На 06.12.2021, при преземени сообраќајни контроли, полициските службеници од Полициската станица за безбедност во патниот сообраќај Охрид, контролирале и во станица за технички преглед упатиле 22 автобуси што вршат јавен превоз на патници.

Притоа, кај еден автобус констатиран бил неисправен уред за сопирање поради што возилото е исклучено од сообраќај, а кон правното и одговорното лице се поднесени соодветни пријави.

Во Струга, поради неправилно паркирани возила, со специјално возило „пајак“, подигнати се пет моторни возила.

Во Кичево полициските службеници санкционирале шест пешаци кои коловозот го преминувале надвор од обележан пешачки премин.

Известува: Стефан Димоски, портпарол на СВР Охрид

Од денес на повеќето малопродажни објекти плинот е со намалена цена за литар. Цената на авто-плинот (тнг) се намали за еден ипол денар и моментално се продава 42,50 денари за литар, додека за останатиот дел објекти новата цена на плинот ќе стапи на сила од вечерва 00:01 часот.

Ова е второ намалување на цената на авто-плинот, додека претходно бележевме 3-4 поскапувања по ред.

Што се однесува до течниот нафтен гас, тој не е под Регулаторната Комисија за Енергетика, така што цената може да зависи од малопродажните објекти (бензински станици)

Гориво по пониска цена, регулаторната комисија за енергетика и водни услуги (РКЕ) донесе одлука со која се врши намалување на малопродажните цени на нафтените деривати.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се намалуваат за 3,50 денари/литар

Ова ќе биде новата цена:

Моторен бензин ЕУРОСУПЕР БС – 95 71,00 (денари/литар)
Моторен бензин ЕУРОСУПЕР БС – 98 73,00 (денари/литар)
Дизел гориво ЕУРОДИЗЕЛ БС (Д-Е V) 63,00 (денари/литар)