Денес на 5-ти јануари благодарение на група граѓани кои доброволно дадоа свој придонес и поддршка комплетно се исчисти просторот околу базенот а и во самиот базен каде традиционално се положува светиот Крст за „Богојавление Водици“ во Кичево.

Од наше име, како иницијатори за оваа работна акција срдечно им благодариме за целосната поддршка и вклученост на кичевското архиерејско намесништво, како и на сите учесници кои беа денес дел. Како посебна благодарност упатуваме до Влатко Божиноски кој доброволно беше до нас и со своја машина го израмни нерамниот терен околу, сметот и останатите паднати дрвја и гранки, практично замени 100 вешти раце.

Во работната акција исто така беше поставена голема форма на термомембрана (стреч најлон), која временски ќе ја задржи водата која бега од пукнатините, а делови од базенот беа освежени со сина боја.

• На крај, до големиот ден, кој е еден од најзначајните во Христијанството, упатуваме АПЕЛ до сите, да не се движат, односно да не го загадуваат ова место, да не фрлаат отпушоци или отпадоци!

Доброволци, луѓе со големо срце, Бог да ве благослови!

• Некои од присутните поради работни обврски пред фотографија го напуштија местото, но секако им благодариме!