До крајот на оваа недела и тоа особено во попладневните и во вечерните часови на повеќе места ќе биде нестабилно со пороен дожд, грмежи и засилен ветер.

Локално ќе има услови за појава на НЕВРЕМЕ, проследено со интензивен пороен дожд, силен ветер, силни електрични празнења и со појава на град. Температурите ќе бележат тенденција на опаѓање и во следниот период истите ќе се искачуваат во интервалот од 23 до 32 степени.

Во Скопскиот регион исто така во следните денови и тоа во попладневните и во вечерните часови ќе биде нестабилно со локална појава на пороен дожд, грмежи и засилен ветер. Има услови и за локална појава на НЕВРЕМЕ.

Температурите ќе бидат нешто пониски и максималните ќе се искачуваат во интервалот помеѓу 28 и 32 степени – за Еспресо вели метео прогнозерот Славчо Попоски.

Продолжува МНОГУ ТОПЛИОТ бран од Африка во Македонија. Температурите ќе бележат тенденција на пораст, а времето ќе биде сончево со мала до умерена локална облачност. Ќе дува слаб до умерен ветер од северен и од североисточен правец. Температурите во следниот период насекаде ќе надминуваат 30 степени, додека во најтоплите централни и југоисточни предели истите ќе се искачат до околу 40 степени.

Во Скопскиот регион исто така времето ќе биде стабилно, суво и сончево со мала до умерена локална облачност. Температурите ќе се искачуваат во интервалот помеѓу 35 и 37 степени.

Услови за изолирана попладневна нестабилност ќе има за време на викендот, а Ув – индексот и понатаму ќе има МНОГУ ВИСОКА вредност и ќе изнесува кофициент 9, за Еспресо вели метеопрогнозерот Славчо Попоски.