На 01.06 со почеток во 14:00 ќе започне “Ехо – фестивал на планински филм & Kicevo Fusion Day“ во организација на Ехо – фестивал на планински филм, Montparnasse – Здружението за култура, уметност и креативни индустрии и Извиднички одред „Мирко Милески“ Кичево.

Програмата на настанот кој е бесплатен и има за цел да ги обедини локалните артисти и креативци и патувачко кино на фестивалот ЕХО, вклучува Базар на ракотворби, активности и работилници на Извиднички одред „Мирко Милески“ Кичево и Сојузот на извидници на Македонија, музичка програма на артисти од Montaprnasse, изложба на ликовното атеље Адамс Едукација и Наталија Спасеноска, промоција на интерактивната книга за деца „Мали диви детективи“ и работилница поврзана со неа и проекција на селектирани филмови од Ехо фестивалот.

Ова ќе биде прво гостување на патувачкото кино на ЕХО во Кичево. Мисијата на фестивалот ЕХО, кој се случува веќе 14 години, е да ја промовира планинската култура преку нејзино изразување преку различни интердисциплинарни форми на филм, издавање на книги, традиција на практикување планински спортови и одговорен однос кон природата.

„Како здружение поведуваме иницијативи во областа на културата, уметноста, уметничкото творештво и зачувувањето на животната средина, учествуваме во промоција и афирмација на културата, уметноста и уметничкото творештво и стремиме за децентрализација на културата со што им се дава поголем простор на младите локални артисти за себеизразување и пренесување на своите идеи, желби, знаења и вештини. Ваквиот пристап нѐ спои со Извидничкиот одред „Мирко Милески“ кои преку својата програма и активности ќе до доближат извидништвото и неговото значење до присутните на настанот и патувачкото кино ЕХО чија што идеја и главна цел се да се децентрализира главниот фестивалски настан што се одржува во Скопје и во исто време да послужи како платформа за изразување на локалното население и активисти, за нивните идеи поврзани активности со екологија, активен туризам, планински спортови и култура. Ова организациско трио најавува супер забавен ден со програграма наменета за сите“ – ни пренесоа преку неформален муабет членовите на Montparnasse непосредно пред настанот.

Настанот ќе почне преку ден со интересни активности, а филмската програма ќе почне во 19:30 часот под отворено небо пред објектот на Извиднички одред „Мирко Милески“.

Повеќе детали за агендата на настанот погледнете на https://www.facebook.com/share/7X3XFETou6ikhgvV/

/porta.mk