Од утре (среда), а особено од четврток 5.12.2024 следува подолг период на променливо време со повремени врнежи од дожд со променлив интензитет, додека на планините врнежите ќе бидат од снег, каде очекуваме зголемување на снежната покривка.

Повремено, и тоа особено во западните предели снег ќе врне и на повисоките места, па така услови за повремен снег ќе има и во повисоките населени места, односно на надморска височина до околу 1000 метри, а таа повремено би можела да се спушти и под 1000 метри.

Ќе биде претежно тивко, а поветровито време очекувам во недела, и тогаш ќе дува умерен, повремено засилен ветер од јужен правец.

Во Скопскиот регион, исто така особено од четврток (5.12.2024) ќе има повремени врнежи од дожд, а повремено на околните планини ќе има услови и за повремен снег. Во недела ќе дува повремено засилен ветер од јужен и од југоисточен правец.

Што се однесува до температурите, наутро тие на повеќе места ќе бидат позитивни, односно над нулата, освен на високите места и на планините, додека максималните дневни температури ќе се искачуваат во интервалот од 5 до 13 степени, а во четврток тие ќе се искачуваат во интервалот од 3 до 10 степени, информира Славчо Попоски

Влажниот и студен бран од север во Македонија ќе се задржи и до крајот на денешниот ден (недела). Ќе имаме облачно и студено време со повремени врнежи од дожд кој повремено на повеќе места ќе бидат пообилни и локално ќе наврнат нови над 30 литри воден талог.

На планините, како и на повисоките места, особено во западните предели од Македонија врнежите ќе бидат од снег, каде ќе продолжи зголемувањето на снежната покривка. Снежната граница, особено во западните предели ќе се спушти до околу, а можно е  и под 1000 метри надморска височина. Ќе дува умерен, повремено засилен ветер од северен и од североисточен правец.

И во Скопскиот регион времето ќе биде облачно и студено со повремени врнежи од дожд, а на околните планини врнежите ќе бидат од снег. Ќе дува умерен, повремено засилен ветер од северен и од североисточен правец.

Што се однесува до температурите, тие денес ќе се искачуваат во интервалот од 1 до 8 степени. Во Скопје максималната температура денес ќе се искачи до околу 5 степени.

Инаку, Попоски исто така информира дека до изутринава во 7 часот најмногу дожд наврна во Демир Капија, дури 127 литри на метар квадратен. Значителни врнежи имаше во најголем дел од Македонија. Во исто време до изутринава во Маврово е регистрирана нова снежна покривка од дури 70 сантиметри.

– Како што и претходно најавив, врнежите продолжуваат до крајот на денов во Македонија, а со тоа  и снежната покривка ќе се зголемува на повисоките места, планините и Скијачките центри. Снежната граница, особено во западните предели ќе се спушти до околу, а може и под 1000 метри надморска височина, истакна Славчо Попоски во денешното соопштение за медиумите.

Апелирам, доколку патувате кон планинските превои да бидете крајно внимателни како управувате со своите возила, и тоа поради продолжувањето на врнежите од снег се до крајот на денешниот ден.

Во текот на денешното попладне, како и во текот на претстојната ноќ, територијата на Македонија ќе биде зафатена од нова многу голема влажна воздушна маса, која е во склоп со студената воздушна маса од север.

Во ваква ситуација, ќе има нови обилни врнежи, кои во западните, југозападните  и во северозападните предели од државава ќе бидат од дожд и снег во пониските места, понекаде и влажен снег, додека на повисоките места и на планините ќе врне снег. На планините значително ќе се зголеми снежната покривка (се очекува нов снег од над 60/70 цм), додека на повисоките места таа ќе биде со висина од 20 до 30 сантиметри, понекаде и до 40 цм, додека снежна покривка во погоре споменатите предели ќе се формира и во повеќето градови, понекаде со висина од 10 до 20 цм, локално и повеќе.

Ќе дува ветер од северен и од североисточен правец, и истиот повремено ќе засилува на интензитет. На планините ќе има услови и за појава на снежни наноси.

Што се однесува до Скопскиот регион, таму очекуваме врнежи од дожд, повремено од дожд и снег во делови од Скопската котлина, додека во повисоките предели од котлината, како и на околните планини ќе врне снег и ќе се формира нова снежна покривка.

Што се однесува до температурите, тие денес ќе се искачуваат во интервалот од -1 до 6 степени, во Скопје температурата ќе се искачи до околу 3 степени.

Апелираме, доколку патувате низ планинските превои, да бидете крајно внимателни со своите возила, поради очекуваните нови обилни врнежи од снег, вели Славчо Попоски