУПРЕДУВАЊЕ: Денес попладне и во текот на ноќта, како и утре, во случај на појава на НЕВРЕМЕ  и СИЛЕН ветер, граѓаните да бидат КРАЈНО ПРЕТПАЗЛИВИ и да не излегуваат на отворен простор.

Известува: Славчо Попоски
ФОТО: WikimediaImages / pixabay.com

Екстремно топлото време ќе се задржи уште утре кога максималните дневни температури ќе се искачуваат во интервалот од 34 до 43 степени. Меѓутоа од попладневните часови, па во текот на ноќта кон петок и во петок времето ќе биде променливо облачно, на некои места нестабилно со пороен дожд, грмежи и засилен ветер.

Локално има услови процесите да бидат ИНТЕНЗИВНИ и застапени во форма на НЕВРЕМЕ проследено со обилен пороен дожд, СИЛЕН, до ОЛУЕН ветер, силен електрични празнења и со појава на град.

Максималните температури во петок и во сабота ќе бидат пониски за околу 5 степени и ќе се искачуваат во интервалот од 29 до 38 степени, додека од недела повторно ќе бидат во пораст а времето ќе биде стабилно, суво и сончево.

Услови за нестабилност, проследена со пороен дд, СИЛЕН ветер и грмежи утре попладне и навечер, како и во петок ќе има и во делови од Скопската котлина. Температурите во петок и во сабота ќе бележат тенденција на пат и ќе се искачуваат во интервалот помеѓу 32 и 35 степени, додека од недела повторно ќе бидат во пораст.

ПРЕДУПРЕДУВАЊЕ: Утре попладне и во текот на ноќта кон петок, како и во петок во случај на појава на елкектрични празнења да не се претстојува на отворен простор и под осамени дрвја. Исто така, во случај на СИЛЕН ветер граѓаните да бидат КРАЈНО ПРЕТПАЗЛИВИ и да не излегуваат на отворено.

Инфо: Славчо Попоски

До четврток продолжува ЕКСТРЕМНО ТОПЛОТО време со натпросечни температури кој ќе се искачуваат во интервалот од 33 до  40 степени. Во централните и во југоисточните предели истите се очекува да се искачат до околу 43 степени.

Времето ќе биде сончево со мала до умерена локална облачност, но ќе дува умерен, повремено засилен ветер од западен и од југозападен правец, додека повремено и локално ветерот ќе го менува својот правец во северозападен.

Во четврток попладне, како и во петок ќе има услови за изолирана локална нестабилност проследена со краткотраен пороен дожд, грмежи, засилен ветер и услови за локална појава на град.

• НАЈАВА: ОСВЕЖУВАЊЕ НА ВРЕМЕТО И ПАД НА ТЕМПЕРАТУРИТЕ ЗА 5  ДО 8 СТЕПЕНИ – Во петок поради продор на посвежа воздушна маса од север, се очекува пад на температурите за 5 до 8 степени и максималните дневни температури ќе се искачуваат во интервалот од 28 до 39 степени во крајните југоисточни предели од државава, каде освежувањето најмалку ќе се почувствува.

УВ ИНДЕКОСТ и понатаму ќе има МНОГУ ВИСОКА вредност (коефициент 9).

Пишува: Славчо Попоски