Временска прогноза
До петок екстремно топло, високи температури и УВ индекс 10 – ова се последните метео вести

Од денес (вторник), па се до петок 19.7.2024 во Македонија го очекуваме максимумот на овој екстремно топол бран од Африка, па така максималните дневни температури во Македонија речиси насекаде ќе надминуваат 35 степени, додека во најтоплите централни и југоисточни предели тие понекаде ќе достигнуваат и до околу 43 степени. Особено во Гевгелиско, како и во Демир Каписко температурата повремено би можела да се искачи и до близу 45 степени.
Тука се и тропските ноќи, и тоа особено во централните и во југоисточните предели каде температурта во ноќните и во раните утрински часови нема да се спушта под 20 степени. Инаку во Скопје за време на овој максимум на екстремно топлиот бран од Африка максималната температура ќе се искачува во интервалот помеѓу 40 и 42 степени. И во делови од Скопската котлина очекуваме појава на тропски ноќи.
Времето ќе биде претежно стабилно, суво и сончево со појава на мала до умерена локална облачност во попладневните часови. Ќе дува слаб до умерен ветер од променлив правец, и истиот повремено ќе засилува на интензитет. Во четврток попладне, особено во планинските предели можна е појава на краткотрајна нестабилност.
Промена на времето очекуваме од петок попладне, кога ќе растат условите за развој на грмотевични облаци и за појава на локално невреме во Македонија.
Ув индексот ќе има екстремно висока вредност 10, па затоа апелираме граѓаните да не излегуваат кога е најтопло (од 11 до 17 часот), но и да пијат повеќе течности, вели Славчо Попоски
Временска прогноза
Утре попладне најава за локален пороен дожд и дестабилизација, додека во понеделник дожд и грмежи речиси на секаде во Македонија

Под влијание на влажна и нестабилна воздушна маса која е поврзана со фронтален систем од север, утре попладне (недела 17 август), потоа во понеделник (18 август) на многу места во Република Македонија ќе биде нестабилно со пороен дожд, грмежи и засилен ветер. Локално атмосферските процеси ќе бидат поинтензивни и во форма на невреме проследено со силен ветер и со појава на град.
И во Скопје и околината утре (недела 17 август) во попладневните часови, а особено во понеделник (18 август) ќе биде нестабилно со пороен дожд, грмежи, засилен ветер и со услови за појава на невреме со силен ветер и со појава на град.
Попоски, апелира во случај на појава на невреме и на електрични празнења граѓаните да обратат поголема внимателност, односно да не се претстојува на отворен простор и под осамени дрвја. Исто така, во случај на појава на силен ветер граѓаните своите автомобили да ги заштитат, односно истите да не ги ставаат во близина на дрвјата, особено оние дрвја кои се стари и осамени.
Утре (недела 17 август) температурата ќе се искачува во интервалот од 28 до 35 степени, а во понеделник (18 август) таа ќе биде малку пониска и ќе се искачува во интервалот од 25 до 33 степени, информираше Славчо Попоски од метеоаларм.
Временска прогноза
Метео мапата за викендов укажува промена на времето, нестабилност, проследена со дожд и засилен ветер?

Викендов (сабота и недела 16/17 август) во Македонија ќе има изолирана попладневна нестабилност проследена со пороен дожд, грмежи и со засилен ветер. Поради атмосферски фронт со поладен воздух на висина, во понеделник (18 август) во попладневните часови на повеќе места во Македонија ќе има развој на нестабилност, проследена со пороен дожд, грмежи и со засилен ветер.
Локално пак атмосферските процеси ќе бидат поинтензивни и ќе има појава на невреме проследено со обилен пороен дожд за кратко време, силен ветер, електрични празнења и со појава на град.
И во Скопскиот регион, особено во понеделник (18 август) во попладневните часови ќе биде нестабилно, во делови од котлината со пороен дожд, грмежи, засилен ветер и со услови за појава на невреме.
Што се однесува до температурите, тие ќе бидат пониски за 3 до 4 степени во споредба од оние температури кои ги имавме изминатите денови, и максималните дневни температури на воздухот ќе се искачуваат во интервалот од 28 до 36 степени, а во Скопје максималната температура ќе се искачува до околу 33/34 степени, утрово информира Славчо Попоски
Временска прогноза
Сончево и топло, локално можна дестабилизација на времето проследена со краткотраен пороен дожд

Во остатокот од оваа недела во Македонија ќе имаме многу топло време, тоа значи дека остануваме под влијание на многу топлата воздушна маса од југ, односно од Африка. Времето ќе биде сончево со умерена облачност, а ќе дува и слаб до умерен ветер претежно од источен и од североисточен правец.
Сепак поради продор на малку поладен воздух од север на висина, во Македонија ќе имаме делумно дестабилизирање на атмосферата и попладневен развој на конвективни грмотевични облачни јадра од кои очекувам појава на пороен дожд, грмежи и засилен ветер, претежно во планинските предели каде е можна и појава на краткотрајно невреме.
Во понеделник пак (18 август) во попладневните часови на повеќе места во Македонија ќе биде нестабилно со пороен дожд, грмежи, засилен ветер и со услови за појава на невреме со силен ветер и со појава на град. Во Скопје и околината исто така во понеделник попладне (18 август) ќе биде нестабилно и во делови од котлината ќе има појава на пороен дожд, грмежи и засилен ветер, а можна е и појава на краткотрајно невреме со силен ветер и со појава на град.
Температурите како што кажав остануваат многу високи и насекаде ќе надминуваат 30 степени, а на повеќе места тие ќе се искачат и до околу 35 степени, во Повардарието пак температурите локално ќе се искачат до околу 40 степени. И во Скопје и околината температурата исто така ќе надминува 35 степени.
Поради топлиот бран од Африка и многу високите температури на воздухот апелирам граѓаните да не излегуваат во најтоплиот дел од денот (од 11 до 17 часот) како и да пијат повеќе течности.
-
Кичево2 дена
На „Стража“ предмалку се случила сообраќајка помеѓу мотор и автомобил
-
Хороскоп2 дена
Хороскоп за сабота (16 август)
-
Временска прогноза1 ден
Утре попладне најава за локален пороен дожд и дестабилизација, додека во понеделник дожд и грмежи речиси на секаде во Македонија
-
Хороскоп18 часа
Хороскоп за недела (17 август)
-
Македонија21 час
„Центарот за Безбедност на Вода на Црвен Крст Охрид“, денес по силниот ветер спаси оддалечени луѓе од брегот на охридско езеро!
-
Скопје1 ден
Примил 10 000 евра за наводно да влијае врз судски постапки, кривична пријава против лице од Скопје
-
Скопје4 часа
Ноќеска скопјанец предизвикал сообраќајка, пијан 3,30 промили алкохол во крвта
-
Занимливости1 час
„Астероидот 2025 PM“ безбедно прелета покрај Земјата